رد مع اقتباس
مدونتي الكيوت صباحك خير ☻
رمضان بيعلن قرب إنتهاءه شهر الخير ، شهر الرحمة والمغفرة تقبل الله منا ومنكم صالح الأعمال وبعد العيد
1 ) بتطلع النتايج
2 ) عرس
3 ) حالة ولادة
4 ) سفر للعروسين ولأحد آخر غيرهم
شفتوا الضيم رقم واحد هو الشي الوحيد اللي يخصني 🙂 يالله ربي كريييييييم
فدوة لحبيبتي الزعلاااااااااانة أنااا 😍😍😍
أحسهاااا تقول ف خاطرها يالله أنا شو سويت بحياتي عشان أطيح عند هاذي والله صدق نظراتها تكفي ههه بس أنا كذا أسوي جلسات تصوير بكيفي سواء اللي أصوره راضي ولا لا خاصة يوم العيد ركض مراكض ورا الصغار 😂😂 لكن صراحة الصور تطلع فنانة ومردهم بيشكروني والزمن بيثبت ، أحلا صورة عندي لما كنت بيبي عمري شهور بس وكانت أمي ملبستني فستان صغير كيووووووت لإن كان عرس خالي + عمتي | أمي وأبوي الوسطاء هم اللي مقترحين على حبوتي طبعاً هذا من كلامهم لنا ألحين ما شاء الله ويابوا بنت خالي وعمتي الدعلة هههههههه هيه تو ثاني عشر وخلصت امتحانات وبعدها يابت في الثمانين مثلي الظاهر العايلة كلها مثبتة ع هالرقم زين أهم شي ما تكون درجاتها أعلى مني << قليلاً من حسد العمانيين 🏃
وبس والله أسولف ف المدونة وأكتب وايد لين أتعب صبعي لعل وعسى أرقد بعدين لإن أمس ف هالوقت حاولت وصبرت وتحملت وآخرتها ما نمت ! ما كان عندي خيار غير أني أكمل روايتي اللي قريت نصها من زمان ولا نسيتها وبديت أقراها وأغوص في تفاصيلها وما حسيت بولا خيال عشت أحداثها لحظة بلحظة ومن كثر ما اندمجت خلصتها 😳 طبعاً أنا قبل لا أنام أو لما يكون مخي مقفل ما أقدر أقرا رواية أو كتاب لغته مضبوطة ومفيد هذا يحتاج جلسة وقت الفضاوة أقرأ الروايات ولما أكون ملانة أقرأ هالنوع من الروايات من أجل التسلية ولكنها فعلاً جميلة و أدركت في نهاية المطاف إنها واقعية كما ذكرت الكاتبة وأساساً كنت شاكة في ذلك لإن الحوارات والتفاصيل الدقيقة جداً وتفاصيل اليوم حتى وإن لم يحدث فيه شيء هام يُذكر من ذلك كله إستنتجت بأن لها صلة بالواقع وفعلاً شكي كان في محله !!
في جروب الصف أيام المدرسة اللي طلعنا منها وما صرنا نسوي مواقف حلوة مع بعض
رسلت وحدة من البنات بإنها راح تشارك في نادي الرقص عفواً ما رقص بمعنى رقص يعني تمارين وتحريك الأرجل رياضة وفي شوية رقصات على أغاني أجنبية وأحياناً عربية ، المدربة وحدة فلبينية و2 مصريات وكله تمارين رشاقة وهالسوالف ورقص زومبا ومكان التدريب مغلق ومكيف لنساء طبعاً يعني نادي ! المهم ردوا البعض بالمرة حماس وحلوو وموافقات رحت أنا عند أمي لقيتها تسولف ع الفون وانتظرتها وانتظرت وأمي بعدها تسولف والبنات يسألني هاه كيف أنا شفت حماس الكل بس ما علقت بعدني قلت أول أستأذن عشان كلمتي تكون وحدة يا هيه يا لا مع إني عارفة رد أمي بس قلت بسأل يمكن ما نعرف بعدما خلصت أمي من المكالمة وخبرتها السالفة قلتلها نادي بس ما قلت إنهم يشغلوا أغاني ويخلون البنات يدربوا ع الرقص قالت لا وما استغربت الرد رديت على البنات ما بروح ليش افااا بس ما أحب هالسوالف وتفقل الموضوع رجعت وحدة ثانية ورسلت لي ع الخاص روان بنروح أنا وأنتي معهد الموسيقى !!!! والبقايا يروحوا النادي هم بيمروا علينا لما يخصلن ويسلمن وبنتم نسولف في المعهد قلتها مابا أتعلم موسيقى تقولي ترا حماس وفن سألتها وينه إذا قريب بروح بس أنا مستحيل أروح من ذاتي لما شفتها هالكثر تحن قلت بماشيها في السوالف بس ردي مثل ما هو لا يعني لا قالتلي والله قرريب شايفة مركز السيف اللي عند مدرسة أم سلمة قلتلها هيه قالت أمشي سييدة من صوب مدرسة البراعم لفي المعهد جدامك رديت عليها تمام بفكر وبرد خبر ثواني وقلت لها لا .. !!
يعني شوف كيف البنات ما شاء الله تف تف صليتبهن ع النبي حركيات 😥 حتى فالآجازة يحبن يشغلن أوقاتهن هذا كله بس عشان يتلاقن أون ويسولفن مثل قبل وأنا للآسف ما بكون معاهن انزين بس سؤال ليش ما يسجلن في معهد تعليمي لغة انجليزية ، حاسب ، أي شي مفيد ترا هالسوالف هيه اللي تذكر بالمدرسة صدق ما الرقص و الموسيقى بعدين الموسيقى حرام ! زين يوم أمي ما وافقت وأبوي طبعاً ما عنده ثقافة النادي تماماً وأنا طلعت عليهم ما أحب بعض الحركات اللي يسونها صديقاتي حتى والله أحياناً يسمني العيوز اون تفكيري تفكير عيايز يعني مرة ربيعتي في الجامعة تعرفت عليها عزمتني بيتهم وشوية منطقتهم ما إنها قريبة منا قلت لها لا وطبعاً هيه مخبرة الشلة كلها والأغلب وافق وأنا وفي غيري رفضنا سألتنا ليش قلتلها صراحة أنا ما أحب أطلع بيوت صديقاتي وبالذات اللي ما أعرف أهلهم ما قصدي إنهم بيغتالوني 😂😂😂 بس كسمعة البنت ما حلو تبازي الولد مرة معزومة بيت فلانة وطالعة مع صديقتها ورادة من مع صديقتها وماشية تسلم ع صديقتها ورايحة عرس أخت صديقتها كثرة الزيارات ما بين الصديقات أنا ما أحبها ( ما مسألة تعقيد ) بس أمانة أمي ما ترضا أروح بيت فلانة وعلانة إذا ما تعرف أهلها زين وهالشي من حقها وسبحان الله انتقلت أفكارها لمخي حتى أحيان لما أسولف مع خالاتي يقولن كلامي منسووخ منها نفس طريقتها سبحان الله يمكن من كثر ما نقرق 24 ساعة هههههه
عاد كل شي أحبه فيها ربي يخليها 😘😘
المشاركة الأصلية كتبت بواسطة متعبةة عسآفها ~
