هدية طالب

[حنااايا..الروح]

كان الطالب يدرس في الصف الاول الابتدائي
وقد وشك العام الدراسي على الانتهاء وسال الطالب المعلم: بدرسنا ياستاذ السنة الجايه
قال المعلم: لا لانكم بتطلعون سنه ثانيه
وبيدرسكم معلم غيري
قال الطالب: ليه ياستاذ انا وزملائي نحبك ومانبغى غيرك يدرسنا ........
(طبعا تعرفون حب الاطفال والحاحهم على الشي اللي يبونه
المهم جلس الطالب على كرسيه وهو زعلان
وجالس طوال اليوم لحاله ومالعب مع زملائه
رجع البيت وهو متضايق وزعلان عشان المدرس..
طرت على باله فكره هي انه يهدي المدرس هديه
بس مايدري وش يهديه راح لابوه
وقاله يابوي انا ابغى اهدي المعلم اللي يدرسني هدية
وابغاك توديني السوق اشتري له هديه
قال ابوه خلاص انا اليوم تعبان اذا جاء بكره
ودتيك السوق وخذ له الهديه اللي تبيها
قال الولد لاابغى اشتريها اليوم
قال ابوه: خلاص قلتلك بكره يعني بكره اسمع الكلام ياولدي
راح الولد غرفته وهو زعلان من ابوه

وجلس يفكر في هدية المعلم وجاء الليل
وهو باقي يفكرخطرت على باله فكره
نفذها واخذ الهديه وغلفها وحطها في كيس
ونام وهو مبسوط

قام الصباح من بدري وهو نشيط وفرحان
ولبس وافطر وراح يصحي ابوه وقام ابوه
ولبس وراحو المدرسه استغرب الاب
ان ولده فرحان ومبسوط ونشيط بالعاده
انه اول مايدخل السياره ينام بس قال اكيد
عشان اليوم اخر يوم في المدرسة
وفرحان عشان العطلة
ودخلو الاب والولد المدرسه
طبعا الاب مدير المدرسة اللي فيها ولده
دخلو الطلاب فصولهم ودخل المعلم
اللي يحبه الطالب الفصل بعد ما سلم المعلم
على الطلاب وردو السلام قام الطالب بسرعه
واعطى المعلم الهديه ورجع مكانه وجلس
وهو مستحي من المعلم شكره المعلم واخذ الهديه
وحطها على الطاوله وجلس يلعب مع الطلاب
حتى صفر الجرس وخلصت الحصه
اخذ المعلم اغراضه وانتبه للهديه واخذها وطلع
وهو ماشي لغرفة المعلمين قال بفتح الهديه واشوفها
قام يفتح الهديه وهو مبتسم توقع انها لعبة ولا شي تافه
ويضحك..
ولما فتحها وشاف الهديه فتح فمه من هول مارى
وش تتوقعون جاب الطالب هديه؟؟..... فكروووو
جاب حزاااااااام امه الذهب
لبس المدرس الحزام وهو ميت من الضحك وراح للمدير ودخل عليه وهو يضحك
وقاله: وش رايك حلوووو
بغى يهزا المدير المدرس من استهتاره
بس مسك المديرنفسه
قال المدير وش ذا اللي انت لابسه
قال المدرس ماعرفت هذا الحزاااام
قال المدير تصدق يشبه حزاااااام زوجتي
قال المدرس: واذا قلتلك ان هذا حزاام زوجتك صدق
قال المدير: وش جابه معك
قال المدرس ولدك اهداني اياه والهدية لاتهدى ولاتباع
جلس المدير والمعلم يضحكون
واستدعى المدير ولده وساله واعترف الولد
انه دخل غرفة امه وابوه ومالقى شي غالي
عند ابوه وراح وفتش في اغراض امه
ولقى ذهب امه واخذ حزااااااام الذهب
وغلفه واعطاه المدرس

ضرب الاب ولده بالعصى ضربتين محترمه وقاله رح لفصلك وشغلك معي بالبيت
والقصه حقيقيه حدثت في جنوب المملكة
سبحان الله وبحمده سبحان الله العظيم
استغفرالله واتوب اليه

[الصممت هيبةة]

ههههه ... سبحان الله
قصةة جميله .. يسسلموو حنايآ

[قائد الغزلان]

مساء الخير ��
هههههه. .هاي الحركه انا عملتها كمان
بس هديتها امي
سبحان الله
براءة طفولة
تشكرات وبارك الله فيك ��

[رايق البال]

هلا فيك حنايا ..
ههههه سبحان الله فعلا البراءه غير عند الاطفال
الف شكر لجهدك واختيارك وتفاعلك الجميل .. كل الود لك مني

[القيصـــــر]

هههه مسكين براءة أطفال
كل الشكر والتقدير على الطرح ،،

[نديم الماضي]

سبحان الله قصه جميله
بالفعل الطفل لما يصر على حاجه يجلس يفكر فيها
حتى يحصل عليها باي طريقه

سبق لي وقراتها هذه القصه

يعطيك العافيه..

[نوارة الكون]

اسعدالله صباحج اختي الكريمه
ههههههه
انتقاء متميز
ربي يعطيج العافيه

[عملاق الشعر]

حنايا


هههههه سبحان الله

قصة في غاااااااااااية الرووعة



سلمت يداك المبدعة وذوقك الراقي