السلام عليكم ورحمة الله وبركاته
بصراحة بالنسبة للأعراس أيام زمان احسن وأسهل بكثير بالنسبة للمعاريس
مصاريف الزواج ميسرة حتى مثل ما قلتي غزووول يكتفي بتقديم أي شيء
سواء كان نقد او من المواشي أو من نتاج المزارع .. كل حسب إستطاعته
ما فيه تعسير للعريس ولا كثير تجهيزات بالنسبة للعروس
حتى بالمسكن إذا توفر له سكن زوجته فيه وإذا ما توفر له عاش ويا اهله بدون تعقيدات
بالنسبة لتجهيزات العروس .. إذا ما خاطتهم العروس او امها .. فاكيد كانت هناك من جاراتهم
تكون عارفه الخياطة فتخيط لها ملابسها بدون موديلات ولا زركشه ولا غيرها
وكانت العروس تفرح فيها كفرحة العروس حاليا بزهبتها إذا ما كانت فرحتها اكبر
وطبعا غير الحناء والصندل إللي تحطه العروس في الأيام إللي تسبق حفل الزفاف
وتلاقي بيت العروس والمعرس يتحول لخلية نحل والجيران فيه
أما عن وجبة الغداء فكان يتشارك الكل في عملها في البيت مو الحين لازم مطبخ وكذا
اعتقد رغم فقد أيام الطيبين لكثير من الأشياء اللي تجعل حياتهم أسهل ..تبقى لهذي الأيام نكهه خاصة
لايمكن إنك تحس فيها الحين .. مثل لمة الجيران والأحباب حولك تشعر بفرحهم لك كأن الفرح فرحهم
عكس الحين هذا راضي وهذاك زعلان وفلان مشغول ما راح يحضر .. إلخ من الأسباب إللي تحسسك
بنقص في فرحتك ...وبانك غير مهم بالنسبة لهذيل الناس ...وغير هذا الإسراف الكبير الحاصل حاليا في العراس
مو مهم الناس تاكل المهم إن الناس تشوف كثر شو نحن صارفين لهذا العرس صاروا يتنافسوا من إللي صرف اكثر
ومن كان عرسه أكبر للأسف صارت الأعراس حاليا للبذخ والتعالي وبنفس الوقت تمحق البركة ..
عذرا للإطاله
♡
المشاركة الأصلية كتبت بواسطة أريج الرياحين
