الصيف راح وزمهرير الشتا حل....

**حبك وطن** · 13-07-2015, 11:07 PM

الصيف راح وزمهرير الشتا حلّ
وانا فقيرة حال وَاهْلِي فَقَارَا

لو يوم واحد بَدْفِنْ الفقر وَافِلّ
هذا الْحِجَاجْ اللي كساه الغبارا

وأدَوْس باقدامي على فَرْشَة الزّل
لو نصف يوم أهْجُرْ حياة الطُفَارا

يا شاعري مِنْ تَلّة اوْجَاعَنَا طُلّ
ومِدّ الْبَصَرْ دَاخِلْ وِجِيْه الْحيارا

تلقى بِنَا : أعمى :وأطرم :وِمِنْشَلّ
وتلقى الأسَى يَسْكِنْ عيون الصغارا

و تِلْقَى هَيَاكِلْ: نَا حِلَهْ مَا لَهَا ظِلّ
عَنْهَا يطيح من النحول الأِزَارَا

تشرب قَهَرْ :والقوت بَحْلَوْقَهَا ذِلّ
ورغم الفقر تلبس عباة الوقارا

ومع كُلْ طَلْعَةْ شَمْس،تِنْدَاسْ:تِنْذَلّ
والدين وصّى لاَ ضَرَرْ: لاَ ضِراراَ

حِنّا: وَطَنْ والفقر غازي ومُحْتَلّ
والْعِرْض عن عين الرذيله تِوَارَا

نَعْرِفْ طريق المال ونشوف وَنْدِلّ
بس الثمن خُزْي :وفضيحه:وعارا

ونَخَافْ ثوب الْطُهرْ في يوم يُبْتَلّ
الفقر كافر :والمصايب كبارا

ياشاعري سَوْلَفْت لك :جُزْء مِنْ كُلّ
عن فَقُرْ عَذْرا :كَمْ وَرَاهَا عَذَارا

وذولا يبيعون المزايين والْبِلّ
سَكْرَةْ زَمَنْ وِلاّ الأوادم سُكَارا

وتبقى قضية فَقْرَنَا مَا لَهَا حَلّ
يَا شَاعِري مَا تْت قُلوب الغيارا

بَسْكِتْ وَبَبْلَعْهَا مِثِلْ كَاتِمْ الْغِلّ
وأقول ياربي تعين الفقارا

وسلام :يا نَرْجِسْ: وِكَادِي :وِِيَا فُلّ
وسلام يَا كِذْبَة غِنَى وازْدِهَارا