موقف محرج حصل معاك

[يَاسَمِين]

ايام المدرسة صار معي موقف معلمة الكيمياء جاية الصف معصبة و جالسة تشرح و فجاءه قالت لي قومي ليش تضحكي قلت لها ما ضحكت قالت طلعي خارج اول مرة معلمة تطردني خجلت وايد بس طول عمري ما راح اسامحها لانها ظلمتني

نفس الموقف صار معي
مع ابلةة الموسيقى :/ ع الرغم اني م كنت اضحك بس مبتسمه ههه

[ملاك السلطنة]

موقف صار معنا انا وربيعاتي2 .. كنا طالبين عشاء من مطعم ( محارة البحر )
كنا طالعين من مبنى المذاكرة .. رايحين حال الفون ناسينه ف الغرفة .. قلنا عن يجي راعي المطعم وإحنا ما عندنا خبر ..
وإحنا طالعين من المبنى نشوف شخص واقف عند اللي يوقفوا مال المطاعم .. وقلت لرببعتي خلاص شكله جاي المطعم هههه
ورحنا عنده وسألته ربيعتي بدون مقدمات ( انت المحارة ؟؟ )
بس اللي صدمنا ردة فعله أو الضحكة .. طلع عماااني
ههههه .. بصراحة انصدمنا
وعلى طول شردة .. شكله اول مرة حد يقوله انت المحارة ؟
هههههه
بس المشكلة اللبس شفناه كذا لابس وعلى بالنا هندي^_^

[ملاك السلطنة]

وايد مواقف صارت .. بس ما يخلصني اكتب ههه

[يَاسَمِين]

ايام الابتدائية وزعوا لنا الشهادات في الصف بداية الفصل الدراسي الثاني
المهم عطوني شهااادتي وشفت فيها دوائر حمرات ههه ^_^
ما فهمت الموضوع
وصلت البيت راويت اهلي الشهاااادة
وطااااح المنازعه فيني اهي اونه راااسبة ة في كم مادة !!
وانا اصيييح
اصيييح
هههه><

بعدين اخوي انتبه ع الاسم بالشهااادة
فللاااانه الفلاني ههه نفس اسمي بس القبيلة غيير
قال هذي ما قبيلتك
قلت له هذا اسم زميلتي بالصف >< الظاهر الاستاذة عطتني شهااادتها وعطتها شهااادتي باللغلط
الباكر الثاني سلمت الشهااادة للاستاااذة وعطوني شهااادتي

[يَاسَمِين]

لما كنت صغيرة بالابتدائي جاء رجال كبيير مثل عمر ابوي تقريبا جاي بيت جدي
المهم شااافني العب في الحوش وجا سحب خدودي قالي من اسمك
قلت له مالك خخص وركضت عنه داخل
بعدين يوم راح نااازعوووني اهلي قالوا لي هالرجااال ما عنده اولاااد الله ما رزقه ليش كذا سويتي
وعاااد رحمته وندمت اني كنت بغيضه معه ~.~

[وريث العز]

اول مره اركب الخيل المهم ما كنت احب احط السراج كنت اركبه كذا
بس اللجام لازم عشان وقت اريده يتوقف اشد اللجام
بس في ذيك اليوم اشد اللجام وما رضت تتوقف واشد واشد وما شي فايده
الخيل منطلقه صاروخ وانا اشوفها متوجه صوب مشوك سياج الشبك
والخيل ما رضت تتوقف من وصلت قريبه من السياج ضربت بريك غير نمونه ويطير ابو الشباب ويرتمي في السياج خخخ
بس الحمدلله ما جاني شي سوا جروح بسيطه ^&*

[الغاوي وبس]

في مره كنت شايل ولد خالتي صغير فوق رقبتي وامشي فيه فلكرنيش وقام يزوع كله فشعري وجهي وملابسي وكان في واجد ناس يانهار اسود

[الونيس55]

مره واقف جنب سيارتي وبعد ثلاث او اربع مواقف واقفه سياره فيها حرمه ومعها ثلاث بنات صغار وبنت مال خمس سنوات تاشري تعال وسافهنها وتاشر وانا سافهنها وتاشر تعال بعدين قلت يمكن امها قايلتلها تريد مساعده او شي
المهم ابو الشباب راح وامها ما منتبهه
وانتبهت علي قدام الجامه فتحتها وقالتلي خير شو تريد
تخيلو وجهي هذاك الوقت تمنيت تنشق الارض وتبلعني ههههههههههه
وشرده

[يَاسَمِين]

بيوم من الايام كان عندي اختبار سبيكنج واسمي اخر القائمة
قلت في نفسي واجد عندي وقت رحت شريت اكل ولبن ^^
وانكب اللبن في عباتي ><
وحاولت امسحه ما رضى يروح
المهم جا دوري ودخلت اقدم ..واتكلم وشسمه وقفتني الدكتورة قالت لي حد يجي اختبار السبيكنج وهو يعلك لبان
المهم اعتذرت و رميته اللبان بالزبالة وكملت السبيكنج وشكلي معفوووس وما صدقت اخلص واطلع :"(

هذا طبعا لما كنت فندوشه هه سنه اولى

[يَاسَمِين]

مرة كنت رايحة عندد الاستاذ المسؤول عني بالكلية
نسميه الادفايزر لاه من الجنسية الهندية ^^
المهم رايحه اخبره عن استاذة تعاملها سيء مع الطلبه واني اريد ااجل المادة وكذا
المهم وانا اخبره جلست اصيح واصيح وما عرفت امسك نفسي ياخي ومتفشلة احكي واصيح
وهو راحمني يعطيني كلينكس :/