راجـع حساباتك

[وآرف ❤️]

" محمد جارالله السهلي "

حين يحضر الابداع . .
يقف التعبير. . صامتاً . . مندهشاً . .
فيتشنج القلم ../ انبهاراً . .
وتبدأ الذائقه بالحديث . .

بين يدي الآن لآلئ نادرة من قاع "بحر" نادر ايضاً . .
بحر/ عذوبته ونقاءه . . تشبه عذوبة ماءه تماما . .

لكي لا اطيل . .

شاعري وشاعركم جار القمر/محمد بن جارالله السهلي
فلنقرأه بذوائقنا و احساسنا فقط . .

واليوم نقلت لكم أحدى قصآئدة ( رآجع حسابآتك )

احضّـرك واتلـوا عليـك البسملـه
والفاتحـه والغاشـيـه والزلـزلـه
واعلّمـك وش الحديـث المنطقـي
من شان تعرف كل شـي ٍ تجهلـه
خدمه .. بقدمها بـلا شـرط وثمـن
يا صاحب آفـاق الخيـال الممحلـه
وماهيب من بـاب المـوّده والغـلا
لكّن من بـاب احتـواء البلبلـه !!
كنت احسب ان سود الليالي ربّتـك
واثرك على نفـس العلـوم الاولـه
موّسـوس وحالتـك حالـه مزريـه
الحلـم قدامـك وعاجـز تاصـلـه
على مدار العام مـن قـل الثقـه :
بينك وبين الشـك والريبـه صلـه
ذكائك المزعوم حاجـه مؤسفـه !!
تضحك علـى تفكيـرك وتستغفلـه
سويت نفسك فاهم الوضـع وذكـي
وكليتها يا بـو الشبـاب مفلفلـه !!
ما احد ٍ جبرك تضيع وسط المعمعه
وتستصعب الموقـف ولا تستسهلـه
القصد واضـح والمعانـي واضحـه
ليه اتمادى فـي الحكـي وتؤّلـه ؟
طويق ثابت والجبـل يبقـى جبـل
فلنعتبـر هــذا ســؤال وعلله ؟!
شفت ان مالك بالثقـه موطـأ قـدم
كـب الغـرور المفتعـل ولاّ اقتلـه
وان عوّدت نهـج وقناعـات وفكـر
الاجوبه ترضـي غـرور الاسألـه
المرجله لا صارت هايـط وشعـر
مـا عـاد ابيهـا لعنبوهـا مرجلـه
وان كانهـا مواقـف وقـول وفعـل
ماعندي الا : تـم وابشـر وازهلـه
خذ لك نصيحه كانت تسـام بجمـل
يا مسيلمه او بالاصح يا عبهلـه !!
لا عاد تخطب في شبـاب المجتمـع
ريّح .. وخل الدين والنصـح لهلـه
ولا عاد تشهد زور فارجـاء البلـد
وتبقى كذا مـن مرحلـه لا مرحلـه
حتى ابليس بيستحي من كذبتـك !!
من كبرها ما هيب من ضمن عملـه
واليا بغيـت الجـد سجّـل مايلـي
واستحملـه واستوعـبـه واتقبـلـه
ماهوب عيب انـك تغيّـر منهجـك
العيـب وانـواع الخطـا والمهزلـه
انـك تجـي كلـك وتستنقـد فئـه
على فعل وانت اول اللـي يفعلـه !!
راجـع حساباتـك وفكّـر واتعـض
واضرب على نفسك جميع الامثلـه
ان كان ما انت بكلهـا مثَـل مثَـل
مـاوالله اقـول الشعـر واسترسلـه
خلاصة الموضوع كله ( من - إلى )
بيت ٍ يوضح لك غموض المسألـه :
أنا .. لو اني مـا لعبـت بحسبتـك
ما كان يسبب لك قصيدي مشكله !!

[رايق البال]

هلا فيك فزه ..
نص واختيار يدل على ذائقه جدا راقيه
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[حبي خالص]

اختيار جميل فزه
يعطيك ربي العافيه.. كلك ذووووق

[بقايا طيف]

الشكر الجزيل للاختيار الجميل
والذائقة الرائعة
نص في غاية الروعة والجمال
دمت وسلمت

[عملاق الشعر]

فزة

نص في قمة الجمال
كلمات رااائعة جدااا



سلمت يداك المبدعة وذوقك الراقي