عرش الغلا.. قدره على قدر راعيه
و الا العروش الخاويات.. امخلوقه!!
شئ يجي منه و بإحسان.. ما ابيه
والله لو نفسي لملكه.. شفوفه
الله يصد البعد عنه .. ويعطيه
عقل يشوف.. ونفس بيضاء عطوفه
انشد و انا اجاوبك يا لا.. يا ايه
يا زينها بين الاثنين امحفوفه
ما فيه داعي تكشف العلم و اخفيه
مثلي يطابق هرج قلبه حروفه
وش حيلتك ؟ لا صار لك شخص تغليه
تطيح طيحاته و تاقف وقوفه
تشتاق لعلومه و تضما حكاويه
و ان مر طيفه رحت تذبح خروفه
و وش حيلتك ؟ لا صار بايعك شاريه
قلبك.وشاري منزله مع ضيوفه
شفني ما غير اجيب ذكره و واديه
و لرضاه اسوي كل ليله.. بروفه
لين انتهى و القوس في في كف باريه
راحت طيوفه..تشتبك مع طيوفه
وانا لين اموت.باقي مواليه
لو تكثر احزابه و تكثر احلوفه
خله يروح و ينجرح صدر مغليه
مسموح و لحون الوداع امعروفه
مانيب قايل في غيابه ترى فيه
باقول حكمه من زمان معروفه
احد كفيف.. وعين قلبه تفديه
واحد يشوف و لا يفديه شوفه
رد مع اقتباس