لا شي يستحق آلعناء ..
آهتم ب من يہتم بك ..
و آرحل عن من رحل عنك ..
و عامل كمااَ تعامل وآنتہى .،!*
لا شي يستحق آلعناء ..
آهتم ب من يہتم بك ..
و آرحل عن من رحل عنك ..
و عامل كمااَ تعامل وآنتہى .،!*
قال الشافعي
لوأصبت في "تسع وتسعين" وأخطأت في
واحدة ، لترك الناس ما أصبت وأسرّوها.!
وأعلنوا ما أخطأت وأظهروها..!!
مساء الخير 😢💔
صاير لي موقف ما غاوي البر ولا توقعته من صديقة أو شبه صديقة علام الناس معاي غريبين ..!!
امتحنت وطلعت الدرجات اللي ما كانت مرتفعة من 30 حصلت 24 والبنت هاذي حصلت 14 بس ..!! والدكتور ما علق أوراق نادى الرقم الجامعي والدرجة في المحاضرة أنا سمعت درجتي وصراحة فرحت فيها لإنها عالية مقارنة بالبقية بس هاذي البنت تقولي إنها ما سمعت درجتها ..!! ^
المهم خلص اليوم ومر كم يوم عقبه وجا يوم الأربعاء و الطيبة تقولي إن الدكتور ملخبط بيني وبينها 🙁 يعني هيه اللي جايبة 24 !!!!!!!!!!!! وتياحدني مياحد حشى بتاكلني بصوتها العالي ! المهم أنا إنفعلت وصرنا نتعاطى أنا وياها بالكلام والدكتور ينادي الأسماء و يشوفني أنا أتكلم كان يقولي خذي كتبك وأطلعي برا 😢 بس ما طلعت ظليت صامدة رجع وقالي أنتي أنتي ويأشر عليي يقولي طلعي برا 💔💔💔 بس ما طلعت ! وقلته أنا ما سويت شي ؟؟ ما رد ورجع يكمل الأسماء و اللي جنبي كانت بعد تتكلم أكثر مني بس ما إنتبه عليها لإن راس اللي قدامها مغطي عليها !
المهم شرح الدرس وبعدين قال أنا يوم أصرخ على أحد أو أتعامل بهذه الطريقة هذه الأمور تنصب لمصلحتكم وو إلخ 👊
بالعكس أنا ما منقهرة غير على السالفة مال 14 هيه تقولي راحت عند الدكتور وهو ملخبط بيني وبينها خاطري أصفعها والله
انزين طلعنا وعندنا محاضرة 2 إحنا ثنتين ومعانا وحدة غير ورحنا وهذيك تقولي معقولة روحي تأكدي من درجتك ..!! أقولها سلااااامات دكتور حاشر عمره وما بقي شهادة ما مخاذنه بيغلط غلطة مثل ذي مستحيل اونه بيلخبط بيني وبينها سلاماااااااات ورقتي فيها اسمي ورقمي الجامعي معلوماتي مالها علاقة بمعلوماتها ..!!
