ما يجتمع حب معه صد وبعاد
احسن نروح ونفترق عن بعضنا

دامك تقول ان السبب حسد حساد
نصبر على مقسوم رب عرضنا

وش عاد لوماجا خطامنك وش عاد
سنين عشنا امال زادت مرضنا

على الامل يا ما صبرنا ولا فاد
لو استمر وش مكسبي لو فرضنا

نبقى كما كنا والاوضاع تنعاد
ما صار شي ولا تحقق غرضنا

انته وانا ما عشقنا عشق ميعاد
صنا العهود اللي عليها احتفظنا

نبغا مواصلنا على روس الاشهاد
عيا نصيبي ما نفع لو ركضنا

كني مقيد عن مواصلك بقياد
حتى الزمن من دون وصلك رفضنا

ماني على فرقاك راغب ومنقاد
لكن عجزنا نجتمع مع بعضنا