راح العمر بأشواقي الحساسه
وأنا برجا صدفه ترد أشواقي
هالشعر مايستوعبون أحساسه
الاهل الحزن النبيل الراقي .!
أمي
إمي حكايه كل تفاصيلها ضًي
وادق تفاصيل بتفاصيلها غير :
هي قصة الأنسان وشعوره الحي
ونهر يخاف الله فالعشب والطير:
مع كل هجير انشوفها ترسم الفي
وحروفها دافع معه نقدر نطير
بنت الكرم سلطانة العاطفه هي:
وهي المطر لابشر الأرض بالخير .!
سيرة الظلم
طريت في بالي على سيرة الظلم
وأمنت بإنك حتى بالظلم فارق :
أنته يدينك راحت تصافح الحلم
وأنا على حطة يدين المفارق .!!
لاأكثر !
حاليا" الي يصير كـ الآتي:
افات تطغى كل ماتكبر .!!
لذالك أصبحت أحترم ذاتي
وفضلت أكون أنسان لا أكثر .!!
#
كانت بلادي يوم كنا لها بلآد
يوم انتحضنها بلحظة تعبد
كنا هل التوحيد مو بس هل الضاد
وكانت تهز الارض ساعة تهجد
كان الفخر بالذات / ماهو بالأجداد
ونملك ثقافة مؤمنه بالتعدد
صرنا [ ورق ] تلعب به يدين نقاد
وقمنا نعاملهم بخوف وتودد
مجرد أشكال وفراغات وأعداد
وخطابنا دايم بصوت التشدد
الرأي مايتقبله غير [ الأصفاد ]
ومجرد أنك بس تفكر : تمرد !!
أرذل عباد الله تستحوذ الزاد
وأهل الكفائه في رحاب التشرد
حنا تربينا على جو الحداد
وربت قصايدنا بحظن التوجد
سيادة الأشياء تبغى لها أسياد
وحنا سيادتنا سيادة : تردد .!
عذرا"
عذرا" حبيباتي على الكذبه :
وصراحتي مااقدر أهذربها .!
في حضرة الرعبوبة العذبه:
يشطبكم أحساسي ويكتبها .!!!
سوريا
مشاهد الحزن بعيون المساكين
كل يوم تتكرر ولابيدنا شي .!
والفزعه بصدرك وبصدري طواحين
ايلين ما ماتت وضل الحزن حي .!!
&
ياأرض الشام ياأطهر حكايه
ياشين وجيهنا كل ماانتعذر .!
تدمرني بما فيه الكفايه
وهذولا خافوا البشت يتدمر .!!
عبدالله البرازي
al_harbesh@
رد مع اقتباس