هاذي البنت من أول ما بالعتنها أصلاً طلعت أخس من اللي مشغلة صوتي المرة اللي طافت ^ ههههه
ع فكرة هاذي اللي معرفتني على البنت اللي حشيت فيها المرة اللي طافت أذكرها كانت بالمكتبة سبحان الله ..!!! فيهن صفات مشتركة
ما علينا بعد المحاضرة رحنا إحنا الثلاث مكتب الدكتور اللي يريد يطردني يوم كنت أسولف بس جلستهن برا اريد أكلمه وما يسمعني وأعتذرت اوني منه أول ما دخلت يقولي هلا هلا هلاااا بعده ورواني الدرجة وكان أسلوبه طيب عادي وخبرته سالفة ذي البنت ^ اندمجت الطيبة ف الكلام
وهوه يعاين ومنصدم قال أنا قلت إنتي اللي تجلسي بجانب روان ..!! ما ملخبط بين درجاتكن أنا أقوله دكتور أكيد أكيد درجتي 24 قال اذا تريدي أفتح الروقة تعالي بعدين أنا عندي محاضرة ألحين قلت لا لا لا خلاص درجتي حلوة وطلعت قالي شدي الحيل أكثر في النهائي ولا تجرحي صومك ..!! ^ ينكت الطيب بعد ما هزئني ههههه
وطلعت فرحانة ورحنا الكانتين وطلبنا أكل وعادي نسولف والأمور طيبة وأخبرهم كيف الدكتور كان طيب نقلت كلامه كله ونحن نسولف وإلا أرد على ذيك البنت اللي شككتني في نفسي وأقولها بطريقة مؤدبة ما بقصد شي إن إذا كانت درجتها فيها مشكلة أو شي تروح تناقش الدكتور بدون ما تذكرني يعني تتكلم بس ما تجيب طاريي وإلا أتفاعل و أتم أقولها اسلوبك صراحة ما حلو وأنا تهزئت والسبب أنتي كيف تدخليني في موضوع يخصك أنتي لما أقولك ذاكري تقولي مالازم ما طلاب مدارس نحن وعطيتها جرعة من الكلام المعسول ☹ وتناقشنا أنا وياها كل وحدة تطلع حرتها ولكن عااادي حتى يوم قالت بتروح السكن أنا أسلم عليها وأمزح أقولها شمس وما شمس ..!
عاد أنا ما أحب صديقاتي يتموا يحسدوا ع الدرجات ولا يغاروا أو يطلبوا مني أغشش لاني من النوع اللي يحضن الورقة ولا يحب أحد يطالعها ههه وأجلس جدام بعد بس عشان ما تصير فرصة أحد يطلب مني مساعدة 👧
اليوم فاتنة عليي خلاص زعلت وما تتكلم في الجروب .. يخلصني أراضيها ؟؟؟
يوم قلت لأمي عنها قالت خليها تغيب 🙊
انزين ..!
من الأشياء اللي ما أحبها الناس اللي تجز من كل شي .. صايرة وايد أنتقد ذي الفترة ما علينا المهم صديقتي نفسها اللي صارت سالفة مال الدرجات وهيه زعلانه لين اليوم لما ندخل الكانتين اتم تقول إن العيش ما حلو وإحنا نظل لساعة أربع ف طبيعي بنجوع .. خصوصاً فهالحر !! المهم هيه تقولنا لا طلبن ولا طلبن لحد نص الفصل وإحنا نشوفه جدامنا بس متحرمينه ههههه هيه تقولنا جربته وطعمه تفل اونه ☺ المهم بيوم قررنا نجربه الشكل مشهي ياخي يجرك جر انزين وجربناه طلع لذيذ ألذ حاجة بدون مبالغة والله طعمه واااايد حلووووو ما أعرف أي حاسة تذوق معاها
وخلاص صرنا نطلبه دايم وهيه تعاين علينا بس ما تتطلب ! كله فلافل فلافل تتطلب ما تغير لو شو ما يصير وذاك اليوم إحنا كل وحدة طلبت شي وهيه قالت ما يوعانه !! كيف وأنتي مداومة من الساعة 8 لين تو وما كليتي شي ردت علينا إنها كانت طالبة فلافل بس المصري اللي يسويها قفازه منقص ومسك الزبالة بعد 🙁 !!!!
