المشاركة الأصلية كتبت بواسطة عملاق الشعر
رد مع اقتباس
[.. عـگـسـﮯ .. قانونهـﮯ .. ]+
+[.. الجزء الثانيـﮯ.. ]+
+[..تاه فكـريـﮯ و الأمر ضاعـﮯ من حيلتيـﮯـ ...وأضنتـﮯ جروحـﮯ القلبـﮯ يا الرفقانـﮯ ..]+
+[..والدمعـﮯـ من كثره حرقليـﮯ وجنتيـﮯ ...يامنـﮯـ معينـﮯ, مضنى شكى الحرمانـﮯـ.. ]+
اووووووووويه هذا احمدوووه ولد عمتيه مريم ..يستوي اخووي برضااعه يعني عمره 21 شرااتي ... اكييد ياب المصاريف شراات كل شهر ..يالله يااحمد اذكر ايامنا في الشعبيه يووم كنا صغاار ..ههههههههههههههه ماخلينا حد الا وفلعنااه كناا حزب ..بس ماقوول غير الله يساامح الاهل اللي هدموا احلى ذكريااات ..وبذاات عمتيه مريم ..هااي الحرررمه سوووسه استغفر الله ..مادانيييييها ام ويهييين .. رغم انها اخت ابووي ..ونحن عياال اخووها بس مانشووفها الا بالمناسباات..
تعالوا انشووف سارووه شو تقووله .. ترا بيني وبينكم سارووه يعيبها احمدووه..
احمد : السلام عليكم ..
ساره بخجل : وعليكم السلام .. اقررب احمد ليييش واقف ..
احمد ابتسم لها : المرره اليايه اربيعي يترياااني ..
ساره بخاطرها "انت دوم اربيعك يتريااك": انزيين ماعلييه ادخل دااخل فشلله جي واقف ..
مارام احمد يرد سارووه ودخل وسمعته يقولها وين الوالده والريم وين ..داامه سأل عني بسيير اخرب عليهاا..هههههههههه ادري شريره : حياا الله من ياانا..
وقام من مكاانه يوايهني : الله يحيييييج شحااالج الريم ..
الريم : بخيير ربي يعاافيك ومن صوبك وشحال اختك "اممممممم شو اسمها نسيت يالفضيحه " اممممم حمده ؟؟
ابتسم احمد : بخيير ربي يعااافييج تسلم عليييييييج..
بخاطري اقوله الله لا يسلمهاا شراات امها سوسه : ربي يسلمهاا ويسلمك الغالي ..
مد لي ظرف لوونه ابيض : اندووج الغاليه ها من عند خالي يسلم عليكن ويقولكم أي شي تبوونه دقوله لا تستحوون ..
رديت علييه بدوون نفس : الله يسلمه ..قوله مشكووور وخوالي ""ورصييت ع هالكلمه بقووا" هب مقصريين الله يطول لي بعمارهم ..
حس احمد ان الجوو توتر شووي من بينا فحب ينسحب : خلاص عيل انا بسير ربيعي يتريااني ..شي بالخاطر من صوبي .
حراام رحمته ابتسمت له : سلاااااامتك الطيب وهالله هالله بسواقه ..
حسيييته استانس شووي : الله يسلمج الغاليه ..وافتر صووب ساره ..وانتي ساررووه ماشي بخااطرج من صووبي ..
خييييييييييبه شو اقولكم البنييه استواا ويها اشاراات مروور...ههههههههههه تعالوا سمعوا ردها : سـ ـ لامتك ..
عاد سمعوا احمدووه : ربي يسلمج الغااليه من كل عووووووووووووووق ..
وكان هناااك سااره .. اقولكم البنيه رااحت فيها من المستحى خخخخخخ وين لساانج ساروووه ..عاد سمعوا لعاانتي : افظيلكم الجوو شو "غمزة لأحمد"
خخخخخخ احمد احسيته ارتبك ... من جي ربعت حجرة امااايه وخلييت الحوي حقهم ..ادريبكم تبوون تعرفوون شو استوى من بينهم حتى انا ابى عررف فضوول هههههههههه.. لاتخافوون سارووه بتقوولي .. يالله بسير عند امايه عسب اعطيها صدقت ابوووويه اللي اييبها لنا كل بدااية شهرر ..بدوون حتى مايشووفنا ..ودي اسأله ماتولهت عليينا ...اووص اووص سمعوا اماايه ترتل ..يالله فديت هالحس انا والله ..: امايــه..
صدت صوبي : هاا فديتج بغيتي شي ..
مديت لها الظرف : احمد ولد عمتيه مريم يااب المصااريف ..
شلت امايه الظرف : مشكوور ماقصر .. وينه احمد ؟؟
اوووويه ابتلشت شو اقوولها .. ساره واحمد يتغزلوون في الحووي ..اممممممم شو اقوول : اظني ساار لانه ربيعه يتريااه ..
