نبض الإحساس .. سجّل احساسك في هذه اللحظه

[ثابت الخطى]

[ثابت الخطى]

قصتي قِصَه مُفيـده وقِلتْ : أكتبْهَا بسطوور ||
ويا عسى مِن كانْ يقرى مِنَّهَا .. ياخِذ عِبَر ’

مغفره وذنوب , والساعه بلا تُوبَـه تدوور
السنه صَارتْ سَريعه حِيلْ , وأحْسِبْهَا شهر ~

عِذتْ أنا مِنْ شَرْ خَناسٍ يوسْوسْ بالصدور ||
وما بكيت إلا لوجــه اللــه في ليلة قـــــــدر

تِختصر مَعنى حياتِكْ كيف تبني لِكْ قصور!
أحْتِــــرم رايك ..
وهذي تُعتبَــر
..... ( وجهَــة نظر ) !

زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟

حَدِّث العاقِلْ بمَا يُعقَل ..وفي قلبٍ جَسُوور ..
وإنْ خطيت بحق غيرك روح قدِّم له عذر ..

رافِقْ الشخص المِثالي اللَّي لو تخطي / يثور ..
وإن سِمَعت إسْمَعْ مِنْ اللِّي تِلقى في صَمته " دُرر "

وقبل تِسأل عَنْ حياتي وكِيف وجهي شَع نور []
خلْ كلامي لِكْ وصيَّه وخلْ بعد عِندكْ خبر /

ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر ...

لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!

مِثلِكْ أوَّلْ كان حَالي وضِيقتي ونفس الشعور ..
كِنت أقول : شمعنى قلبي في مشاريعَه خسر /

ما دريت إنَّ الغِيابْ أحيَان أفضَلْ .. مِنْ حضور ||
لِين شِفت " الشمس " تشرق بعد ما يغيب ( القمر )

وما دريت إنَّ التواضُع كنز / ومَكرُوه الغرور /
لِين شِفت إنَّ الغِنى .. في الآخِرَه مِثل الفقر !!

كِنتْ غـافِلْ في حياتي وكِنتْ أجْهَلْهَا الأمور ’
لِينْ ربِّي له هدَاني .. وصِرتْ أدَوِّر لِي أجــــر ||

لا تقول: أعيش يُومي دامي في عمر الزهور ـــ()

منت ضامِنْ عُمركْ الباقي .. وقَطَّافْ الزهَر ,,

قبل لا تبدي الخطِيئه وتبْنِي لِذنوبك جسور ..
خافْ مِنْ ربِّكْ وفكِّـر في وعَد يُوم الحشر /

مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!

ياما قالوا الناس : خايف
وقلت : ما فيني قصور
بَسْ شِفتْ إنَّ الشَّجَاعَه مَعنى ثاني للخطر ..

إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر ..

وللشجر إن شفت هامه هذا مِنْ طيب الجذور |
يعني أعمالك جذورك هذي هـي بالمختصر /

القضيه: ما هِـي شخصٍ خالِفَـه شِرطي المرور .
البشر في الدنيا هذي . . . صَار , ياكِلْهَا بشر !

[داناااا]

الحياة مليئة بالمفاجئات ومن أجملها
ان يفاجئك الله بشيء أنت طلبته منه
بدعوه ونسيتها.

صباح الخير

[داناااا]

صباحك أنت مو أكثر
صباح الملح والسكر

صباحك حب
صباحك طفلتين واربع كفوف ودُعا للـ رب

صباحك خير
صباحك غير
صباحك كومة أغصان ودفا عش وملامح طير

[اوتار الخيال]

غصيت في جرحي وشفني تعلمت
إن آلوفآ يآ شوقي ، أعمى بصيرھ

من كثر مآني في حيآتي تسممت !
سلمت نفسي لـ آلنصيب و ضميرھ

[ثابت الخطى]