ومرة غير اونه تقول الخبز في ذرة تمشي وهيه شايفتنه تقوم صديقتي الثانية تقول صديق جيب جيب خبز زياااادة هههههههه متتت من الضحك عليها هذيك متعقدة اونها تجز وتجز حشرتنا
كل شي معها ما نظيف ومحد نظيف بس هيه الوحيدة اللي طالعة من غرشة الديتول *
يا كرهي كرهاه لهالنوعيات حتى ما يخلونك تتهنا بلقمتك يذمون في النعمة لين بس وأخر شي يقولون عاد السموحة ما قصدنا نلوع عليك 😝
يسدني حش بروح أمسك لي كتاب بايباي 🚶
😂😂😂😂😂😂😂😂😂😂
من شان الله رجعوني لبيروت لك مابدي ضل هون؟ العور ، قصدي العمى شو هيدا اللاهوب ☹💔.😂😂😂😂
مع اني مع أحب الموز بس الصورة تفتح النفس ناااااطع 😍
حر حر حررررررر الشمس قوية الساعة 2 يوم امشي من هنا وهناك أذوب نعم لك عنجد بدي ارجع لمطرحي
وبس مع انه كذاك الحرارة مرتفعة بس أمي مسوية ذاك الشاي الغاوي اللي تشربه وتاكل جالاكسي معاه
متوحدة أنا برا وع السبلة أحسدني ع هالجو بس عادي وما وراي شي باكر أوووووووف 😍💘
15 شعبان 😍💘
انتصفنا قبل شوية فتحت سناب ولا خلق الله محتفلين بحق الليلة ..!!!! سلامات نحن في منطقتنا ما عندنا هذه العادة أصلاً يالسة أراوي أمي سنابات ربيعاتي اللي تعرف أهلهم تقولي ذيلا ما أحيد معهم هالعادة أصلاً حتى قرنقشوه نحن ما معنا بس ترا يشوفوا مال صحم ومسقط يحتفلوا قاموا وغاروا وكله لتصووووووير والله 😂😂
أنا عرفت قرنقشوه يوم طلعت السوشال ميديا نحن قبل لما كنااا صغار كانت في عادة شبيهة لقرنقشوه ونمحت تو اسمها بت بكر كانوا يعملوها في شهر محرم ونروح ندور ع البيوت يعطونا بطاطس وحلاويات وفلوس و البنات أحيدهم ياخذوا المحار وما أعرف شو كانت في حركة يسوها بالمحار ما أذكرها لاني ما وحيت عليها كنت صغيرة طشة ..!!
أحس بعض العادات غبية وتافهة مثل قرنقشوه الحركة حلوة وللأطفال لكن اللي سوه السنة الماضية شي يفشل لما الأولاد يلبسوا عبايات ويتشبهوا بالحريم وفي رمضان بعد مسوين هلاوين ع غفلة ما هينين العمانييين طلعوا 😅👊
مرة كنت أحاوم في النت صوب تويتر على يوتيوب ولفة بالسناب وكذاك شفت تعليق من واحد سعودي يسب العمانيين ولهجتهم يقول اونا يمنيين وياين من زنجبار وبلوشستان و الدليل الكمة و اللهجة وييه الهجوم من العمانيين والله ما أعرف من وين قاموا يطلعوا كلوه حشى لكن ما سكت بعده يقول انتوا في العصر الجاهلي مولاي حضرة السلطان قابوس ههههههههه و العمانيين معصبين ياخي طنشوه خلوه يغيب ..!!
العمانيين وضعهم غريب اي شي يخصنا طلعنا والله في بيتنا لما نشوف واحد عماني في قناة القرآن نأشر عليه عماني عماني حتى الصغار هههههههه حمدلله والشكر
تصبحون على خير 🙆❤
فوادي قابضني 😔
يالله سكتوا نعم أمس + اليوم ...!!! سمعت سوالف كذب لين تيبس مخي واه ما أعرف بعض النوعيات غريبة يعني مثلاً في بنت عادية ما إنها واو وجميلة وكذاك عادي بنت المهم نحن معنا كلاس س 10 وحضرنا حلو وهيه ما مختارة هالمادة قلنا لها حضري معنا قالت لا ما يخلصني وطلعت خلص الكلاس وتي تضحك هاه شو مستوي علام ؟ قالت كنت أمشي ودخلت اللفت بروحي ويون شلة شباب ودخلوا معاي واه بغيت أموت أنا بروحي وهذاك يطالعني لااااا امبييييه اكذب ما قالت امبيه المهم 😂😂 انه شسمه اوفر الا ساعتين وصار موقف مرة ثانية معاها اونه كانت تمشي واحد وربيعه قالوا لها عطينا وجه يا حلوة 😐 اسميها كذاااااااابة من النوادر يصير كذا أنا أمشي وأروح يمين ويسار عمره محد قالي كلمة شمعنى هيه !!!!! ممكن تكون صادقة إذا موقف موقفين ثلاثة بالكثير م كل يوم يايبتلنا سالفة يديدة ياالله أنا حلوة الكل يطالعني طيري عني لاه المهم ما احب البنات الغبيات !!
