سكتوا عني مافيني بارض ح ولا شي غير أني أشخبط ف مدونتي💔
قسم بالله ضيقة غير طبيعية ف قلبي بيي رمضان وبتطير ومتأكدة !! منتظرة الإجازة بفاااااارغ الصبر باكر بداوم ح اللعب م عندي شي بس بروح أتحوط ف الجامعة وبعدين بمشي عند الدكاترة أتملق قصدي يعني أسألهم عن طبيعة الامتحان ووايد عندي أشياء بعد أسألهم إياها نعم المدرسة أحلى بواااايد والله العظيم المدرسة أحلى أحلى 😢
ما أحب النكد بس نكدية أنا ذي اليومين لا أٌطاق فعلاً لا أُطاق ...!!!!!
ما أحبني يوم أصير كذا 😢😢😢😢💔💔💔💔
يومي تعيس بدايته الصبح أول ما فتحت عيوني حصلت صراخ محترم من أمي الله يحفظها ومعصبة علي وتتنازع طلعت تقومني ح صلاة الفجر وأنا ما راضية أقوم ما سمعتها قسم رقدت متأخر أمس يالسة أكتب مشروعي لين وقت وما غمضت عيوني إلا س 3 أو 3 ونص من التعب ما قدرت أنام آخر أيام التسليم عاد أستاهل يوم مأخرتنه لين هالوقت بس تخيلوا كنا نشتغل عليه من أول وجهزناه وضبط طلع ما عليه درجات والمستر يقولنا زين تتعلموا من أخطاءكم ولا تكرروها بعدين وخلانا نسوي واحد غير عشان كذا تأخرت في التسليم وانتظرت لين آخر الأيام 💔
رحت أتيدد وأمي ما رحمتني انتي دوم كذاك ما مهتمة بالصلاة ولا تحاتيها بس فالحة تضبطي منبه وياريت لو تقومي بعد !!!! وصليت وتجهزت للجامعة بس ما حطيت ولا نتفة ميكب حتى روج ما حطيت ولا ولا ولا شي كذاك رايحة دخلت الإستراحة أكتب وأخلص أشغالي من ساعة 7:55 دقيقة لين الساعة 10 وبعدني ما مخلصة كل شي وما ماكلة ولا ولا شي غير كوب ماي ورحت المحاضرة مال 10 والمس ما حاضرة 😐 والمبنى بعيد عن الثاني والجامعة يبنوا فيها وما يستوي نسوي إزاحة وعاد اضرب خط في الشمس أنت وكعبك والهواء يطيرك وشكلك 😷 من غير ولا ميكب وتمشي في الممر تلقى شخص ما المفروض يشوفك وأنت بهلحالة 😭😭😭😭😭😭😭
تضيقت نعم ولا أفتح فوني وألقى البنات راسلين تعالي ضروري المس جات كانت في اجتماع رديت عليهن
اني ما بحضر تعبانة أنا ووجهي قالن أون مسوية امتحان عملي لان درجاتنا زفت × زفت ومفولة عليييييييينا رحت أركض وأنا متأخرة وما وحيت ألطخ عمري ألوان دخلت متأخرة قالت لي بعصبية 😳😳 آووووووووت طلعت وسكرت الباب ع الخفيف وعيوني ف الأرض ورجعت ولا تطلع وتناديني ورجعتني القاعة وامتحنت الله يستر لا يكون خبصت 😔
وطلعت من الإمتحان وصديقاتي داخل في اللاب وبعدين يرسلن لي ف الواتس يسألني ويني؟ وأنا أفتح محادثتهن أقراها بس ما أعرفني ليش ما أرد رحت بروحي مصرة هالبنت تحط مكياج ههههههههه عبيت وجهي ورسمت آيلااااينر بعد بغير نفسيتي طلعت لما صرت حليوة وإلا يتصل أبوي راجع من الدوام رديت عليه قال أنا برا بنتظرك إذا مخلصة !!!!! فعلاً كنت مخلصة سلمت مشروعي ورجعت البيت يعني يوم كنت خبصة ووجهي شاحب ولاعبة الشمس فيه لعب ما بقى حد ما شافني ويوم شسمونه اروح 😒 دخلت البيت وأتفأجأ الغدا سمك وأنا خلاص بطيح ع الأرض من التعب والجوع بس ما تكلمت ولا تذمرت ع الغدا وكلهم يعرفون أني ما أكل السمك يات أمي تباني أتغدا وهم أصلاً متغدين عني خلاص لان راجعة 2 ونص البيت قلتلها ما يوعانة قالت يالله انتن مدلعات وكلة تبن ذا الدياي مضروب ابر ما يفيدكن قلتلها لا لا تغديت في الجامعة .. !! بس عشان تخليني وتروح 💔
وما جاني نوم من الجووووع هع
والعصر طووووويل .. بالليل في الجروب رسلوا لي درجاتي وع كثر الجوع اللي فيني تعشيت خبز وجبن وداغوص وبطاطس وبس حتى بدون شاي والله يوعااااااانة بكلكم كلكم تو 😔😔😔💔💔💔💔💔💔💔
رد مع اقتباس
المشاركة الأصلية كتبت بواسطة العيون الساهرة
هههه لا لا حقيقي المهم وهيه تقرا وبعدين سجلت مقطع صوتي أشرح لها السالفة وردت علي شوية يعني ما كتبت وايد بس إلا كلمتين << أنا بعد يعني أكيد ما بحصل حد فيه بارض يكتب أكثر مني 💔 المهم عاد قامت النفسية ما ترد عليها ف الواتس ورحت 8 ولا حتى خبرتها وهيه بروحها بتفرح لو عرفت ان أنا مدوامة من وقت لان كل البنات يدواموا قبل المحاضرة بنص ساعة إلا هيه يا حليلها !!! المهم اليوم رسلت لي وحدة معنا ف الكلاس ورجعت أقرا محادثتي معها من البداية واكتشفت ...... _!