عالــــــــــــــــــــــمي اللبـــــــــــــــــــــــــس

[مجنونك ما يخونك]

يا شذا الافراح ما بين المحاني
يانسيمن يسحر افكاري هبوبه


يامغير من تفاصيله كياني
ياممشي هاجسي لابعد دروبه


ياسعاده قلبي ومارد حناني
بك احاسيس الوله دايم طروبه


ما يفارقني خيالك لو ثواني
يرسمك بالذوق واطياف العذوبه


الحلا والزين جنني جناني
عالمي اللبس بطبوع العروبه


وش بقى والنور بعيونك شعاني
والرموش اللي بميزتها جذوبه


ياحلاة الطاري اللي لك حداني
والوله يلبس من الاشواق ثوبه


ابتسم فرحه وانا في جو ثاني
فرحت الضامي لاناض البرق صوبه


ارسم الابداع في لوحة معاني
اتفلسف والهواجس بك شبوبه


لو طويت البيد في ظهر العماني
لاجل عينك ذابت اسدود الصعوبه


انت منوه ويش ؟ ياروح الاماني
المشاعر لو تبي غيرك كذوبه


الجدي وان طاح وسهيل اليماني
نجم حبك مانوى فيني غروبه


من عشقتك صرت في عشقي اناني
انت بالحالك هنا في كل نوبه


ما اتسمع صوت من حسنه دعاني
لو بروق الوصل تشعل في نصوبه


راهن بعهدي واكسبك الرهاني
وان عطيت العهد يلزمني وجوبه


لنك شفي واتعزوى بقحطاني
كلمة منا مدى العمر امحسوبه


جر قلبي جرة احبال السواني
الوله والشوق والطاري غدوبه

[المحبه للخير]

انتقاء جميل جداا
دمتي مبدعة
سلمت يمينك

[الشيخه الفلانيه]

قصيده جميله ،
گل الشكر عَ الأنتقاء
يعطيگ الله العافيه '

[حلم يرتجي التحقق]

~
ما يفارقني خيالك لو ثواني
يرسمك بالذوق واطياف العذوبه

من عشقتك صرت في عشقي اناني
انت بالحالك هنا في كل نوبه

الله الله
اختيااار ولا اروع غاليتي مجنونك ما يخونك
راق لي وبشدة هذا الانتقاء المتميز

كنت هنا
~ حلم ~

[رايق البال]

هلا فيك مجنونك ..
الله عليك الله نص واختيار ولا اروع واجمل
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[صوت الحمام]

السلام عليكم

يعطيك العافيه
ذوق جميل

شكراً لك
وفقك الله

[بقايا طيف]

انتقاء مميز وراقي
ننتظر القادم بشوق
دمت وسلمت

[مجنونك ما يخونك]