صـدى من مملكة أقلام الأعضـآء ( عفوآ ممنوع الدردشه )

[طيشّ!]

〰مرحباااااااااا الساع 〰
أهلين فيكم متابعين مدونتي العزيزة .. بنبحر بسفينتي إلى سنة 2005 ... اربطوا الأحزمة .. شي أحزمة ف السفن أصلاً ههههه الموهمم الموضوع جدي ...

اليوم تذكرت قصة قديممممة صارت لي تقريباً قبل 10 سنوات
لما كنت صغيرونة صف أول .. كنت طبعاً ما أعرف أكتب ولا أقراوما عندي خلفية عن الكتابة والقراءة لأني
كنت أربع وعشرين ساعة أحفر في التراب من كثر ما أحفر تقول بحصل بترول ولا كنز مدفون قدامي انزين
رحت المدرسة ولحد نص الفصل وأنا بعدني ما تعلمت شي .. لا قرايه نفس الناس ولا حتى كتابة .. عاد أذكر أبلة
العربي عصبييية وكل يومين تعطينا إملاء وطبعا قبل كان الضرب مو ممنوع فكانت اللي تجيب درجة نازلة تخاف الأبلة
تضربها لدرجة إن بعضهن عيارات يقولن أستاذة أنا مريضة وطبعا جون سينا ما يصدقهن لكن الشطورات تعطيهن حلاووة
وهدايا عاد أنا مثل ما قلتلكم كنت ما أعرف أكتب حليلني.. في يوم من الأيام قااااالت الأبلة باكر إملاء جيبوا دفتر الإملاء
عاد أنا توهقت ما أريد أنضرب زيااااادة واه ألحين وش أسوي بعمري .. المهم رجعت البيت وأنا أفكر بعدين قمت
حتى ما نمت الظهر من كثر الخوف وأمي الله يذكرها بالخير ف ذيك الأيام كانت تعصب منا إذا ما نمنا الظهر بعد ما نرجع
من المدرسة .. قمت من النوم مع ترقب حركات أمي لإني متأكدة بتنازعني .. وجلست ف حجرة فاضية بروحي وسكرت
الباب ومن الوسوسة كل حين أركض للباب أتأكد مسكر ولا لا . عاد خلاص طفح الكيل طاري الضرب مابا أسمعه نهائياً
وجلست أفتح الشنطة وطلعت دفتر الإملاء مع إنه ما يوميا الأبلة تملينا لكن تعرفون لما نكون في الإبتدائي حتى
جدول ما يعطونا ... وفتحت الصفحة اللي أخر مرة تملينا فيها وشفت الدرجة الزفتةوقلبت الورقة وخذيت الفقرة
مادري الجملة مال الإملاء وكتبتها .. وارتحت نفسياً ورحت أنام .......

في اليوم الثاني رحت المدرسة .. وأسمع البنات ف صفنا ما يسولفن غير عن الإملاء .. واللي ما حافظة خايفة
واللي حافظة تقول بتخبر ع اللي يغشو ... وأنا ساكتة وأتسمع سوالفهن ... بعدين جات الأبلة وقالت هاه حافظات
قلنا هيه هيه .. قالت يلا طلعن الدفاتر .. وفجاأأة قالت بعض البنات يكتبن الفقرة في البيت كل وحدة ترفع
دفترها فوق اختبصطت أنا وقامت ريولي تنتفض .. وبعدين لا شعوريا لفيت الورقة اللي بعدها ورفعت الدفتر فوق
حالي حال البنات وفي وقت الإملاء كنت خاااااااايفة وأمثل إني أكتب ومرات أخذ المساحة أمسح الجملة وأرجع
أكتبها مرة ثانية ... في يوم توزيع الدرجات جات الأبلة وعطتني دفتري ملصقة فيه حلااااااوة و مية بيسة ..
عاد لا تشوفون وجهي من الفرحةوجلست تنصح البنات تقولهم تشوفو لما تحفضوا بعطيكم حلاااوة أكبر من هذه بعد

أنـا مسوية كل هذاااااا بس عشان الحلاااااوة وعشان ما أنضرب.. أتذكر الأبلة قالت لي تريدي حلاوة ولا درجة قلتلها حلااااوة .. عاد لما كبرنا صف ثالث تطورنا لما الأبلة تقول تريدوا حلاوة أو درجة نقول درجة يعني خلاص صرناااا كبار هههههههههههههههه

-

هههههههههه غربلات بليسش حتى حرامم كاكك 💔😅

بس صراحه يوم كنا صغار نسويي اشياء دميره واجد 💔💔☺

سويت انا نفس حركتش بس كانت ف المدرسه !!

الاستاذه مطرشتني اودي دفاتر الاملاء بعد م خلصنا متمليين 💔💔😅

سو ف طريق جلست اععدل اخطأي عسب اجيب درجه نهائيه 💔😅

بس شكله حد من الاستاذات شافتني و راحت تبلغغ ععلي عند الاستاذه و هزقوني واجد واجد و اعطوني كمين ضربه 💔😅

المهمم مدونتش جميله واصلي ☺🌹 متابعه لش ☺🌹