تخيلت الزهر ضامي وفاقد للمطر والنور
تخيلت السحاب أقفى وذيك الشمس مقهورة

تخيلته على الذكرى وعايش خاطره مكسور
على باقي ضياء من نور وقطرة داخل جذوره

كذا مثله أنا عايش بدونك سيدي مجبور
أعيد اللي مضى و أذكر زمن و أيام مهجورة

بدونك يالغلا كني غريب ولا لقى له دور
وحيد يصبح ويمسي على ذكرى على صورة

خيالك لا طرى جاني حبيبي منتشي مسرور
ولا منه بدا يبعد زهمت وشاقني حضوره

ويمي لارجع خذته على صدري بدون شعور
وطفل ضم له عصفور وخاف يطير عصفوره

حبيبي لاتخليني وتدري هالزمان يدور
وأنا مدري ابحيا لين اشوفك للنظر نوره

دخيلك رد لي شورك ومن مثلي ترى معذور
تخيل هالزهر ذابل تعب ما عاد مقدوره

وتخييلني أنا مثله وعايش لا مطر لا نور
ويذبل لا بطى شوفك علي والنفس مقهورة