اوني من النوااادر ههههههه
شوف انته شوف 😂😂😂😂😂💔💔
هههههههههههههههههههههههههههه بشويش أنجلينا جولي بشويييييييييش يالله الرحمن الرحيم أنا اللي عاجبني تفاعل البنات مع إنه لما تسولف بالصدق كل وحدة تغمز لثانية ويضحكن بس يعطنها ع جوها ههههه أنا ما اقدر ما اقدر ابدنننن..!!! هاي قطرة من بحر كله كذا تتخيل أشياء وتبدع في السرد صراحة والله مرة تخبرنا عن راع باصهم حتى راع الباص هههههههههه ومرة عن مغامراتها اذا طلعت سبحان الله غريب أحس كذا يعني ما حلو تتكلمي جدام صديقاتك عن هالمواضيع أنا يوم متحمسة وخبرهم سوالف محد يعطيني فيس لان سوالفي ما ع المود .. !!!!
الزبدة ووجهة نظري الشخصية 👓 أن ولو صار موقف وكان حقيقي ماله داعي تروحي تنشري جدام العالم والله مشيت وواحد قالي كلمة والله رحنا مكان واحد عطاني نظرة وكذاك وكأنك فرحانة ع هالشي ..!! إذا تكرر معاك مواقف من هذه النوع راجعي نفسك ، شوفي شكلك بالمنظرة الميكب ثقيل ولا عادي العباية ضيقة ولا ساترة أنتي شعرك تطلعيه ولا لا مشيتك صراخك أسلوبك مضبوط ولا ..!!!
هيه يالدنياااااااااااا
تو أنا صايرة انتقادية وايد حشى ما أتأكب 😂😂 بس صدق بعض الناس تفكيرهم غلط وتستحي تخبرهم تحاول تلمح بس ما تحرجهم تدخل المدونة وتحش ع راحتك هههههههه لا امزح اذا كثرت عاد هيه أصلا مكثرة بس لا اذا زادت مرة يعني صدق بقولها النصيحة اللي سدحتها فوق مال راجعي نفسك بخلي أسلوبي حلو وبقولها يارب أقدر 💔
المفروض أنصن صنه يوم أقول ما فيني رقاد وأدخل المدونة ساعة ثلاث أزغطلي كوبات شاي لا وأحمر بعد ما عرفتني وأنا أقلد لهجة الحبوه 😂😂😂😂😂😂💔💔
معسلامة 🚶
🙄
ما إهمااااال بس يعني أقصد إن هذا شسمه يعني إني صايرة كسولة وما فيني بارض بعد الغرفة مزبلة أشرب الماي وأولف الدبب ويوصلني القصف إنتي عايشة ف زريبة 😔🚶💔
بس صدق أحس فوادي قابضني ما أعرف ليش مع إنه مقرب رمضان وناسة المهم بعيداً عن الجو الكئيب كانت تدرسني معلمة بس ما معلمة يعني لما بالصف الخامس درستني مهارات حياتية إنتداب أو شي من هالقبيل ما أكيد يكون إنتداب يمكن تطوع أصلاً المعلمة اللي تاخذ إنتداب يعطوها راتب .....؟؟؟؟ !! ماعرف اللي أعرفه إنها كانت تدرسني مهارات وبعدين قامت تبيع بالمقصف ومسكت الشغل مال بنات التقوية وألحين هيه أون مدخلة بيانات في الإدارة عينتها الوزارة 😐