امايه : زين عيل ..دقي ع بييت خالج حميد وزقري اخووج سيف ..وخل خواانج يتزهبوون عقب الصلاه العشا بنظهرر ..وماباقي ع صلااه شي .
حبيتها ع راسها وظهررت من حجرتهاا ودقييت ع بيت خالي حميد رد علي خلييفه وقلت له يقوول حق سيفووه يرد ..سرت حجرتي غيرت لبسي توضيت عسب الصلااه ..تصدقووون نسيييت سااره واحمدووه ... ظهررت الحوي لقيته بعدهم خخخخخخخخخخخ : حوووو انتوا فلمكم ماله نهاايه ..
حليلهم تروعووا ..حشاا كل هذا ماسدهم لا وبعدهم واقفيين يطالعوون بعض ..اووويه ..صفقت لهم اونه خلص الوقت : ساروووه يالله سيري تلبسي ..
احمد بفضوول : لييش وين بتسيرواا ؟
ساره بمستحى : عازمينا قوم خالي حمييد عسب نجااح الريم ..ماتبارك لها خلاص تخرجت ..
احمد بفرح : مبرووك ريمااااني عقبااال المعررس ...
عصبت : وعععععععععععععععع مابى اعررس ..
احمد بخبث : افاااااااااااااااا وسالم ولد عمتيه نوره اللي يترياااج ...
رديت عليه ببروود : امحق طااااااااااااااااااري ..
احمد ماراام ايوود عمره : هههههههههههههههههههههههههههههههههههههه
عصبت لييش يضحك : ماايضحك .. بيبطي جاان واافقت عليييييييه ..
سااره شاركتني بعد : يخسسسسي والله ريمووه تااخذ سالم فقته هوو وامه مادانييهم ..
احمد حزت بخااطره الرمسه : عيييييب علييكن هاييل اهلكم ..
ردييت علييه بغيييض : والاهل مايفرقوون بين الرياال وحرمته والاب وعيااله ..
وعمتييه نوره وامك عمتيه مريم ماااقصرن حرموني وحرموا خواااني من شي اسمه ابو .. واسمحلي مااعترف فيهم ولا افتخر فيهم ...
احمد مارد علي شل قشه وظهر ..حسييت بغيض سارووه لانه الحبيب ظهر زعلان
ساره بغييض: حراام عليييج شهالكلام اللي قلتيييييه ..هو شوو يخصه؟؟
رديت علييها بهدووووء : شو زعلتي ع القلب ؟؟ تراا احييد ربيعه يتريااه ؟؟
عصببت سااره : اففففففففف منج ... كيف يهوون عليييج يظهر من البيت زعلان؟؟
افففف منها هااي بعد : ماااااايخصج انتي فينا .. اخووي وبتفااهم ويااه ..وتقوولج امايه تلبسي لان عقب الصلاه العشا بنسيير المطعم ...
شفتها تمشي صووب باب الصاله وغيييييض الدنيا كله فيهاا ... وانا طبعا حبيت انبهاااواقهرهاا : ساااااااااره " شفتها صدت بويها صوبي" شلي من باالج انج يووم من الاياام بتاخذيين احمد ..فأحسن لج لا تفكريين فيه ولا تعبيين عمرج ..." ماردت علي وشفتها تركض صووب حجرتها" ..
ادريبكم بتقوولن عني قاسيه وان مايخصني باللي بين احمد وساره ..بس حبييت اقولكم ان ابوي له ثلاث خوات وماعنده ولا اخوو ..اكبر وحده اسمها نوره عندها حامد عمره 30 معررس ومايخصه في الدنيا وجابر 25 سنه خااطب حمده بنت عمتيه مريم اخت احمد وعندها بعد سالم 22سنه ...وثاني وحده عمتيه مريم عندها ولد وبنيه احمد وحمده وهااي حمده عمرها 19 ..كريهه من الخاااطر مادانييها ...
الله يسلمكم عمتيه مريم وعمتيه نوره هن سبب طلاق امي من ابوويه ..الفن سالفه وحطنها ع رااس اماايه ...انها ماالت ريااييل وتشررد في ...............الخ ..
اااااااااه ماافيه اقوولكم لان السالفه تفتح في قلبي الااام ومحد حااس فيه .. وعماتي ابد مايعاملنا زين لوكنتي تاكليين يشلوون الاكل من عندج ..لو رااقد يصفعوونج عسب تنشييييييين ..قاااسياااااااات من الخاااطر .. عذبن امااايه وماخلنا ترقد ليلها وابوويه ضعييف قدام عماتي مايرووم يقوول شي ..ماراام يدافع عنا وعن حرمته ام عياله .. فسوى اللي يريحهن وطلق اماايه وخذ ربيعت عمتي مريم اللي تكره اماايه موووووووت ...
فبلييييييييز لاتلووموني اذا جي قلت حق سااره هااي اختي وخااف علييها ..بتقولوون احمد مايخصه بأمه ..بقولكم هابكرها وولدها الوحيييد مابتتخلى عنه عسب تتهنى فييه سارووه.. وساره بعدها صغيره والحيااه توها بدت وياها ..
