نبض الإحساس .. سجّل احساسك في هذه اللحظه

[الشيخه الفلانيه]

من مر الأيام صارت عندنا خبره...


ومدام عينك من اللي صار [مكسوره]
أجمع شموخك وخفف حدة النظره...


لاشفت وجهك ليا [غيضته الفوره]
أشوف قلبي ليامن مل من صبره...


ياآخر مبالاة قلبي [وأول شعوره]
شف لي سنع في غلاك!! وشوف لي دبره!!


خليت نفسي من الأيام [مقهوره]
وخليت حالي لمن لايعتبر عبره...


غديت في دنيتك يامهدّي الثوره...
في روضة خريم مثل [مضيع الأبره]


خلصت ماعاد أقاوم [صدك وجوره]

القلب قد هو بيموت وغيبتك قبره...


فراقك العام [تكفى] لايجي دوره...
صرت أحسب له... وأفكر فيه... وأعتبره


مانيب ناسي [هذاك الطيش]وغروره...
يوم إنك اخلفت ظنٍ فيك وش كبرة؟؟؟


وإذاك ناسي تراها عندي الصوره...
أقفيت تضحك وأنا غصتني العبرة...
،
،

[امنتك الله]

ومدام عينك من اللي صار [مكسوره]
أجمع شموخك وخفف حدة النظره...

[ثابت الخطى]

إذا ماسالت عـروق الدفاتـر مانـي بمعـذور ..

تبي تشره عليّ كل الحـروف ويالله الخيـره !!

وأنا شاعر , وحبري دمعتين ودمّـي المهـدور ..

مع أن الرجل ماهو أي موقف عابـر يثيـره !!

سريت بخافقي والوقت عتمـه والنوايـا نـور ..

وأنا من وين ماسجّ القدم تستاحش الديـره !!

تذكرت الغرام اللي مضى والموعـد المهجـور ..

وباقي من مواويل الليـال وضحكـة منيـره !!

رحلت أسئل عن اللي له بنيت من الغرام قصور ..

ولاجاني سـوا صـدّه وتعذيبـه وتقصيـره !!

قطفت لحضرته كل الشعـور وباقتيـن زهـور ..

وذبْلت باقتيني والشعـور , وذي مشاويـره !!

سهر وهموم وأبياتٍ لها بين السطـور صـدور ..

حزينه والحزن شيٍ تمادى صعـب تفسيـره !!

كريمه يامعاذيره مثـل ماهـو بخيـل حضـور ..

بخيله يامواعيده , وش أكرم مـن معاذيـره !!

تحرّيته وهوّ الجايـر اللـي مايحب الجـور ..

ولكن ينكشف قبل الطعـون وقبـل تبريـره !!

دخيلك فكّ ( أزارير الصباح ) وطيّر العصفـور ..

تعب ينقش على غصن الضياع وفضّها سِيره !!

دخيلك مابقى للذاكره غصـن وشجـر وطيـور ..

ذبل ورد الطريق وماعكس نبض الغلا سيره !!

أحس بداخلي طفلٍ تمـرّد مـن ثـلاث شهـور ..

يعاندنـي ولكنّـي رضيـت بشـرّه وخيـره !!

أحسّه طيّر أسراب الحمام وخاطـري مكسـور ..

على جدار الألم يرسم بقايـا دمعـة طويـره !!

يقوم الصبح / وأتنفّس بقايا من سهرك عطور ..

وأصبّح قلبك الطيّب وتتضايـق عصافيـره !!

وأناديلك ولا كنّـي أنـادي / والأمانـي بـور ..

وينبت وجهـك بعينـي ولاتذبـل نواويـره !!

تعال وردّلي بعضي إذا عنـدك عـدل وشعـور ..

حرام أتعب ولا فقلبك أبد رحمـه ولا غِيـره !!

حرام أبقى كذا مالـي معـك دنيـا ولا دستـور ..

وأنا قلبي ومن مدّه يقول أرجوك شف غيره !!

تعب مثلي وصدره ضاق وأنت اللاهي المسرور ..

كذا يعني معاك نعيش هم وحسـره وحيـره !!

تذكّرني وأبي تذكـر بعـد أن الزمـان يـدور ..

وأنا بصبر عسى في تالية صبري معك خيره !!

أبسكت مثل مايسكت جريح بهالزمـن مقهـور ..

بعد خانوه خلانـه وخـاب اليـوم تقديـره !!

مدام أن الحكي فضّه / وصمتك صاحبٍ مغـرور ..

مدام الشعر للشاعر غـدا رغبـه وتقزيـره !!

[ثابت الخطى]

لا تسولف لي عن { جْروح الليالي } . .
وإنتْ قلبي .. ياما داواك ، وخدعته !

إيه أنا صابر .. لأنك : حيل غالي ،
ولو أحد ثاني مكانك ؟ - كان بعته

[ثابت الخطى]

شاعر واحب الشعر واتنفس ابيوته = والطيبه دائماً من حظ راعيها ابن الحموله دروب الطيب ماتفوته = يتعب على الكايده حتى يلاقيها والنفس على الوفا والعز مكبوته = والفضل للواحد المعبود باريها للقلب ريموت وانا معي ريموته = ماني غبي للسوايا اللي تسويها سربوت وتغير اسمك بسم سربوته = انشهد انك مريض ورايحٍ فيها والردي ماهمه إلا شربه وقوته=معروف من ماضي الدنيا وتاليها تغير اسمك من محمد على توته= تبي تكحل عيونك وانت تعميها الحب خلاص ضاااااع وضاعت اكروته= روايته بين كاتبها وقاريها

واحد يبين غلاه ويثبت اثبوته=والثاني يبكي وحاميها حارميها

[حبي خالص]

[ثابت الخطى]

إنتظرتك...
ليه طولت الغياب
وأنت .. لامن غبت لحظات أفقدك ..

سيد الاحساس
حسك كيف غاب
كيف عن ((دافي)) شعوري يبعدك!!!

[ثابت الخطى]

في ضلوعي .. ((برد))
وفي عيني .. سراب
وألف طاري عن غرامي ينشدك......

[داناااا]

‏لا تحبس حديثًا حلوًا في صدرِك و لا تقفل على كلمة صالحة مهما بدت صغيرة وبسيطة، فلا تتخيل كيف تضيء كلماتك في أحَدِهم وترحَل أنت وتظل هِي معه

[ثابت الخطى]

آسسولف للغ’َـيآب آسسبآب ج’َــرحي لين [يبكيني] ..!.................

تجي سسآكت ..! وترحل مآ حكيت .. شفيك مآ تششتآق ..؟!