زين وأنا صف خامس هيه تعرفني وتعرف كل بنات الصف مالا أنا المهم شافتني وأنا أكبر جدامها يعني من عمري 11 سنة لحد سطعش بعدها طلعت من المدرسة ورحت المدرسة ثانوية وكانت إميزتني والله العظيم وهيه تمسك الرحلات تختار من اللي بيروح يوم كانوا يعطون أوراق موافقة ولي الأمر أنا عاد مستلمة 😌
حركات بعد المهم مرة عاد ^^ تو بيبدا الكذب ههههههه كنا طالعين من حصة الحاسوب وهيه تبا بنات يكتبوا أرقام وبيانات يساعدوها ف أشياء بسيطة وراحن كم بنت والبقية وأنا من ضمنهم روحنا الصف بس قامت وزقرتني قالت تعالي أنتي ؟☻ وتمت تسولف معنا وتمزح و مرة غير بنات صفنا مسويات إزعاج وفاتحات الكيبل مال الكهربا وقاطعتنه بس نقطة تضغط عليها وتبند الكهربا في الطابق الثاني يعني اللي هذا ونحن صف عاشر وصلت حصة الرياضيات وتدخل الأبلة الفصل وكان حررررر اونه البنات مسويات هالحركة عشان ما يدرسن إنزين تقوم أبلة الرياضيات وتفتش الواجب وطلع الصف كله ما حالنه إلا كم حبة اللي مهتمات كان تقولنا ثنتين ثنتين وع الإدارة بس ما إنها وايد معصبة قالت لنا نروح عند الأخصائية وذيك ماشي أبرد منها هههه نعم بااااااردة لأبعد درجة تحس تسويلك تنويم مغناطيسي يوم تسولف تنود وتثاوب لين بس المهم ونحن نازلين الدرج تشوفنا معلمة التوجيه كان تقولنا ليش طالعات كذا من الحصة على وين ردن عليها البنات اللي ورا رايحين رحلة ويضحكن وهيه صدقت ...!!! وصلنا عند الباردة وقلنا لها إنا أبلة الرياضيات مطرشتنا عشان نحن ما حالين الواجب وتمت تقولنا اهتموا بالمادة وانتوا ع أبواب الثانوية ولازم شسمونه وكذاك وتدخل مال التوجيه اللي لقيناها عند الدرج ومعاها مدخلة البيانات وتموا ينازعونا وهذا استهتار وعدم اهتمام ولاااااامبالاة وعاد مال التوجيه معصبة لان البنات كذبوا عليها وقفونا بالطابور اليوم الثاني حتى المديرة صرخت علينا هيه صوتها لما تتكلم عالي كيف عاد لما تصارخ و ف هالأجواء المكركبة سحبتني من ايدي من بين كل البنات مدخلة البيانات ..! وسلمت علي وقالت لي لازم ما تتصرفي كذا وتحلي الواجبات ولا تتأثري بالبنات والحركات وأصدقاء السوء وتمت تنصحني في الدراسة وبس انزين يوم عااااد من الأيام كنا حصة رياضيات بعد ويدق الباب وطلعت مدخلة البيانات وفي ايديها ورقتين موافقة ولي أمر حق بنتين بس يروحوا رحلة مسقط 😍😍😍😍😍 عطت الأولى ونادت الثانية طلعت غايبة قالت لازم نعطي حد الورقة اليوم لان الرحلة باكر وتموا البنات يرفعوا ايديهم ويصارخن واحتشر الصف وأنا جدام موقعي و أصارخ بعد أبا أروح الرحلة بس هيه عينها ما تي صوبي لاني ما موالمتنها ولما التفتت علي سييدة عطتني الورقة والبنات بعضهن ما انتبهن انها عطتني وبعدهن يصارخن قالت خلاص خلااااص اخترنا روان 😃🙈
