الا ياقمر ياللي كسوفك سبب ظلماه
.......................... تعدى الحدود ولا ترك عنه ماريّه

سرى الليل ما باقي من الليل غير اقصاه
................... وانا اللي بقى لي في السهر روح مقصيّه

أحاسيس تسرح بي وظن(ن) طرى واعصاه
........................ واكايد عباير في حشى الصدر مخفيّه

علامات مرسومه وانا تهت مع من تاه
.......................... وغطّى على الجرّه من الريح مسفيّه

تمنيت مخلاصي وادوّر على منجاه
..............................وهيهات من نفسه من الكود مبليّه

اجاريك ياوقتي على الويل واويلاه
.................................. وكبدي تصلّى كنها بزيت مقليّه

اذا اليوم مثل امسي واذا الصبح قد جاراه
............................... فلا الصبر ينفعني ولا النار مطفيّه