صـدى من مملكة أقلام الأعضـآء ( عفوآ ممنوع الدردشه )

[اموووره]

يا الله ..
الله يرحمه ويجعل مثواه الجنان

امين يا رب ويرحم جميع امواتكم ..

[حبي خالص]

ذكرى وفاتك تتجدد بإستمرار ..
يا لها من ذكرى تقطع قلبي وتفطره شوقآ لك ..
اشتقت لك كشوق الام لإبنها .. شوق المغترب لبلاده وشوق المريض للعافيه ..
ما أصعب الحياه دون وجودك وما أصعب شوقي لك ..
رحمه الله عليك أبي 💔

اموووره

الله يرحمه حبيبتي
ويصبركم على فراقه
ويجعل ملتقاكم جنة الفردوس

[اموووره]

الله يرحمه حبيبتي
ويصبركم على فراقه
ويجعل ملتقاكم جنة الفردوس

امين يا رب ويغفر لجميع امواتكم ..
تسلمي حبيبتي ..

[حبي خالص]

أسعد الله اوقآتگم بالخير الگثير *
تضآمنآ مع الإرهآصآت النفسيه التي تفرض علينآ گتآبة البؤس والشقاء !-
وبنآء على طلب ،،الآعضآء بأن افتح مدونتي الخآصه *
سلمت أمري ،،وهآانا اكتب واكتب واكتب وسأگتب
وانزف حبرآ هنآ ويعيش قلمي وأموت أنا *()«! •••.••••••••••••••••••••••••••••••••••••••

/ اجهضهم جميعاً من ذاكرتك ، ثم اشنق رغبتك الآخيرة / / رَحّآل - عديم انتماء - مُقَّيَّد - مُتَمَلّك - مَلعون - قَذر / / غير متجانس مع العالم المحيط بي /

مَــنــّفـى / مُـسـتَـنـقَـع
*••••••••••••••••••••••••••••••••
اقرأو ...لست سوى ،،متعجرفة تعبث ب 28 حرفآ لتصنع لهآ
قآربا ينتشلهآ من عجز ّ الابجدية *()
0••••••••••••••••••••••••
شآرگوني مآتحبون ضعو لمسآتگم هنآ على زآويتي المتوآضعه أتقبل گل شي *()«»
••••••••••••••••••••••••••
سعآدة ممتده حيث تقبعون *()!
وشگرآ لمن تآبع ومن قرأ ومن لآزآل يقرأ *




[url=http://GulfsUp.com][/

مبارك لك افتتاح المدونه عزيزتي
متابعه لك ان شاء الله

[حبي خالص]

صباحو
الاسبوع الماضي بنص الدوام كنت ابغا شاي سليماني اعدل به المزاج
بس عامل الشاهي ما كان موجود
فكنت مضطرة اروح اسويلي كوب شاي بيدي وطبعا كل شي ردي مجرد مكس وانتهى الموضوع
عادةً ما احب اروح المطبخ مب تكبرا او والله لازم تسولي وتجيبولي (انا ما احب الاتيكاليه والاعتماد على الغير )
بس عشان ما احب حد من الموظفين يطبوا علي او اصادف حد

الموهيم
لما فتحت الادراج حصلت مع الاغراض علبه نعناع بري(حبق)
وريحته تطير الرأس واخذت منه شوي ..أنا اعرف ان هذا ملك شخصي لواحد من الموظفين واحنا مانوفرهالرفاهية
الشيطان قام يسويلي إغراءات اونه عادي خذي منه..صاحبه لو ما يبي أحد ياخذ منه ما كان حطه بالمطبخ على مرأى الجميع
(عجبتني على مرأى الجميع)

عقب تلومت وصار ضميري يأنبني وانتظرت عامل الشاي لحد ما رجعت
سالته قال هذا مال المدير

كلامه طشه مريح لان المدير منا وفينا بس كان الاسبوع بطوله كورس خارج الوزارة

عاد اليوم خبرته اني اخذت من نعناعه واني تلومت...قالي افا عليك اخذي متى ما بغيتي
انا عجبني جبت لكم منه وحطيته بالمطبخ حق الي يبي
والحمدلله ارتحت شوي ..شي يمكن بسيط بس احسن الواحد يبتعد عن الشبهات

حنايا ... طالعيني ليش تاخذي أشياء مو لك هااااه
لا تقولي الشيطان جلس يوسوس لك مره ثانيه لما تحسيه بيقوم يوسوس عطيه بكف يخليه يكف بلاه عنك ههه

ترى عتاب النفس ما يصير الا للشخص اللي ضميره صاحي
صحيح أوقات يكون متأخر أشوي ولكن يظل أفضل من إنعدامه بشكل نهائي
وزين ان المدير ريح بالك وقالك إنك انتي وغيرك تقدري تأخذي منه

هنا وعافيه ... طرشيلنا طشونه منه

[فِدَىْ قَابُوسٌ المُعَظّمْ]

متابعين للإمام الصلت.......