اااااااااااااخ رااااسي من هالدب اللي فر الكوره ع راااااااااااسي ...شفت فلاح ولد خالي حميييد يضحك .....يالله فديته محلااااه : فلاااااحووووووه تعال .."شرد خخخ تروع مني " تعااااااااال يالهرم ..
يا صووبي حليله مترووع : اسف ريماااااااااني ..ماكنت قااصد ..
يالله محلاااك ولد خاااااالي ليتك عوود جاان انا اللي خطبتك : تعااال حبيبي لاتتروع ..
لووويت عليه بقوو حبيته ع غزووزه : شعلييييييييييييه كااشخ وين بتسير ..
اونه يبا يغايضني : بنسيير الصيين نتعشاا ..
خخخخخخخ والله هاليااهل عجييييييييب : الصيين مره وحده ماشي عشاا في العييين ..
سمعت صووت من ورااي : تطنزييييييييين ع ولدي يااادبه ؟؟
يالله يا محامي دفاااع فلااحووه ..اكيد عرفتووه خالي حمييد : ههههههههههه تراه بسير الصيين يتعشى ..
لووى خالي حمييد ع البزيه فلااح وكان يرفعه ويعقه بالهووى وهذااك مستانس ..حظه ونااسه ابى حد يرفعني ويعقني جي هههههههههه ادري راحت علي بس ماعليييه .. ابى اجدد الطفووله ...( الله اكبر الله اكبر) ... الله محلاات الاذااان ..الله اكبر واعظم خلاص بسير اصلي شفت خالي حمييد يظهر من البيت وشل ولده ويااه عسب ...خله يعلمه من هوو صغير زيين بعد عسب ينغررس فييه الدين من هوو صغير .. حتى انا بسييير اصلي ..لان عقب الصلااه بنسيير نتعشى في سور الصيين اللي في شارع خلييفه ....
في المطعم :
عايله الكريمه كلها متولفه الا خالي حمد ..لانه موااعد وااحد من الربع ..وطبعا سارووه زعلانه ماترمسني وانا مسويتلها اكبر طااااااااف لانها ياهل وماتفهم بهالسوالف ..المهم طلبت انا معكروونه صينيه يمــــــــــــي محلاهاا ..وطبعا كلهم اختلفت طلبااتهم ..اللي طلب عييش بالخضاار واللي طلب ديااي مشووي وكلاات صينيه ماعرفها خخخخخخخخخخخ .. المهم خلووني ازط وعقب بسوولف ..
شوي شفنا ريال وويااه حرمه قعدوا قرب طاولتنا ..ونحن مسووين ازعااج وحشرره وهم يسمعوون سوالفنا ويضحكوون ..قمت بسيير الحمام عسب اغسل ادييني ..صدييت صووب الرياال والحرمه اللي ويااه ..شفته يطالعني بنظراات غريبه ..طبعا انا هب متغشيه ومادااني اتغشى ..صديت عنه قلت يمكن مشبه علي ..رديت قعت مكااني وسارووه عداالي والريال كرسييه مقابل كرسييه ..والحبييب مانزل عيينه صدق مايستحي حتى هب محشم هالحرمه اللي ويااه ...زقرت سارووه بهمس عسب محد ينتبه ..ردت علي بضييق : هااا خيير شو تبيين ..
دزيتها : طااعي هذاا كيف يطااالع ؟؟
عااد هني سارووه ضحكت ..: شو يضحكج ممكن اعرف ..
شفتها طااالع الرياال اونها تقنصه : يمكن معجب ولا حببج من اول نظررره..
صدق خباااااااااال مراهقاات اوونها يحبني : مالت عليييج ..وين تبيين ييحبني ..
عيبتها سالفه : عااادي والله لييش لا؟؟
ضربتها ع رااسهاا : هب منج من هالقصص اللي تقرينهن ..
انتبه خالي حميييد لنا : ايييييييه انتي وياها شو عندكن تتصاصرن ..
اوني اعدل الموقف : ماااشي فديتك سواالف بناات ..
سكت خاالي وعقب جنه تذكر شي : اووووووووي الريم نسييت اقوولج قبلوج في تدرييب الصيفي ...
استااانست من الخاااطر : صدق والله ..
عموتي ناعمه : هييييه صح نسييت اقوولج اليووم يووم كنا في بيتكم ..
اماايه : زييييييين والله .. ومتى بتبدأ ..
خالي حمييد : بداية الاسبووع اليااي "وقال بجديه" لو سمحتي لبسي نقاااب ..
وععععععع اتخيل البس نقااب مابى مابى شوو خفااااش .. سمعت حد يضحك اكيييد محد غيرها سارووه : خخخخخخخخخخخخخخخخخخخخ اتخيل شكلج بنقااب وانتي جي صغيرونه ...
عصبتت : جبب جبب صغيرونه بس عيوووني كبااار ""تمييت احرك لها حيااتي(حواجبي)بغياااض..
