★☆..سيُــــــأَتِ اللـــــــه بــــــــأَيامِ تُرضِينِــــــاَ ..★☆

[مضاوي#]

لا حول ولا قوه الا بالله

قلوبنا تعبت ع اوضاع اهل غزه
تشوف اطفال صغار شهداء >> شعور يقطع ويوجع القلب
والله ايش ذنب هالاطفال


لعنه الله عليكم ي اليهووود
حسبي الله ونعم الوكيل فيكم

اللهم يا مغير الاحوال انصر اهلنا ف فلسطين#

[مضاوي#]

شعور صعب ومؤلم لما يجيك شخص يقولك فهمني هالماده وانت اساسا كنت غبي ف هالماده ف المدرسه
اختي الله يهداها تركت كل المواد وما نجت غير ماده اللغه العربيه علشان افهمها وصف 11

>> ي وجع قلبي ههع
اساسا كنت غبيه ف هالماده احاول اتقبل هالماده بس ما جدرت ههههه

الماده اللي احبها واستمتع فيها اللي هيه ماده الرياضيااات ي ربااااااااااه هالماده جوووووي
كنت دائما افشل معلمه الرياضيات لدرجه كرهتني ههههه

كنت دائما الاستاذه لما تحل المسائل دائما اطلع اخطاء المعلمه
واقولها استاذه اذ متعرفين تحلين اني بحل عنك ههه >> وكرهتني المعلمه الله يهداها بعدني ابا احل عنهي ههه
فيه مره ع كل كثر ما هيه كارهتني قالت فيه اختبار واللي تجيب الدرجه 15 من 15 راح اكرمها ف الطابور

فرحت لاني واثقه ان راح اجيب هالدرجه
المهم انا ايلس جدام ف الصف بس الاستاذه حطتني ورا اخر شي ف وقت الاختبار علشان محد يغش من عندي ههه
حليت الاختبار كامل وكنت فرحانه بالتكريم لان عارفه ان بجيب الدرجه كامله

اخر شي طلعت اني الوحيده اللي جايبه 15 ف الصف بس ما حد كرمني

ي مدونتي تدرين علام لان الاستاذه تكرهني لان دائما اكشف اخطاءها ف حل المسائل
بس اذيه يعتبر ظلم
وقت لما نكون فاضين ف الصف كنت دايما اشرح المسائل ع الصبوره للجميع>> معلمه الرياضيات الصغيره ههه

هالماده احبها

[مضاوي#]

اللهم ارحم أهلنا في غزة ‏اللهم اربط على قلوبهم
‏اللهم شتت شمل عدوهم وفرق جمعهم واجعل الدائرة عليهم
‏اللهم أحصهم عددا
‏واقتلهم بددا
‏ولا تغادر منهم أحدا

[مضاوي#]

النفسيه محتاجه مشيه صوووب دبي
ابا اتسووق والم السوق كااااااامل ههه

دبي ف فصل الشتاء افضل شي يذكرني بايام جميله ^_^

[مضاوي#]

نغير جو شوووي بهذي النكت ههه

إلاجانب يقومون الصباح يسون رياضه ويرجون ياخذون دش
ويفطرون ويشربون شاهي ويقرون الجريده وبعدها يروحون الدوام
امس سويت مثلهم اذن الظهر هههه


كل السنين الماضيه علمتنا دروس الا سنه 2023 مدت يدها علينا


هذي السنه ختمت كل دروس الحياه السنه اليايه بتكون بس مراجعه

البنت 20 ثانيه تعرف ماركه ملابس صديقتها ومكياجها وشنطتها وعليها عدسات ولا لا
انا لو واحد يتكلم معي بدون راس ما انتبهت

[مضاوي#]

ودشينا سنه يديده
كل عام والجميع بالف خير وان شاء الله تكون سنه سعيده يارب


سنه 2024 دخيلج خلج سنه جيه حلوه وجميله ومؤدبه
لان سنه 2023 مردغتني تمرديغ شفت الويل فيها كانت سنه قاسيه وصعبه
الا اني حققت فيها وايد انجازات افتخر فيها حققت احلامي اللي كان ف نظري مستحيله
في هذي السنه تألمت وبكيت وانضغطت بشكل مب طبيعي شفت نجوم النهار مثل ما يجولون هع

شي طبيعي اذ تبا تسعى لحاجه لازم راح تتعب بس قاوم وراح تكون قدها
اهم شي حققت كل احلامي ولله الحمد

سنه 2023 كانت سنه حرب مع طموحاتي واحلامي
سنه 2024 اباك تكونين استراحه محارب لي هههههههه
خلج حلووووه بليزززز

[مضاوي#]

لو كانت الأعمار بالسنواتِ
‏لرأيت شيبًا يعتلي شعراتي


‏لكنَّ قلبي لم يزل في نبضه
‏طفلا شقيًّا عاثر الخطواتِ


‏لازلت أضحك للحياة إذا زهتْ
‏وإذا تضيق.. هزمتها بثباتي


‏لا تسألوني عن سنيني إنها
‏ليست بشيءٍ في صبا بسماتي

[مضاوي#]

الحمد لله على ادق النعم
التي لا ثناء ولا حمداً يوفيها#

[مضاوي#]

ااه ي مدونتي بتكلم عن نقاط ضعفي ف الحيوانات>> لان اشوف الحاله بدت تصير اسوى ههه

اخاف من الكلاب >> عاد اذ سمعت بس صوت كلب عقلي يرجع للماضي الاليم يجيني خووف غير شكل
لان زمان لما كنت صغيره كانو اهلي يخوفوني بالكلاب
لمًا الكلاب تركض وراي اشرد وعجب ايلس ههههه لان مشي فايده اركض هن اسرع عني واني صغيره
ع سوا حظي ما عندي خوات كنت عايشه مع اخواني وعمومتي وعلبالهم الكلاب عادي
بس اني صدج تعقدت من الكلاب ياتني عقده منهن >> الله يسامحهم

جد الشي اللي تخافه وانت صغير راح يستمر معك لين تصير شايب

الشي الثاني اخاف من لغ
ذيج السحليه اللي تلزج ف اليدار
اخيييييه مغززه تلوع بالكبد اخاف منهي لان شكلهي يلووع
مستحيل ايلس ف مكان فيه لغ

اهاجر ولا ايلس هههه

اساسا هالسحليه اذ قتلتها لك اجر

[مضاوي#]

استغفر الله

سبحان الله

الله اكبر

الحمد لله

لا حول ولا قوه الا بالله