اصبحنا و اصبح الملك لله🌞.
انا الانسانة اللي م ترد اي طلعة، حتى لو رايحين ندفع فواتير ماي، عادي شابكة😘😹.
و حتى لو م انزل من السيارة، اهم شيء طالعة🙂.<< ذي الطلعات ع قلبي طبعاً.
و اهم شيء يشتروا لي شيء اكله😔😹.
م احب الطلعة اللي م فيها اكل، حتى لو كوب كرك😘.
اساساً يستغربوا لما يبغيوا يروحوا مكان و اقول م اجي😔😹، خصوصاً اذا السوق او الدكان😳😹! لانه شيء نادر يستوي ارفض طلعة😔✌🏿.
و بس و الله عندي الف اسايمنات و الف عملي و كويزات ف الطريق😘.< و الين تو احسب الدراسة عن بعد مصخرة😔💔💔💔💔.
مافُقد في الأرض يُسترد في السماء؛
- اللهُم وجه فقيدتي في الجنة.
ي الله بصباح خير.
من الفجر جالسة اتنازع مع واحد من المساترة و رئيس تخصصنا، انهم م طايعيين ينلقوني ف جروب رباعتي ف البروجكت🙂😹! المهم ع الاخر شيء وافقوا و خلصنا و فرحنا كلنا!
دقايق و جاني اتصال من مكتب💔💔!! قلت اكيد مال مكانس اذا باية اشتري مكنسة😘😘. << خلاص بخرجهم من القائمة، عاد المرة الجاية اقول اكيد مصيبة من الكلية🤍😹.
رديت، و قالت معي هاجر، ايوة هاجر! قالت معش اللي تجلس مع رئيس القسم الهندسة< هي م قالت كذا، بس انا نسيت وظيفتها، اخصائية، او استشارية ولا ويش!! 😭😹😹.
ي سلام سلم ي هاجر، حقيقي جيتني نفضة، قلت يمكن ذلاك اشتكيوا علي، ع الرغم متنازعين ب ادب😔😹!
المهم قالت رئيس القسم مختارنش انش تكون من ضمن المجلس الاستشاري، موافقة🌚!
انا اوردي سألتها ويش ذا المجلس الاستشاري نوبا😭😹! قالت ها؟ قلت لها لا موافقة خلاص، مضغوطة ذا الفصل واجد.<< الاشغال اللي عندي منصدمة😳😳!!!
و اعطتني فرصة دقيقتين عوين فكري، سلامات حبيبتي، انا معرف ويش ذا المجلس استشاري، اسمع به، بس معرف موه يسويوا فيه و لا من انا اكون فيه!
بعدين شافتني م رديت، قالت خلاص لا يكلف الله نفس الا وسعها😘😹.
كنت باية اوافق و اجرب شيءجديد ف الكلية، و اكون مشهورة😔، بس م فيني بارض بعدني🙂. < بتخلص دراسة و هي بعدها ما فيها بارض.
و بس و الله، فضيحة معطنا case study يصيح، تو اسبوع اشتغل فيه و اليوم التسليم و انا نص الاشياء م عارفة لها بعدني😔💔💔.
مافُقد في الأرض يُسترد في السماء؛
- اللهُم وجه فقيدتي في الجنة.
اصبحنا و اصبح الملك لله🥰.
ذا الاسبوع جدول نومي غريب عجيب!!!
صايرة انام ساعة ثمان العشاء!!!!!!!!!!!!!!!!!!!!!
و عاد من انهض اصلي الفجر ما انام الين مرة ثمان العشاء!!!!!!!!!!!!!!!!!
ي ربي كأني وحدة من نزوى انام بالزمانن😞😹.<< اسفة بس متعودين نضرب المثل ع مال نزوى😘😹.
و احس م عارفة كيف افكر! هل الجدول ذا اوكك ولا ارجع اسهر كما الناس و العالم😔😹، و الله حبوتي تنام ساعة 12، شكلنا متبادلين الادوار😘😹.