تمت تضحك : هههههههههههههههههههههههه حلييلج بتتطوعيين لبسي بعد قفاااز وزليييغ هههههههه وعباات راااس ..
خالي حميييد : مافيهاا شي عااادي والريم ماشا الله علييها قممر ..كل شي يلييق علييها..
عاااش عاااش خالي حميييد فديته يدااافع عنيي : مااعلييه خالي عقب العشا اخطف ع لوزان عسب افصل عنده انقااب ..
بعطيكم نبذه عن التدرييب الصيفي ..هذا انكم تتدربوون في فصل الصيف في أي من دووائر الحكوميه لمدة شهريين ويعطوونكم مكافأه بقيمة 5000 او 6000 درهم
ع حسب المكاان اللي بدرب فييه .. وهذا يعطييكم الخبره ان عقب تتوظفون في أي مكان؟؟
رفعت رااسي شووي صوب الرياال شفته بعده يطاالع ..يوم انتبه اني اشووفه ابتسم لي ...وييييييييي مالت علييك وع ويهك بعد تبتسم ويهالراااس .. خلصنا العشا وقامواا الاهل كلهم ..يوم يينا بننزل من طابق العائلاات ..صديت صووبه فضوول ابى اشووفه بعده يطالع .. خخخخخخخخخخخخ شفته يطالعني وهو سرحاان وييي فقتك .... دزتني سااروه : بسج من كثر ماا توايقيين ع ريااال ..
طااع هاااي : ماعندي ساالفه ويا رااسه ..
ساره : حركتااااااااااااااات شو عيببج ..
بدت سارووه وبدا خباال المرااهقه : لا ماعيبني ..شيييييييين مشينه ..
شهقت سارووه : في ذمتيه انه طررر محلاااااااااااه يجنن ..اسمرااني طوييل وخشمه سييييييييييف وابتساامته غراااااااام ريمووه ردي شووفيه زيين بس عيوونه ماتبين لانه لابس نظارات طبيه ..احلىى عن ساااااااالم ولد عمووه ..
عصبببببت منهاا من الخاااطر : حووو ايييييه شوعندج ..توصفييين الرياال ماتستحييين امممممف علييج اسميييج مضيعه المذهب "اوني اقلد صوتها" في ذمتيه انه طررر محلاااااااااااه يجنن ..اسمرااني طوييل ...والله لو سمعج خالي حميييد ليقصبببج قصااااااااااب .. صدق مراااهقه ...
ابتسمت ابتساامت خبث : خخخخخخخخخخخخخخ ماترضييين شوو..
سررت عنهاا محد يدز لها ويه ...تفسرر الاموور ع كيفهاا تقهرر ..ماعندها غيير الحب والاعجااب وسوالف الخربطاااان .. ماقد كلمتها بهدووء ولا بعقل .. المهم طبووا السالفه ..خطفنا ع لوزان قرب دوار الساعه وفصلت نقااب عاادي لييش شي ملوون خخخخخخخخ .. ورديينا البييت وبصراااحه صددق استاانست من الخااطر .. وسارووه فديتها ردت مثل قبل ونست زعلهاا ..قلتلكم ترااها طيووبه
بس فيهاا خبااااااال ع قولتها " أنا خبالي ماهو أي خباال أنا خبالي من النوع الراقي " خخخخخخخخخخخخخخخخ قلتلكم خبله ...
في اول يوم لتدريب الصيفي في احدى الدوائر الحكوميه :
دخلت المبني ..بصراااحه ديزاينه وتصميمه كشخخه كله زجااج ..سرت صوب رسبشن تخبرتهم عن متدربات الصيفي ..قالولي ان اسمي عند مدير قسم العلاقات العامه اسمه سعييد بن فااهم وعطوني بطاقه اعلقها عسب المراجعيين يعرفوون اني متدربه ... المهم اكييد انكم تتسألوون لبست النقااب ولا ..الله يسلمكم النقااب يبته البارحه وظهرر ضيق من صوب العيوون فرديته وبفصلولي غيره وبيخلص بااجر المغرب .. وماشاء الله علي مداومه بدوون نقاب وعقب يوميين بتنقب هههههههههههههههه ..دخلت مكتب مكتوب عليه سعييد بن فااهم ..وطبعا المكتب فااضي ..قعت ع واحد من هالكراسي المحطوطه قداام المكتب ويوم شفت الساعه اللي لابستنها شفتها الساعه 8 وربع ..والحبيب بعده هب مدواام ماشا الله عليييه ..اففففففففففف منه مااحب الانساان الكسول احب الانسان النظامي اللي يكاافح خخخخخخخخخخخخخ اونه يكاافح اتحرى عمري في حررب ولاشي ...
