نبض الإحساس .. سجّل إحساسك في هذه اللحظه

[حبي خالص]

للشوق من فقدك متآهآت و فتوق
و ظروف وقتي في بعآدك تقآوت
.
يآ سيّد الخآطر على وصلك أتوق
يرضيك هالدنيآ ، بعيني تسآوت

[حبي خالص]

تغيّر كلّ شي .. حتّى : كلامك
حبيبك ما عرف وش هو مصيره
-
تخيّل .. صار يحلم بـ إهتمامك
بعٓد ماكانت : أحلامه .. كبيره !

[حبي خالص]

طار لك من عزلة أشواق قلبي يالنديم
سرب طيرٍ شاله الريش واسماعه جياع
.
تنقل اخبارك على متن ذعذاع النسيم
وأقبلن يمّك عرايا .. وعادن لي شباع !

[حبي خالص]

لو نجازي كل ،، غلطة بـ الزعل
مابـقى معنـا من الرفقـة رفيـقٰ
.
ميـر نتجاهل عن المخطـي لعل
يدرك الغالي ، ويرجـع للطريق

[حبي خالص]

لا ترتبط عش حـر دون قيــود
احيان تلقي ان الغياب اجمل
،
تروح وانت ( الغايب ) المفقـود
احسن من المتـواجد ،، المهمل

[حبي خالص]

امــزح بوقـت المـزح والجـد له جد
وارفض ابالغ لـو يطــول ابتـعادي
،
اعيش فالحاضر وعيني على الغد
لـون الأمـل وردي ولا هـو رمادي

[الشيخه الفلانيه]

-


ماتذكر بليلة شتاء قلت لي شي ؟
كنت بتفاصيلك من الشوق غارق

تقول : لاجيت أطلب مفارقك ، عَيْ
حراااام في فصل الحنين نتفارق !

[الشيخه الفلانيه]

-


قهوه و صباح الخير
و عيونك و صوتك ..
ما باقي إلا الله
يدخلنّي الجنه ��.

[الشيخه الفلانيه]

-


خذيت المحبة
منّه و الشعر و التلحيـن ،
وهو خذا دموعي من
عيوني على : كمّه .

[الشيخه الفلانيه]

-


" أُمّي " مطر كل الفصول
واطيب دعاوي .. بالفجر

مرات اطالعها واقول :
هذا الوجه .. " وجه الاجر "