اسعد الله صباحكم
اعراس ايام زمان كانت تتسم بالبساطه تبداء التجهيزات لها قبل العرس بأسبوع طبعا الجيران يتكاتفون ويتساعدون ومثل ما قال اخوي نديم كان الزواج بسن صغيره بالنسبه لهذا الجيل اما بالنسبه الى ما مضى كان رجال يعتمد عليه وقد المسؤليه ومن الاهازيج اللي عندنا العياله وهوه فن شعبي اصيل والبنات الصغار يشاركن كل وحده تفل شعرها وتتمايل مع اهازيج الرجال وطبعا بليلة العرس
تشوف الجدور على الحطب يجهزون الهريس للريوق والفريد
ام النساء تجتمع حول العروس يحنونها طبعا ما كانو يعرفون يرسمون الحنا فكانو يحنونها غمسه اي يملون ايدها بالحنى
ويغنون لها ويفركونها بالنيل قبل العرس بأسبوع علشان يعطيها بياض ونضاره وبيوم العرس كانن بنات الحاره يقسمن اليوم عليهن حد يجهز الغدا وحد العشا كل حسب مقدرته يعني علشان صاحبهن وما ننسى الفرحه والغناء طبعا بعد المغرب كانو يشلون العروس للشريعه ويسبحونها ويلبسوها ثوب وكندوره وبرقع والذهب
طبعا وبعدها يجلسونها على فرشه اسمها المطرحيه والبنات حولها يغنن ويرقصن وما كانو يشلون العروس باليل لا
واذا سكن المعرس بعيد كان يشلها الصبح بعد ما يتريقون ويعينون من الله كل خير
ام اذا سكن المعرس كان قريب كان يشل العروس باليوم الثاني بعد صلاة المغرب
هاي بعض من عاداتنا واللي اندثرت بهذا الوقت
المشاركة الأصلية كتبت بواسطة نوارة الكون