وبعديييييين ويااه متى بيي وهااييل المقلع يوايقوون من عند البااب صدق قلت ادب ... شووي واسمع صوت ريال : السلام عليكم ؟؟
يوم صديت صوووبه لالالالالالالالالالالالالالالالالالالالالالا صدمــــــــــــــــــــــــــه ؟
+[..لعبـ الزمنـ ماهو بمثلـ باقيـ الالعابـ..ألعبـ على كيفكـ واذا ترومـ لا تتوبـ ..]+
+[..بجيكـ يومـ وتندفنـ تحتـ لترابـ ..وبعد الدفنـ بتعرفـ وشـ يعنيـ لعبوبـ ـ.. ]+
يالفضيييييييييحه !! تعرفوون منو سعيد بن فاهم ... تحيدوون اللي كان قاعد مقابلني بالمطعم هيييه هو هذاك اللي كان يوزع ابتسامات ..يالفضيييحه..
: وعلييكم السلام ورحمه
حسييته في البدايه انصدم يوم شافني بس عقب قعد ع المكتب ولا ياب طااري المطعم .. يمكن مب هوو توأمه خخخخخخخ ع كيفي خليت له توأم ...سمعته يقوول : انا سعييد بن فااهم ..وبليز زقريني سعيد بدون استاذ وطبعا انا بكوون المشرف عليييج لمدة اسبووع وعقب انا بسااافر وبمسكج الشغل اللي بفهمج يااه ..ممكن نتعرف على الاسم ؟؟
طااع ويهك انت لا خذ رقم تليفووني بعد : لازم الاسم ؟؟
طالعني مستغررب : اكيييد بعد شوو عيل شو ازقررج يا فلاانه ولا بدوون اسم ..
بعد تطنز ويا رااسك ..اففف منه الله يعييني عليييييييه : وياك الريم محمد سيف ..
رد علي : عااشت الاسامي .."ابتسم" اسمج حلوو لييش ماتحبيين تقولينه ؟؟
قفط ويهي ..والله شوهاا بدينا بالاحراجاات خخخخخخ اوني عااد... فحبيت ابين له موقفي : مب جي ؟؟بس انا هب متعووده اعطي اسمي لأي ريال ..يعني يديده علي .. .
سكت شوي عقب سألني عن تخصصي وعن الكليه ودورات اللي عندي ...تصدقوون غرييب هالانسان حسيييته عاااقل ورزين وماعنده سوالف الشباب البطاله .. رغم اني كل ما صديت اشوفه لقيته سرحان ويطالع ..بخااطري اقوله شو مشكلتك بالحيااه خخخخخخخخخخخخخخخخخ اتخيل .. ووينج ياسارووه ..لوعرفت تعرفوون سيده بتقوول ..القلووب عند بعضهاا .... قطع تفكيري صوت سعيد : اقول اختي انا بظهر وعقب برد خذي راحتج المكتب مكتبج..تامريني ع شي ؟؟
رديت علييه ببرود : لا سلاامتك ..
وظهر من المكتب واظني ساار المكتب اللي عدالنا لان اسمع حسسه ..يالله يالفضيييحه ..شوبقوول عني هاذي اللي كانت طالعني جنه اول مرره حد يدز لها ويه..خخخخخخخخخ وينج يااسااره ... تصدقوون صدقها سارووه يوم مدحته ماشاء الله عليييه مزيووون وغير انه عااقل بس فييه شي مااعرف شوو.. المهم شغلت عمري بشغل اللي عطاني يااه .. وانا افكرر بهالانساان الغاامض اللي ظهرلي مرره وحده ..
قطع تفكيري صوت دق البااب ...صديت صوب البااب اواايق منوو ..لقييت بنيه متنقبه تسويلي باي ...بلاها هالخبله شو عندهاا ؟؟ سمعتها تسألني : انتي الريم ..
قلت لها : هييه انا الريم منوو انتي ..
دخلت ومد اييدها تسلم : انا عليا سعييد طرشني صووبج ..
استغرربت لييش طرشهاا : تفضلي اختي قعدي ..
قعدت بالكرسي المقابل المكتب : انا استوي بنت عمة سعييد طرشني صووبج عسب نتريق ربااعه "وشفتها طالعني بنضراات رجا " بلييز ماابى حد يعررف اني اقررب حق سعييد ..
ضحكت بخااطري على هالبنت شكلها طيبه : لا افاا علييج سرج في طوي ..الا ماقلتيلي انتي تشتغليين هني ..
عليا : هييه انا سكرتيرة المدير العام ..بس محد يدريبي اني اقرب حق سعييد واصلا انا مستغربه يوم قالي سيري مكتبي شي متدربه طيووبه اسمها الريم عزميها ع ريووق وعادي قوليلها انج بنت عمتي ؟؟
اوونك ياسعييد حركتااات من اول يووم .. اليوم تطرشلي بنت عمتك ع ريووق وبااجر شو انشا الله : يا مرحباابج والله ... بس بتخبرج وين بتريق لاني بصرااحه "قلتها وانا مستحيه" ميييييييته يووع ..
ضحكت عليا علي : هههههههههههههههههههه الحال من بعضه ... شي عندنا كانتيين وفيه مكاان مخصص للموظفات مسكرر محد يشووفج ..
