مُدّونةْ هاجْر

[هـاجْر.]

ظفري انكسر قبل دقايق و مضايقني الموضوع💔💔<< ماشي جديد!!

حقيقي اليوم من الصباح و انا اتأمل الاظافر و عاجبني طولهن و ترتيبهن و خاطري اسوي لهن مناكير!!! و ناوية يعني تو اسوي بعد م اخلص صلاة العشاء😯😯.

بس و انا افرش السجادة تو، اشوف الظفر منكسر😯😯😯😯😯! حقيقي قلت لا حول و لا قوة الا بالله، و عيوني امتلأت دموعاً💘😭.

و بديت اصلي، و استغفر الله كل تفكيري كيف انكسر ذا!! و احباط و يأس و قنوط و صدري ضايق😔😔😹.<< بنت الحلال خشعي صلاة ترى😭😹.

و خلاص، الله يعوضني خير ان شاء الله💕💕.

اليوم كانت عندي محاضرة وحدة بس من اربع الين ست، محاضرة خفيفة و بسيطة و ع قلبي مستر فضيحة💘😹😹.

يعني بالحقيقة ترى م جالسين نتعلم شيء، كله نفسه من بديت الدبلوم و هم يعلمونا ع الميكروكمبيوتر و الاوبريتنج سستم😯😹!! يعني كل فصل يصدموني بمواد نفس قبل و م نفلح فيهن لانه العملي ف صوب و الثيوري ف صوب😭😹.

و الله يستر بس!!

و طقوسي قبل لا ادخل اي محاضرة اونلاين لازم اروح اسحي شعري و البس لحاف و اتستر😔😹😹،<< احس يحتاج لي بعد البس كمامة 😷.

احس الموضوع الاونلاين كامل يخوف!!!!

يعني م مطلوب مننا نفتح كايمرا بس اخاف، الدنيا م فيها امان😭😹😹😹، المايك و اجلس اتردد الين م افتحه وش عاد الكام😔😹😹😹.

و ي رب تخطف الايام ب سلام بدون فضايح😹💘💘.

[هـاجْر.]

صباح الخير، و جمعة مباركة.

في موضوع ذي الايام شغال تفكيري جداً جداً! معرف كيف احساسي اتجاهه!

اريده م يتحقق، ع الرغم انه فرصة ما يتحقق متاحة لي الآن و هو المصير، بس لارضاء الضمير جالسة احققه!! و تحقيقه و عدم تحقيقه م تضرني اهم شيء، بس مجرد تغيير في نمط الحياة!

المهم انتظر الاجابة يوم الاحد و ان شاء الله خير💕.

[هـاجْر.]

سابقاً قبل كورونا و قبل 2020 اساساً، كنا كل جمعة لازم يتجمعوا اخواني ف بيتنا او بيت عمي ابو فاطمة الله يرحمها، طبعاً بيوتنا متلازقة و كنا غالباً العشاء يكون في بيت و الغداء في بيت!

كان لازم محور التجمع عائلة ام طيف؛ لانهم يضربوا عصفورين بحجر بيت اهل زوجها و بيت اهلها🤝.

بس الحين بيت عمي محد يسكنه و م يقدروا يجيوا هذا الصوب! و انتقلوا اساساً بعد م توفيت فاطمة و استقروا في بيت ام طيف!

جداً مشتاقة ح ذي الاجواء، و مشتاقة اخيم ف بيتهم عمي اربعة و عشرين ساعة.

الحين حياتي كلها ف البيت، كنت اول اطلع عند فاطمة الله يرحمها و نروح و نجي و طول الوقت ف بيتهم الا وقت النوم.

حتى امي واجد واجد فاقدة خالتي! متعودات مع بعض.

و ي ربي كيف فقدش ي فاطمة صعب من كل النواحي💔💔💔.

قريب بتكمل السنة و انا الين ذي اللحظة م قادرة استوعب الموضوع!!

ي رب لا تمتحنا بفقد من نحب💔💔.

[هـاجْر.]

‏اللهم إن لي فقيدة احبها حباً شديداً لا أغفل عن الشعور بها، و لا أتجاهل فضاعة ألم فقدها، متعها بجناتك، و برد عليها في قبرها، اللهم ارحم فاطمة واغفر لها وتجاوز عنها ولا تحرمها الجنة، واجمعني بها يالله ..

[هـاجْر.]

اهلي م طايعين يعطوني فرصة اثبت لهم اني اعرف اسوي اشياء غير الشوارما!!<< تمام معلم شوارما تركي🥰😹.


حقيقي كل م قلت لهم ويش تبغيوا اليوم عشاء! يقولوا شوارما😞😹.


انزين عندي جروب مال طبخ خلوني استفيد منه، و اسوي اشياء ثانية😭😹!


من امس جالسة ف بيت اختي ام طيف، و اليوم من الغداء يقولوا لي هاجر بتسوي لنا شوارما ح العشاء ترى😟😹!