مَرّ تحت الليل دخان / و أماني
.......... و فـ انتظارك شاخ وجه الهم فينا
ومَرّ هذا الوقت من بين الثواني
.......... و مرّنا هـ : الليل و عيونه علينا
و إنتهينا كان هذا العمر فاني
............. صارت أحلام إنتظارك في يدينا
أزهم أنفاسي حنين أطفال ثاني
........... صار هالموطن يعيش فـ غايبينا
كان غربة والوطن كان المواني
........ و صار موطن و انتهاه الشوق مينا
يامسافر خذ هوى صدري أغاني
........ إرتمى فينا التعب : و احنا / رضينا
و غابني هذا المكان وُهو مكاني
...... و غابت / اوشاح المطر واعيت تجينا
وحشتك مرّات تهديني / حناني
........... طاحت أوجاعي على ذكرى حكينا
وإن تلاشى العتم و الخاطر دعاني
............. تنتثر كل / الشوارع لا انتهينا
سمنّي مرسول من ذيك / المواني
.............. بيننا يا / سيدي ألفين : مينا "

[داناااا]

يافكري السّاهي يا دعوة ال آمين
لا قالو عسى اللي مشغل البال يتهنى.. ��♥️

[ابن مذحج الجنيبي]

’




للمواجع صوت في صمت الحزين
*..*مثل ما للفقد في صوته .. صدى*
ضاع عمره ركْض خلف الراحلين
*..*ويوم فكّر يرجع لـ عمره .. غدى !!

[ثابت الخطى]

أَغَانِيْ شُوْق .. تَنْهِيْدَة شِقَايْ .. وفَلْسَفَةْ لِيْلِيْ
ـــ طَرِيْق التِّيْه .. نَبْضَات القِصِيْد .. وُمُعْجَمْ أَوْهَامِيْ

تِسَلَّلْت الأَمَلْ ظَمْيَا .. أَبَرْوِى مِنْ تَعَالِيْلِيْ
ـــ وَأَثَارِيْ هـَ الظَمَا أَفْضَلْ .. مِنْ إِنِّيْ أَشْرَبْ أَيَّامِيْ


بَنِيْتْ الحِلْمْ مِنْ تُربَةْ خُفُوْقِيْ .. وَاِنْهَدَمْ حِيْلِيْ
ـــ سَرَقْتْ الخُوْف مِنْ مِحْجَرْ عُيُوْنِيْ .. ضَاقْ هِنْدَامِيْ

أَرَتِّبْ مَكْتَبَةْ عمْرِيْ .. وتِنْفِضْهَا مَنَادِيْلِيْ
ـــ يِطِيْر غبَار يِخْنِقْنِيْ .. وِيْنْخَرْ [ حِزْنَهْ ] عظَامِيْ

شَحَبْ .. وَجْهْ الصّبحْ وَأَصْبَحْ بِدُوْن ألوَانْ يِشْكِيْلِيْ
ـــ بِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامِيْ

عَلَىْ أَطْرَافِ الشِّفَاة اليُوم .. غَنَّتْنِيْ .. مَوَاوِيْلِيْ
ـــ تَعَبْ .. نَظْرَةْ عَتَبْ .. آهَاتْ .. زَادَتْ مَعْهَا آلامِيْ

وكَفِّيْت البَصَرْ عَنْهُمْ .. سَقَطْ تِمْثَالْ يِحْكِيْ لِيْ
ـــ عَنْ أَشْوَاكِ القَهَرْ وشْلُوْنْ تنَامَتْ .. تَحْت أَقْدَامِيْ

تِهِبّ الرِّيْح .. وِيِتْرَامَىْ حَنِيْنْ .. وَاَلْتَحِفْ وِيْلِيْ
ـــ وَأَخَبِّيْنِِيْ .. وَرَىْ ذَاكْ الجِدَارْ بِسَلَّة .. أَعْوَامِيْ

يُبَهْ قَبْل الشَّهَرْ زِرْتَهْ .. طَرِيْقٍ كَانْ يِضْوِيْ لِيْ
ـــ قَهَرْ ذَابَتْ لِيْ شُمُوْعَه .. وَسَاحَتْ ضِيْم قِدَّامِيْ

عَدَدهَا كَانْ عِشْرِيْنٍ تِهَذْرِيْ مُوْت .. تِبْكِيْ لِيْ
ـــ هِنَا طِحْتِيْ .. هِنَا صِحْتِيْ .. هِنَا كَانْ الجُرُحْ دَامِيْ

هِنَا خَانْ الصِّدقْ كِلِّكْ .. هِنَا كِنْتِي تِنَادِيْ لِيْ
ـــ هِنَا طَاحْ الوَرَقْ .. " مِحْتَارْ " .. نَادَىْ حِبْر أَقْلامِيْ

[ثابت الخطى]