سرنا وانا عليا هذا الكانتيين وطلبنا ثنيين كرواسوون جبن ويا نسكافييه ..يوم يت طلبيتنا شفت عليا تعق نقابهاااااا ... يوم شفت ملامح ويهاا صخيييييييت بصرااحه مارمت ارمس .. ماشا الله عليها قمرررررررررر وااايد حلووه .. ذاك الخشم وذييج العيوون اللي تذبح وابتسامتها اللي ترريح النفس .. انا وانا بنيه طحت من جمالها عيل كييف الرياال ...سيده خطرر في بالي اسألها هالسؤاال : انتي معررسه ؟؟
تمت طالعني بحييره وردت علي بحززن : كنت ..بس توفى وخلاني ؟؟
سكت من شفت الحزززن بعيوونها ..جني فتحت عليها موااجع وذكرياات قاسيه .
رفعت عيني اشوفها ..شفتها طالعني وتبتسم ..خخخخخخ بلاها هي وسعييد الا يطالعون ويتبسموون ...
لمست اديني وقالت لي بحناان : ماشا الله علييج غااويه بس فيييج حززن ويبين بعيوونج ..
انصدمت يووم قالت لي جي بس الجوااب جااهز : اذا انا غااويه عيل انتي شوو ..
ضحكت : ههههههههههههههههههههههه والله ملامح ويهي ماتيي صووب رسمت عيوونج ..بصرااحه لونهن يطييح ..انا دوومي مطيحه عند نظارات الحكيم ادور عدساات لونهن عسلي جي شرااتج ..
والله ضحكت من خااطري : هههههههههههههههههه عااد مب جي ..والله انتي ماشا الله عليييييييج صدق قمر 14 ..لوعندي اخوو عوود صدق مابخلييج بحاالج ..
سمعتهاا تضحك من الخااطر : هههههههههههه زين عيل يوم الله مارزقج بخوو اكبر عنج.. "سكتت شووي وعقب ردت تقوول " انا كنت مالجه ع اخوو سعييد اسمه حمدان ..كنت صددق احبه هب الا احبه اعشششششقه وحتى هوو كاان يبادلني نفس الشعور "تنهدت وردت تكمل " بس القدر ماكتب لنا انا نجتمع في بيت وااحد ونييب عيال ونربيهم ويا بعض ونسميهم ع كيفنا ..خذااه الموت قبل عرسنا بأربعة اياام "نزلت دمعه من عيوونها مسحتها وردت تبتسم " اااه خلاص هالسالفه استوالها سنيين يمكن سبع سنواات او اكثر ..والحيين انا عمري 27 سنه منو يباااني ؟؟الحييين دوورج عسب انززفج ؟؟
ضحكت غصب عني لاني فتحت لها جرووح وكنت ابى اعدل الجوو: ههههههههههه لا ويين بعييييييييييد مابى اعرررس ..
ضحكت علي : لا والله ...بتعرسييين غصب ماعندنا بناات يعنسوون شرااتي يعني "غمزتلي"
:هههههههههههههههههههههههه خلاص موافقه ع شررط..
طالعتني بنقمه : ليكوون تتحريني المعررس وتتشرطييين .
:هههههههههههههههههههههههه ..اذا تبيني اعررس انتي لازم بعد ماترديين معاريس ..
ضحكت من الخااطر : خلاااااااااص تم اول معررس اييني من عقب قعدتنا هاذي بتقبظ به ..
استاانست من خااطري لانها شووي متفائله وماستسلمت لمووت ريلها من عقب كل هالسنيين: اللي يسمعني يقوول معااريس كسروا بااب بيتنا ..
تميينا نسسولف ونضحك بصرااحه استاانست ع سوالفها ورتحت لهاا من خااطري ع رغم من اني اول مرره اشوفهاا .. فيها طيبه واخلااااق وغير توااضعهااا ..والله كل مااذكر سالفت ريلها مااتخيل يووم من الاياام افقد شخص غاالي او انساان حبيته .. حليلها والله ماتستااهل وربي يرزقهاا بولد حلاال ....
يوم رديت المكتب لقيت سعييد قاعد ويووم شافني ابتسم : هاا تريقتي
قعت ع الكرسي اللي مقابل المكتب : الحمد الله "سكت شوي وعقب كملت" استااذ سعييد!!
: هالريم بدينا بالرسمياات بلييز زقريني سعييد بدوون استااذ ..
ابتسمت له : بصراااحه علياا واااااااااااايد طيبه ..ومشكور لانك طرشتهاا صووبي ؟؟
حط اييده ع خده وتم يطالعني بصرااحه نضرااته خلتني اتوتر : العفوو الشيخه ماسويينا الشي ..وعليا طالعه علي "وغمز لي"
هههههههههههه هييه امرره بس الابتسامات ويوم طالعوني : هييه صح ..