انزين احترموا الضيوف ع الاقل.< الضيوف🤡.


المهم سويت صينية شوارما، و مخلية يوسف يخلط الخلطة اللي فوق بس! و من ساعة جالس فوق رأسهم انه مسويين الشوارما انا و خالتي هاجر و يهدد يقول لما يسألوا من مسونها قولي انا وياش😹🌝! و اسحاق يقوله تكذب من ساعة تلعب معي ببجي😭😹! << من ذي الضرابة حسيتها شوارما عالمية مال تركي😉.


و بس و الله، تقول لي خالتي سوي لنا هريس ح الغدى باكر<< تحمسوا بزيادة الله يحفظهم😟.

[هـاجْر.]

جالسة اخبر خالتي اسراري ف الدراسة عن بعد و امي تصلي😭🤝😹، من سمعت السر امي قبلت ع صوبنا و كذا وجهها😳😳😹!


المهم خالوه تقول محمد ولدها مشتري ايباد عشان لما يشوف المحاضرات يروم ينسدح عكس لابتوب صعب😭😹!


جيت قلت لها عب لما ابا انام، اسجل المحاضرة و انام🤡.
يعني من بدينا الين تو يمكن سمعت بس محاضرتين، و الباقي كله مسجلتنهن و انتظر يوم اتفيق و اسمعهن✌🏿🌚.


و اليوم امي كل دقيقة تطرش احد يشوفني😳😹، عوين شوفوا هاجر عن تكون نايمة😭😹، و ندمانة كما اني اعترفت و خبرتهم ذاالشيء💔💔.


يعني خلاص م في مجال انام مرة ثانية😟.

[هـاجْر.]

صعوبات التعلم-بارت2-.




واجد انسى اسماء اشخاص، خصوصاً مال الكلية😭😹.


في مرة جالسة تحت المظلة وحدي و تعرفت ع وحدة و طلعنا نفس الاسم و من نفس البلاد بس هي كانت اكبر مني، و سولفنا واجد وافترقنا!!


و يوم وحدة حصلتها مرة ف نفس المكان و جلسنا نسولفف، و كانن ربعاتي معي! و يسألني من ذي😅!


و انا بكل غباء رحت اسألها من اسمش😭😹! حقيقي كنت ناسية!
و الكل جلس يضحك، و هي انحرجت🙂، و اعتذرت منها لاني ناسية بالحقيقي😥😥.


و الحين كله ممشية اموري بـ الحلوة و عزيزتي💘😹.


ع نصيحة.

[هـاجْر.]

احس اختي ام طيف الوحيدة اللي ملتزمة الين تو ب اجراءات الوقائية من كورونا ✌🏿🤡.

حقيقي طالعة معها و انا ناسية سالفة كمامة ابداً، و هي جايبة معها كل انواع المعقمات و كل دقيقة و تعقمت!!<< الله خلق و فرق😹.

و تقول لي باية احك انفي بس لازم قبل نغسل يديننا😭😹، و انا يدي ماشي ما مسوتنه بها عاد🤡✌🏿.

و لما وصلنا؛ بنتها مريومة جاية تحضنها، قالت لها لااااااااا، قبل اتسبح😭😹😹😹!!!! من ساعة اضحك و الله، استغفر الله بس🥰😹.

و عندي مشكلة لما اسوي وجبة، انسى كيف مسوتنها قبل🙂😹!!!

اليوم يقولوا لي سوي فول، مالش حلو، جالش مسوية و كلهم عجبهم!! حقيقي دخلت المطبخ و جلست اتذكر موه كنت مسوية فيه😟😹!

المهم سويت له فلفل اخضر يحرق، و عمي طول العشاء و هو يتنازعع، لانه من اول لقمة اكل فلفل 🌶🙂😹.

و انا ساكتة و متحملة، و باكر دور الهريس<< الله يستر علينا، شكلي امر ف اختبار م قبل الزواج😭😹.

[هـاجْر.]

في عندي اشياء اشتريها و م اكلها، و اذا اكلتها اندم، و من ضمنها هذا الحب الشمسي🙂🙂!!



واجد يعجبني بس يضايقني لما ابدي اكله م اتوقف، و شفايفي يتشققن بقوة و اندم الين يوم القيامة🙂.

بس بعد م يهجيني م اشتريه، و قبل لا اكله يحتاج لي صلاة استخارة!!

في وحدة تقول لي م جالي شفت اباء يحبوا الاندومي😟✌🏿؛ احنا ابوي واجد واجد يحبهااا، لدرجة بيت المزرعة مخزن اندومي مستوي🤡.

المهم انا ايام الثانوية كنت ادمان عليها؛ بس تو من ريحتها ابغى ازوعع، الله يكرم النعمة.

خلصت حبي لها اول، و هو اتمنى احبها تو مرة عشان احسها تشبع و تفك ازمات😹.

[هـاجْر.]

روقان المستر غريب😹✌🏿.