ومرة في وحدة من البنات مشترية شنطة اللي يعلقوا عليها كاب من ورا وعاد بنات صفنا ما عدهن سالفة اونهن مسويات مقلب فيها ماخذات الكاب وضاماتنه معهن وهذيك تدور عليه رحنا أنا وياها عند مكتب الباردة وخبرناها على البنات من باب المزح اون .. رايحين نزعج الإدارة بتفاهتنا المهم خبرنا وطلعنا وأنا طالعة نادتني الأخصائية قالت أشوف التفت ولا طلعن البنات رابطات شيلتي مسويات عقدة هههه وضحكت هيه والثانية وقلتهلن أنا ما أعرف من اللي عاقدة شيلتي قالت الأخصائية أنا أعرفهن حركات البنات قالت مدخلة البيانات ياخي روان يوم تتكلم تعجبني قسمبالاه قالت كذاك وأنا متبوسمة طلعنا أنا وربيعتي رحنا الصف
ولما تشوفني هالمدخلة بالمرر توقف وتسلم وكانت طيبة في تعاملها معي جداً حتى وأنا طلعت من المدرسة ورحت مدرسة غير كانت اطرش لي سلامات مع أختي الصغيرة دايما وتسأل عني وين انقبلت وما أعرف شو المهم خذت رقم أمي من عند أختي اللي هناك ف المدرسة وصار اللي صار 😭😭😭😭😭
والله العظيم استغربت طلعت كذاك سوووووالفها بس أمي ردت من راسها حتى ما قالت لي ولا أبوي ما يعرف تقولها البنت تبا تكمل دراستها ههههههه ^^ الشيمة 🌚 والله أنا عرفت بسالفة بعد كم يوم المدخلة اتصلت وأمي رفضت وبعدين خبرت أبوي وقال أحسن وأنا خبر خيييررر ...!!! يا ف الجامعة أنعش يا ف البيت فاتحة المدونة أكذب يا شسمه حتى أختي أصغر مني بسنتين تعرف لكن كيفهم انزين خبروني ياخي هههههه !!!!
صح عند بيتنا في الحارة يعني عرس ، عرس من ؟ عرس وحدة بتتزوج أخو زوجها المتوفي يعني ريلها مات خذت أخوه !! ويع أحس ما حلو الإنسانة هذه عندها بنتين صغار وأم زوجها القديم الميت أصرت أن ولدها يتزوج زوجة أخوه لما مات وهيه تصير بنت عمهم أحس غريب هو حلال بس ماعرف كيف يعني كلهم يسكنوا ف بيت واحد اللي هو بيت العايلة وتشوف أخو زوجها هناك وفجأة تنتقل من هنا لهنا 😳 ياربي وبعد مسوين حفيلة صغيرونة عائلية كان ع أساس يتزوجها الأخ الأكبر متزوج وعندها أولاد بس هيه ما وافقت قالت تريد ولدهم اللي ما متزوج من قبل ..!!! ألحين لو حملت بناتها بيصيروا خوات وبنات عم بنفس الوقت 😦 أحس صصصصصصصعب كيف وافقت واااه أنا إنذُهلت !
من سنابي ترا الصورة متعوب عليها بشدة لسببين الأول التصوير من السيارة الثاني ( الميدالية متدلدلة من جدام ) وبس عشان كذا ما انضبطت صح ..!!!