قاام من الكرسي وقعد مقابلني وقرييب مني شووي ..ارتبكت وتروعت منه ..ابتسم يوم لمح الخووف بعيووني : الريم
يماا هذا شوو يباا : هلا
: بصراااحه عيووووووووونج تذبحني "وقال بهمس" ترى شي ناااس يبوني خفي علي دخيييييييييييلج "قالها برجا"..
ياللـــــــــــــــــــــــــــــــــــــه حرااااام عليلــــــــــــك شو تبى مني ...ليش تقوولي هالكلاااااااام ... قلبي يدددق يااانااااااااااااس يدق بقوووو ..حراام عليك شو سوويت فيني .. هذا اول يووم اداوم فييه وثاني مرره اشووفه الله يعيني ع الاياام اليااااااااااايه .. والله اني متروووعه وبخاااطري اصيييح ..قربه مني يربكني ..يعذبني .. حسييته رد مكاانه ع المكتب .. وانا شليييت ورقه ارسم فييها عسب مابيين له اني مستحيه ولا مرتبكه .. تمييت اشخبط وارسم سماايل فييس واخلي لساان الفييس ع صوب خخخخخخ ادري يااهل المهم خلوني اشغل عمري بدال مااتم مرتبكه ومستحيه منه ..شفت السااعه لقييتها 12 ونص خيييييييييييبه مسررع خطف الووقت ..قمت شلييت الورقه عقيتها بالزبااله ..ودقييت ع الاهل لان خلص دواامي لاني متدربه ... رفعت رااسي صووب سعييد لقييته مساند رااسه ع طاولة المكتب ..بتصدقووني لو اقوولكم اني ترروووعت عليييه ..كاان شكله صدق مترووع ..زقرته : سعيييد سعييييييييييييييييد
رفع رااسه وهو مبتسم : لبيه الغلااا ..
عاااش وين تبى الغلااا : تبى بندووول عندي في الشنطه ..
: لا مشكووره الطيبه .."سكت شوي ورد يكمل " سمعتج بدقيين ع الاهل ..خلص دواامج ؟؟
سؤاال عجيييييييب عيل لييش داقه ع الاهل : هييه نعم ..شي بخااطرك "وقمت من مكااني "
تم ينااظرني يمكن خمس دقاايق وبعديين سمعت رده : لا سلااامتج ..
وظهررت من المكتب بسررعه حتى من دوون ماارد علييه .. مااعرف بلااه هالانساان علي ..احسسه غااااااامض ومااعرف شبلااااااااااه والله يستر من الاياام الياايه .. ظهررت من المبنى ولقييت دريوليت خالي حمييد تتريااني .. زين والله ماتاخررت شراات كل مرره ...
الحمد الله ردييت البييت بسلاامه ..لان سيهاام الدريولييه سواقتها هب ليين هنااك ..حتى مرره اذكر والله دعمت دراام الزبااله مال البلديه اللي قداام البييت ..خخخخخخخخخخ اسميها فضحتنا قدااام العرب .. المهم دخلت البيت سلمت ع اماايه وسوولفت وياها شووي وعقب سررت حجرتي عسب اغيير ملابسي وكالعاااده لقييت سارووه الحلووه ع المسن لا وبعد قاعده ع الاب مالي ..تقهرر صح : حووو انتي 24 سااعه ع المسسن ماتملييين ..
صدت صووبي وشاقه الابتسااامه : مرحباا ملالالايين ولا يسدن فذمتيه .. "زخت اديني وقعدتني عدالها" تعالي تعالي ؟؟قوولي شو دواام ؟؟شفتي مزاايين ؟؟
ههههههههههههههههههه غبيه هالبنت صدق انها مرااهقه ..مزااايين اوونه ..يسد اني شفت مزيوون يسد عن كل المزاايين ..ماحسييت الا بديين سااره دزني : ايييييه حووووووووو بلاااااااج سرحتي ..
ابتسمت لها : اقوولج سارووه سمعي بتسبح وبتلبس وبخبررج سالفه انزيين بس ع شررط..
: امررررررررررررررررررررررررري ..
حلاتها يوم تسمع الكلاام : سيري يبيلي بيسي وقوولي حق اماايه اني شبعااانه ..
مااشفت الا غبااار سارووه اختي يوم ظهررت من الحجره ههههههههههههههه صدق انها مرااهقه خبله ..وقمت انا اتسبح واصلي الظهرر ويوم سلمت لقييت سارووه ع رااسي : يالله حبيبتي ريمووه قوولي شو السالفه ..
انسدحت ع الشبرريه وبطلت غرشة البيبسي : اليووم تعرفييين منوو شفت ؟؟
: منوووووووو قوولي؟؟
شفت هذاك اللي شفنااه في المطعم ..
شفت الصدمه بعيوون سااره : المزيووووووون بو نظارات اللي كان يوزع ابتساماات ..
ضحكت عليها: هههههههههههههههههههههه هييه علييج ليتااات ..
وساره وبعدها مصدوومه : حلفــــــــــــــــــــــــــــي ؟؟انشا اللله يشتغل وياااج ..