بس حقيقي حقيقي، انتظر الويكند عشان اخرب ذا الجدول🙂😹! لانه اوع¤ر! حتى عشى م اتعشى😔😔😔، امي كليوم ساعة 12 تجي تبند الليت و تشغل المكيف و تسألني اذا باية عشى، بس اساساً اكون م مفتحة عيوني و اقول لااا، النوم غاشني😔😹.<< حبيبتي امي😘.
و عاد الفجر انهض ابغى عشى و غدى و ريوق😔😹!
يعني ذا الجدول ما مناسب لي، لاني اجلس على اسايمنت واحد من الصبح الين الليل و بعدني م اكمله، و العادة اخر ساعتين من الليل اخلص اسايمنتين😞😹😹.<< اقنع نفسي عشان ارجع انام س3 الفجر😘.
مافُقد في الأرض يُسترد في السماء؛
- اللهُم وجه فقيدتي في الجنة.
اليوم مكتشفة شيء🙂✌🏿.<< تو بادي الصبح هين واحيتي تكتشفي😘.
انه ما ينفع اسخن الحليب مال المراعي و ذي السوالف ف الساخن الكهربائي😳😳!!
معرف هو ما ينفع حقيقي ولا انا غبية!!!<< الخيار الثاني دائماً يفوز😘.
بس حقيقي جالسة اسخنه، و انشغلت اجهز الكوب و حركات!! و لما خلصت مجهزة و ذاك مخلص من ساعة متسخن!! انصدمت من هول الموقففف اللي اشوفه، و عاد انا اخاف من الآلات الكهربائية، و ركضت ابنده من الساكت😔🤍.
سلامات، الحليب كله ف الارض منكب!! و ريحته خايسة!!! المهم الحالة يرثى لها!!
و بس و الله كانت تجربة، و تعلمت منها💕🌚.
ع الرغم انه بعدني م مصدقة انه ما ينفع😔😹.<< سوي مرة ثانية الين تنقعي، و ترتاح منش البقعة😘😹.
مافُقد في الأرض يُسترد في السماء؛
- اللهُم وجه فقيدتي في الجنة.
اليوم ناهضة و شايفة منزلين ايفون جديد😔😹، ي ربي كانن ذي الاحداث م يفوتني😔😹😹.
المهم تحديث الايفون الجديد عاجبني واجد.<< عاد بينزلوا غيره و انتي بعدش تقولي جديد😘✌🏿.
الواجد اللي عاجبني هو ميزة وحدة ولا الباقي م استفيد منهن في شيء!!<< اساساً شفتيهن عشان تستفيدي منهن🙂.
و هي لما يجي اتصال واتس و لا اي نوع، اروم اسفهه بدون م اقاطع تصفحي و شغلي.<< هناك الشغل تدير حسابات بالملايين.
حقيقي واجد عاجبتني ذي الميزة👏🏿👏🏿.
كنت اول اجلس انتظر الاتصال يخلص، و فاكة ثمي، بس تو اخاسي التلفون و يرن عادي و اسفه بضمير.
حقيقي فنانن، خاطري اروح ابوس رأس اللي فكر في ذي الميزة💘💘.
مافُقد في الأرض يُسترد في السماء؛
- اللهُم وجه فقيدتي في الجنة.
انا المفروض يعطوني راتب معلم، ع الجهود اللي ابذلها بعد اي عملي نسويه ف الكلية😔😹💕.
امس محتشرة، ارقاممم غريبة، بنات ما اعرفهن، و كله لاني حالة العملي بدون اخطاء و مسلمتنه عاد😥😹!
بس حقيقي واجد واجد احب اساعد الناس<< عمري اللي مشكلتها الطيبة زايدة🐍😔😘.
خصوصاً شيء اعرف له، ليش اتبخص فيه🥴!
امس وحدة ف انستا ما اعرفها راسلة تريد برزنتيشناتي مال الببلك سبيكنج و رسلت لها اياهن، و هي منصدمة ليش عوين وافقت ارسل لها اياهن بدون اعتراض، ع الرغم اني وحدي كاتبتنهن و تعبانة عليهن!! بس ما استفيد منهن في شيء مرة ثانية!! في ليش ما اعطيهن يعني الناس😔😹.
و بس و الله طيبتي الزايدة مشكلتي🐍😔😹.