ههههه لحظة اتذكرت بعد سالفة اليوم ما بسكت نعم انزين لقيت بنت معنا في المدرسة اللي فيها المُدخلة بس أنا لاني نطيت مدرسة غير فما حصلتها هناك يعني كنا شويتين صديقات أنا وياها مرة رايحة الكانتين أشرب عصير برتقال وسنكرز ولقيتها هناك ورحت أسلم عليها ولو حد يشوفنا كيف نسلم على بعض وكيف فرحانيين ومن زمان ما متلاقين يالله من سنتين ماتلاقينااااا مشتاقتتلش الدبة ومن هالحكي هذه المحادثة اللي درات بيني وياها عطيتها رقمي قبل ما كان عندي فون هههه المهم ورسلت لي في الواتس وكذاك عاد قمت وايد أتصادف معاها مرة عند البوابة وأنا مروحة البيت كنت يالسة وأي حد يمر لازم بطيح عينها فيني لان موقعي من صوب السكيورتي وهيه اتطلع تصريحها خلت عمرها اونه ما شايفتني وأنا فيني ضحكة مشيتها غريبة عيل حد يمشي ومطير عيونه ف النخل على شو تعايني يا بنية المهم قلت ما بظلمها يمكن عادي بروحها تحب النظر إلى النخيل تعرف صرم ولا لا 😂😂😂😂😂 استغفر الله أمزح لان لو نزلت عينها بطلع أناوهيه اونه ما شايفتني ضحكتني ياخي حركة عيونها ومشيتها اللي ع جنب ياخي عادي لو وأنتي ماشية السلام عليكم ع السريييع بسم الله ما أحيدني أكل الأوادم المهم مرة 2 كنت أمشي في الممر وتصادفنا أنا وياها بس طلعت لها وجه بوجه هالمرة يعني ما يصير تخلي عمرها ما شايفتني وسلمت مرة غير بعدنا تصادفنا والله عاد هنا أنا ضحكت قسمبلاه ضحكتتت ما قدرت أنا واقفة جدام مرة وهيه ياية تمشي بتروح وعينها مثبتة إلى الأمام ومشت سييييدة وراسها شامخ مرفوع فوق وأنا ضحكت بصوت وما انتبهت عنبوهاااا هالكثر مغيبة ههههههههه والله البنات أفلاااام هندية بعد السلام لله
رمضان يااااانا يوم السبت اوين خلاص بيكون من كذاك اليوم أحش ف أمة محمد 😂😂💔 يوم بيدخل رمضان ما بذكر ولا موقف في المدونة إلا شوية على حسب يعني مواقف عادية ^__*
اللهم ارزقنا رحمتك وغفرانك ورضوانك وبلغنا الشهر الفضيل لا فاقدين ولا مفقودين
السيدة الأولى تشوفي كيف يخلصني أكتب ههههه قولي ماشاء الله عن تصوبين فيني 💔
التعديل الأخير تم بواسطة روانـــــووو ; 02-08-2017 الساعة 03:50 PM
مشالله علي شاااااي ف عز عز عز الحر وموهامني شيييي
الجو روعة والمشاعر حية 😂😂😂
انزين ..!!
قبل شوية الضحى رحنا بيت خالوتي المربية نشوف بيبيهم يالله كيف عسلسل وفاتح عيوناته وكذاك يطلع لسانه ياااااربييي 😭😭😭😭😭 م شاء الله م شاء الله أحلى من قبل كان لونه أحمررر لما شفته بالمستشفى ذبت أنا خلااااااص من أول ما عطتني ياه خالتي وسدحته ع ريولاتي نام بالمرة وتميت أسحبه وأحاول أقومه وبدون فايدة والناس تسولف هناك الحريم مرتبشات وكل وحدة تتكلم وتقحم الثانية و كل المواضيع عن الحمل والولادة حسيت نفسي غلط وأنا قاعدة معاهم ذيلا جاراتنا ما مقصرات يسولفن بأدق أدق التفاصيل اونه في وحدة منهم حامل ويخبرنها عشان تستفيد كذاك شكلي كان يوم كنت يالسة أتسمع
😂😂😂😂😂 ياخي تذكرن ان فيه شخص معاكن سولفن عادي بس رفقاً بي !!!
ما علينا دوم الحريم كذا لما يشوفن بعض يتحمسن وينسن حتى أولادهن ذيك بنتها تضارب تبا همبا وهيه تسولف وتقص الفوالة وتضحك وبنتها ترفسها ف ظهرها ويات على يمنيها وشمختها بالسكين أعوذ بالله 😦 خليت ولدهم اللي من ساعة وأنا أمطط خدوده وعفدت أييبلهم لزقة جروح والأم تهدي بنتها اللي يوم شافت الدم بغت تصيح ولا هو ما يعور ورجعت تكمل ضحك على السستر اون 😂😂😂😂
ياربي ذا الحريم فن فن يلستهن حبيتها قسمبلاه إزعااااااااااج ❌
ضوابط المشاركة
رد مع اقتباس
