وجود الخدم في حياتنا

[حنااايا..الروح]

دايما نقول ونعيد ونكرر ليس كل الازواج مثاليين وليست كل الزوجات مثاليات . دايما فيه الزين وفيه الشين

شيء أكيد
لو خليت خربت

صحيح في الزين وفي الشين بس احنا لما نناقش ظاهرة فنتكلم عن السمه الغالبة
ورجل فهالمواصفات ما نقول معدوم ولكن قليل جدا
على الرغم من انتشار الوعي والثقافة

[سهل الباطن]

صباحكم جنائن ورد
جبتووها على الجرح
بوضعنا الي نعيشه الام مكروفه سواءً عاملة او ربة منزل
هي الي تطبخ وتغسل وتكوي وترتب وتنظف
وتهتم بالعيال ودراستهم وفوق هذا كله
زوج يبي منها تهتم فيه وتقوم بواجباته
وبيوتنا الحين ماهي زي قبل بس غرفتيني
غرف ومجالس وحووشه ..الله بس يكتب اجرنا
يانكرف وتنهد صحتنا ولا نلاقي وقت لانفسنا
او نظطر نجيب خادمه تكون علة على قلوبنا
الله المستعان

شكرا لك استاذه ويجب عليك ان تفخري بنفسك فانتي تسوي كل هذا عشان بيتك واولادك وزوجك وتعتزي بهذا الشيء . عوضا عن المشاكل المصاحبة لوجود الشغالات . اامن لك ولزوجك ولاولادك . ويش احسن من ان اسرتك تاكل من طبخك وتلبس من غسيلك وينام الاولاد في حظنك والزوج يرتاح لما ام العيال تهتم باولادها بنفسها
ولا وجع الراس مع الشغالات . اللي تهرب واللي تضرب الاولاد واللي تعمل سحر للزوج واللي واللي واللي .......

[مائة بيسة]

الخادمة هي مساعدة بنظري واذا الزوجة موظفة تحتاج لها خاصة ان بعض
الرجال مايساهموا بالأعمال المنزلية + الاطفال وقت غياب الام يحتاجوا حد يهتم فيهم

[ام الهنوف]

بنظري أولا ً

التعاون بين الزوجين شئ مهم و أساسي بهالموضوع

ثانيأً :

وجود اهل الزوجين بالقرب منهم شئ ضروري في حال إضطرار الزوجة للخروج الى للعمل

ثالثاً:

إذا كانت المرأة غير عاملة وهي ربة منزل فهذا أكبر فرصة لعدم حاجة الاسرة للخادمة بالمنزل .



راحت أيام زمان لما كانت العوائل كبيرة تحتويها الجد والجدة والخال والخالة والعم والعمة والاب والام والاخوان

ألحين أغلب البيوت مستقرة الاسرة يحتويها الاب الام وعيالهم بس

من غير انه في زمنا الحين نادر ما تحصل زوجة غير عاملة

اغلب الحريم يشتغل وداسات ومتخرجات ما مثل زمان اول .


عشان كذا كثرة الحاجة للشغالات ويتوجب وجود عاملة بالمنزل تعين الزوجة بأعمال البيت وتكون هي الحاضنة للاطفال في حال غياب الزوج والزوجة الى أعمالهم .

[جمال319]

اصبح الان اغلب الزوجات موظفات تخرج من البيت من الغبشه. وترجع على ساعه 3او 5 المساء شي اكيد راح تحتاج الى شغاله تساعدها في طهي الطعام وتنظيف البيت وغير من الامور. الحين صارت الشغاله شي ضروري