من البعض وليس الكل ولكن خوفي ان يكون في قادم الايام من الكل وليس البعض
بعد ما دفع ذلك الشاب المهر والذي اصبح لا يقل عن 5000 ريال بعد ما كان 4000 ريال لا والبعض من الاهالي يعجبك يخلي المهر 5500 ما اعرف ليش لكن بس عشان تحس بنتهم داخليا ان مهري زاد عن ما جرت العادة عليه وبالتالي تميزت عن غيري فتشعر بالعنفوان بأنها كم هي غالية ومطلوبة في السوق وحليلك الأسد.
حقيقة انا اليوم اريد احث البنات بالرأفة بحالنا احنا الشباب في الموضة الي طالعه من فترة والي الحين استوت عادة كل البنات يطلبنها فوق مهرهن والي هي اقامة العرس في القاعات والتكاليف لكبيرة الي نتكبدها احنا الشباب لهذه القاعة.
عندكم خبر ان بعض القاعات تكلفنا مبلغ يزيد عن 3000 ريال عماني ايو عندكن انا عارف لكنكن غير مبالايات عادي واذا كلفت أكثر بعد زين عشان ترضين غروركن الداخلي وتحسن كيف انتن غاليات
3000 ريال مهر جديد فوق المهر السابق 3000 ريال عشان ليلة العمر الي رايحة تكون في هذه القاعة لمدة 3 ساعات
ما كأنه كثير 3000ريال؟؟؟؟
لا والي يزيدك غم ان خلاص الحين يطلبن الاكل يكون بوفيه في القاعات خلاص ما صار الاكل مال زمان قطعة كعكة وفطيرة وسمبوسة لاااا الحين
يريدن بوفيه وما بوفيه بتاع الاكل الي زمان لا الحين بوفيه فيه ما لذ وطاب من الطعام الفاخر على تكا دجاج وتكا لحم وغيره وغيره انا لله وانا اليه راجعون
فهمن يا بنات ترى 3000 ريال ما جايات من فلوسي الزايدة في البنك تراهن جايات من ديون وسلف
لقد قيدت نفسي بالديون عشان اجيبلك 3000 عشان 3 ساعات عشان ليلة عمرك وليلة اسري بالديون
لا والحين بعد طالع شي ثاني الزفة من القاعة ل ......وين تتوقعون للبيت صح؟؟؟؟
لا الحين الزفة من القاعة للفندق ومن الفندق للطيارة
خلاص ما عادن يقبلن الزفة للبيت لا الحين الزفة للفندق والحسابة بتحسب وطبعا هذي ليلة العمر يعني الفندق بو 5 نجوم
ما اقول غير يا بنات رأفة بنا فقدت قيديتنا بالديون وهذا سينعكس على حياتك سلبا قبل ان ينعكس على حياتي لانك ستعيشين معي وسنعاني الامرين من الديون التي تراكمت علي لاجل ليلة القاعة فنرجوكن يا بنات رفقا بالشباب.
منقول
رد مع اقتباس
المشاركة الأصلية كتبت بواسطة روح الحلا1