البوم الصور صاير كذا😳😳:
مافُقد في الأرض يُسترد في السماء؛
- اللهُم وجه فقيدتي في الجنة.
المشاركة الأصلية كتبت بواسطة هـاجْر.
انا المفروض يعطوني راتب معلم، ع الجهود اللي ابذلها بعد اي عملي نسويه ف الكليةًںک”ًںک¹ًں’•.
امس محتشرة، ارقاممم غريبة، بنات ما اعرفهن، و كله لاني حالة العملي بدون اخطاء و مسلمتنه عادًںک¥ًںک¹!
بس حقيقي واجد واجد احب اساعد الناس<< عمري اللي مشكلتها الطيبة زايدةًںگچًںک”ًںکک.
خصوصاً شيء اعرف له، ليش اتبخص فيهًں¥´!
امس وحدة ف انستا ما اعرفها راسلة تريد برزنتيشناتي مال الببلك سبيكنج و رسلت لها اياهن، و هي منصدمة ليش عوين وافقت ارسل لها اياهن بدون اعتراض، ع الرغم اني وحدي كاتبتنهن و تعبانة عليهن!! بس ما استفيد منهن في شيء مرة ثانية!! في ليش ما اعطيهن يعني الناسًںک”ًںک¹.
و بس و الله طيبتي الزايدة مشكلتيًںگچًںک”ًںک¹.
البوم الصور صاير كذاًںک³ًںک³:
كنسلوا سالفة انه احب اساعد الناس😟😹!!!
ذي راسلة لي من تسع الصبح و تذكرت سالفتها بعد م خلصت كاتبة اخر مشاركتين😔😹🤝.
مافُقد في الأرض يُسترد في السماء؛
- اللهُم وجه فقيدتي في الجنة.
الرعب الحقيقي، حتى لو ما مسوي شيء فحياتك، و من البيت الين مسجد و ما عندك برامج ولا شيء، لازم تجيك نفضة😔😹😹!
و عاد موقع الاجتماع المجلس🤝😳😹!
هنا لازم اقرأ كم اية الين اوصل حيت ابوي😞😹😹.
اللي نفضني اكثر وصلت و حصلت ابوي يتكلم تلفون، و يتناقش بحماس😥😹!
بس الحمدلله، بعدني عايشة الين تو🥰✌🏿.
مافُقد في الأرض يُسترد في السماء؛
- اللهُم وجه فقيدتي في الجنة.
اليوم بس اتذكر انه في حظر يبدأ ساعة ثمان ليل!! و هو عاد مرّ عليه اسبوع😥😹!
اسأل امي العصر، انه بنجلس نتعشى في بيت جدي عشان اذا بنجلس بلبس ملابس محترمة تحت العباة و اذا م نجلس بروح بملابس البيت مُش محترمة😘😹!! قالت محد يتعشى عند احد ذي الايام.
كذا انا فيسي😥😥😥!!!! حموه يعني😥!!!
قالت ساعة ثمان خلاص حظر يبدأ، و الحمدلله رجعت لي الذاكرة😅😹.
بس حقيقي ويني انا ذا الاسبوععع😳😳😹! سلامات فاتني مواضيع كثيرة و سوالف😔😹.
اخر مرة اعدل جدولي بشكل البرفكت ذا💕😥.
مافُقد في الأرض يُسترد في السماء؛
- اللهُم وجه فقيدتي في الجنة.
طالعة المكتبة و اهلي بخير و عافية و جالسين يتريقوا!!!
و رجعت و حصلتهم كلهم وجهوهم تلمع و تنشاف لمعتها من بعيد😥😹!
خيرر! موه سويتوا😰😹!
طلع عوين منكب العسل في الارض و اختي ام ميرا قالت ما تمسحوه، خلا نسويه ف وجههنا😳😹😹!!!
و لخمطته ف وجوه كل الافراد عائلة، حتى حبوتي😥😹!!!
تقول العسل مفيد و مغذي للبشرة و يشدها!
انا اللي تو شاد انتبهي كيف قنعت حبوتي تسوي🌞😹!!!
مافُقد في الأرض يُسترد في السماء؛
- اللهُم وجه فقيدتي في الجنة.
ضوابط المشاركة
رد مع اقتباس