حياكم الله ... عيدكم مبارك والله يعيده عليكم أعوام مديدة بالصحة والعافية

أحلى شي صار اليوم نزول المطر قبل شوية طاح مطر خفيف نوعا ما وخلص بسرررعة
عاد أنا وأختي الصغيرة لما شفنا المطردرنا ع البيت كله نخبرهم من الفرحة هههه أنا رفعت ايدي فوق أقول لأختي تصورني وهي تقولي التلفون داخل لحد ما جابته وراحت
تدق على أمي تريدها تشوف المطر ووصلت بعدين .. خلص المطر لإنه طااااح في فترة قصيرة // بعدني ما فاهمة الإبتسامة والفرحة والسعادة الغامرة اللي نحس فيها لما ينزل المطر

المهم بنسولف عن العيد شوية ...
بما إن هذا عيد الفطر معناته شي أكيد سهر ف الليل ونواجه صعوبة في تغيير مواعيد النوم ...أعتقد الأغلبية مثلناااآ
المهم أنا طبعا كنت سهرانة وحاااااولت بكل قووووتي أني أنام لكن ما قدرت.. عاد لما أذن الفجر رحت
أنا وأختي الصغيرة نصحيهم وكل ما ندخل غرفة نلقاهم جالسين محد فيهم ناآيم.. المهم تجهزنا وتمكيجنا وبعدين جلسنا نصور
وناخذ العيدية وكذا... من بعدها رحنا نسلم على جدي وخوالي .. والظهر طبعا رحنا نتغدا و نسلم على جدي الثاني وجلسنا معاهم لحد بعد صلاة العشاء..أنا أكثر شي ضحكني
أن الكل مبييين عليهم التعب والإرهاق واليهالووه حليلهم ناااآمو نصهم من الساعة
عشرة .. أما احنا لإنا كبار نمنا بعد الظهر وقريب آذان المغرب تقريبا الساعة 6
جلسنا على المراجيح اللي رباطينها في شجرة داخل بيت جدي هههه وكان
حماااااس وبعدها لعبنا لعبة الكراسي هههه نفس يوم كنا صغار وكانت أجواء جميلة جدا وأهم شي ف العيد النكتة السخيفة اللي لما يآذن المغرب يقولوا هااااه
ليش مو مجهزين الفطوووور .. بعد كل هذا في الليل رجعنا البيت واغمى علينا كم ساعة
وآلحين حااآسة عمري فيني نوم بعد بجلس شوية أحوس في السبلة
لين أتعب وبنآااااام ...