دكتور يالله جّهز الغرفه [ الحين ]
وناد [ استشاريين ] علم الجراحه




بنجيك أنا وإللي [ عشقته ] من سنين
من بـعدنا ماشافت العين راحه




دكتور تكفى مانبي نكون[ شخصين ]
شف لك طريقه [ تختصر ] هالمساحه




مابي تخلّي بيننا [ يسار ويمين ]
[ ادمج ] بعضنا ببعض لوهي صعيبه


ماألومك إليا قلت عنّا [ مجانين ]
العقل[ راح ] وسمّح الله مراحه



حنا [ نتبنّج ] من تجي [ العين بالعين ]
ماحنّا بحاجه [ للمخدر ] صراحه



دكتور [ لحظه ] بس تبي تبدي منين؟
أبيك تبدى [ فيّ ] ما أقوى [ صياحه ]



ما أقوى نزيف الدم من ناس [ غالين ]
وما أقوى على [ دمعه ] بحزة مطاحه



دكتور[ تكفى ] بس أعلمك بأمرين
ودي [ صباحي ] مايفارق [ صباحه ]



هالآدمي يسوى بعيني [ ملايين ]
حكمت قلبه [ واستطعت ] اكتساحه



لكن أمانه تبتدي فيني ألحين
حاول تخيّطنا بسلك [ الجراحة ]