[Engr. Khalid]

حينما يُريد الله سوف يُهيئ الظروف، وسوف يخلق الأسباب والمسببات، وسوف يُلهم العقول، وسوف يمكّن لمن يُريد فيما يُريد.

{تَبَارَكَ الَّذِي إِن شَاءَ جَعَلَ لَكَ خَيْرًا مِّن ذَٰلِكَ .... }
[الفرقان : 10]

ونعم بالله

قال تعالى : " إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ 82 فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ 83 " سورة يس - الآيات 82-83

[بدر الدجى]

Thursday
23/2/2017
صباحكم جميل كجمال وصفاء ارواحكم...صباحكم بسمة لاتفارقكم...صباحكم حب وحنان وعطف لمن تحبون...صباحكم اماني تتحقق بقدرة المولى عزوجل




أصبحنا وأصبح الملك لله ولا إله إلا الله العلي العظيم
سبحان الله وبحمده سبحان الله العظيم
الحمدلله الذي احيينا بعد ماأماتنا وإليه النشــور يالله...يارب دعوتك ان ترحم فقراء ومساكين المسلمين وتغفر لموتانا وموتى المسلمين وتشفي مرضانا يارحمن يارحيم...اللهم لاسهلا إلا ماجعلته سهلا وأنت تجعل الحزن إذا شئت سهلا....سبحانك اللهم إني كنت من الظالمين




البارحة رديت كالعادة من الدوام وكنت مرهقة ومتكسرة من التعب نمت وصحيت قبل المغرب خلصت اموري وع صلاة العشاء مرضت بشدة حسيت ابي اصرخ من الالم ورحت العيادة اخذ المسكن والحمدلله تحسنت شوي ونمت والفجر صحيت اخذت مرة المسكن وهيك الامور ...دعواتكم لي بالشفاء




ربي لاتحرمني من اغلى ناسي ..ماشاء الله تبارك الرحمن( اذكروا الله)

أجر وعافية الغلا ... ماتشوفين شر

أتمنى لج الشفاء العاجل يارب

[Raba]

صباحووو ..❤

اممم محد فالسبله بس العب بروحي ..
معرف ليش ايام الاسبوع يكبس علي النوم الصباح وفالويكند اصحى من الفجر 😐

الموهيييييم

امس صارن معي وايد اكشنااات راح اسدحهم حبه حبه ..
بس اهم اكشن صار اني عصبت على حرمه وبنتها وشسمهه بصراحه عصبت من خاطر ..

امس كنت طالعه وراده البيت تعباااانه ..
جات وحده من صوب اهل امي بس من بعيد هي وبنتها المتزوجه ..
يعني انا معرفهم واااايد بس جايين يسلمووو علي ويتطمنوا علي لانهم سمعوا عن الحادث ..

انزيييين

بعد السلام والمناشده طشششت ام البنت لموضوع مختلف ..
انا بنتي انتقلت بروحها فبيت والغم تقول هالكلام وتضحك هي وبنتها (هالبنت ماخذه رجال وحيد امه وابوه متوفي والام بصراحه جنه ساجده)
انا سألتها طيب وام الولد من معها وهذا وحيدها ..؟!!
كملن ضحك وقالت البنت مالي خص تصابي روحها ..!!!
بصراحه كان ودي امردغها هيه وامها ..
عاد من ضيقي سألت الام انتي ترضي ولدك يسوي فيك كيه لو كنتي مكان هالحرمه ..؟!
مظن هالشي يرضيك بس الزوج مب رجال والا مايتبع شور حرمته ويودر امه ..
امبوني كنت معصبه وزوجه اخوي جنبي وتضحك ..
الظاهر انهن عصبن وطلعن ومظن بيطبن بيتنا مره ثانيه ..
بس بجد استغرب من هالشباب ..

يعني صح الوحده تبي تستقر بروحها فبيت بس لما يكون الشخص وحيد امه ومحد من بعد الله معها غيره كيف يرضى فنفسه يخليها بروحها عشان وحده ما صارله يعرفها الا كم شهر ولو كانت سنين ..

بس الظاهر محد يعرف قيمه الام كثر اللي فقدها ..
نسأل الله السلامه من هيك عيال ..

وبثثثث 💔

يا الله جالسة اقرأ من وراء الشاشات عورني فوادي وين بيخليها امه ذا المليق .. بصراحة مال اهلكم حسيتها نذله ياخي لا مآخذة .. ربي يجزيها بعملها ذي ما تخاف من ربها زين راحت وما لازم تجي هذي ما مال واجب ولا ما ترمي امي زوجها .. عصبت كأني هههههه

[اموووره]

يا الله جالسة اقرأ من وراء الشاشات عورني فوادي وين بيخليها امه ذا المليق .. بصراحة مال اهلكم حسيتها نذله ياخي لا مآخذة .. ربي يجزيها بعملها ذي ما تخاف من ربها زين راحت وما لازم تجي هذي ما مال واجب ولا ما ترمي امي زوجها .. عصبت كأني هههههه

هلا ضيون ..

نعم كان ودي اكفخها هي وامها قليلات المروه ..
حسبالهن بضحك معهن مالت بس ..
نسأل الله السلامه ..