بس حبيت أن اوضح اني قد الارتجال
قبل ماصل برج بابل في ديار الرافدين



كان ودك بالتفلسف ابشر ا..بعد الجزال
من حروفن قبل شينن لين عاشر بعد عين



تدري لو صار اني ذره أنت شحنه بالمثال
تدري وش معناك شحنه يعني لايمكن تبين



ودي تدري بس شغله ان عقلك لايزال
يدرس بصف ابتدائي ماخرج منها سنين



المدرس (هير) فكري وابشر ان عندك سوأل
والسوأل اليا طرحته يرجع بردن سمين



عندي عمق ا..بكل شين واذهلك في كل حال
ولو بغيت تفك عمقه شبت قبل انك تدين



لكل فعلن رد فعل معاكسه بالأتصال
تدري ان الارض تمشي ولا حنا ثابتين



تدري ان الذره اصغر عنصرن في هالمجال
تدري لو الشمس ملم تنزل انا محروقين



تدري ان للماء اسامي شيء يعرف بالزلال
هو صفوه مع نقاء ومع برود بحالتين



تدري من يسلك طريقن للهدى في كل جال
سهل الله له طريقن للجنان ا..بكل حين



وش هو علمك عن ثمود الي سكن وسط الجبال
وربي عارف وش مصيرك من ملايين السنين



تدري بالتقطير يحدث فصل صلبن عن مسال
تدري السرعه مسافه تقطع بوقتن مبين



القمر اوسطه بدراً والبدايه هي هلال
واعظم انعام الموحَدَ قد خلقنا مسلمين



المذنب من صخور ومن جليداً في مجال
تدري التمساح بس يفك فكه قطعتين



تدري اوزان المبالغ فعل وفعيل وفعال
ومن حروف الجر في وعن دايم مجرورين



تدري انه مايولع لكن يمد اشتعال
تدري ان الصين اول من يعرف الاكسجين



تدري احمد لاتضايق قال أذن يابلال
ولا ناسن يخلف الله لا صلاه وقل دين



تدري ان الجذب حتى لسوائل بنسلال
وش هو اقصد كان تفهم هيا خبر ياذهين



تدري للماء سطح ثابت من جنوب ومن شمال
تدري فهم الحاسب انه صفر واحد يالفطين



ربي انزل هود ومريم والضحى في كل حال
والقصص والروم نزلت هو من اقسم بتين



لو اكمل بس برهه كان سببت اختلال
وقتها لاطب ينفع ولا حتى انسولين



الشعر بشعوري انه شيء لايشرى بمال
هذا لانه لايقاس بمال ولا من طحين



لو بغيت ا..تعرف شخصن سامعن يابن الحلال
حاول تشوف وتنقب منهو اقرب له قرين



التقدم والتخلف ناتجه عن انفعال
والذكي لامن بغاها جابها بيسرن ولين