تميييت اخبر سارووه عن سعييد وعن حركاته ونظرااته وووووووووووعن عليا وعن سالفتهااا ..عااد سارووه الحساسه شووي وبتصيييح ..هههههههههههه
: والحيين شو بتسووين ويااه ..
استغربت من سؤالهاا : مااشي عاادي بعاامله مجررد مدير او زمييل عمل ..
طالعتني بخببث ورفعت اديينها تدعي : ياااااااارب تخلـــي سعييد يخطب الريم وتعرس ونفتك منهاا ..
: ايييييييييي يالدبه ظهرررررري بررع ...كااده علي ولا تدفعييين مصاريفي
ونفتك منهاا اووونه هاااااااااااا ...وها ويهي ان قلت لج شي ثااني مرره ..
تروعت سارووه : اييي ريمااااااااااني اسوولف وياااج لييش عصبتي ..
ردييت علييها وانا ميته غيييييييض : تسمعيين انتي اللي تقوولينه اونه يخطب واعررس وين تبيين انتي ..
صاارخت علي بقوو : لان الرياااااال صدق يحببج ..
طااع هااذي شوو تقوول ..خذت نفس ورمستها بهدووء : سارووه حبيبتي مب كل انساان يطالعج ولا يوزع لج ابتسااماات يعني يحبج ..يمكن اعجااب ولا حركتاات شبااب ..
قاطعتني : صدقييني يحبج ريماني والاياام من بيناا ..
: الله يعلم .."وجني اتذكررت شي"اييييييييييه سارووه شووقالج احمدووه هذاك اليووم؟؟
تغييرت ملامحهااا جني ييت ع العوووووق امرره : هاا بلااج صخييتي يالله قوولي ..
: مااااااااشي ...كاان يسألني ع نتاايج المدررسه ويقوولي اشد حيلي السنه اليايه لاني بكوون ثنويه عااامه ...
:بس ماقاال شي ..ماغازلج"غمزت لهاا"
سمعت ضحكتها :ههههههههههههههههههههه ..مااقال لي شي غير بتوله عليييج لانه بيسااافر اممممممممممممم يمكن باااجرولا ورا باجر ..
طالعتهاا بتعجب : يعني بيينا قبل لايساافر عسب يسلم على اماايه ..
حركة كتفها بحركة انها مااتعرف وعقب سكتت وحسيييت انها سررحت بعالم ماافيه الا هييه واحمد : سارووه تحبيينه ؟؟
تمت اطالعني بتعجب وحسيييتها ضايقت : حتى لو احبه الله مابيجمعناا ..صدقييني ياريم اني اعررف ان احمدووه هب من نصيبي .."فجأه صاااحت صيااح يقطع القلب" والله رغم سني الا انـــــــــــــي احبه وماابى اكوون له لان متاكده ان حياتنا بتكووون دماااااااااااااااار وانا ضحية هالدمااار .. اناا احااول انسااه "وخذت نفس ومسحت دمووعها " وبتناااساااااااااه ادري اني صغيره وبيبي ومراهقه بس احس مااعرف شوو اقوولج وع فكرره قلت له هالكلااام وهو حتى يعرف هالشي مايحتااي نضحي ولاشي "خذت نفس "عقب ما بيرد من سفر بخلي امه تدور له بنت الحلال ... سمعي شل لي هالاغنييه ..ويابت تليفوون امايه اللي تستخدمه هي ..
يوم شافونــي انا بقربكـ .. أبعدوني عنــك يالغالـي
مادروبــي كم أنا أحبك .. يا سعادة عمــري وفالــي
صووته عذااااااااااااب وحسييت فيه نبرة حزززن وكأنهم هاييل الاثنييين مستسلمييين للواااقع ..ادري انه هذا الاحسن لهم بس ماااعرف رحمتهم من خاااااااااااااااااطري ...لووويت ع ساااره وهي تصيييح .. حليلها هالبنيه انحرمت من ابوها وهي صغيييره وفقدة الاماان والحب من هالانسسان وتبى بعد تفقد حبها الطفووولي .. والله انج ياسااره ماتستاااهليين ها كله ..تميييت امسح ع شعرها اليين مارقدت والدمووع انجفت ع خدودهاا ..اما اناا يووم رقدت ساروووه حاولت ارقد وياها وادفن الااااااااام نحن اصغر منهاا ؟؟؟وافكر بإنسسان ظهووره بحيااتي بيكوون له تأثير ..
هذا ثالث يوم حقي انا ادااوم ويا سعييد ..وطبعا نظاراته مثل مااهي وماتغيررت .. وعلايا استوووت وااايد قريييبه مني فدييت رووحها انا والله ..بس اليووم انا لبست النقاب خخخخخخخ اول مره في حياتي البس نقااب ..حسيت الكل اللي في دواام يطالعوني مستغربيين ..وانا بصراااحه محد هامني غير سعييد وبخااطري اعرف ردت فعله .. دخلت المكتب كالعااده محد في والحبيب بعده هب مدااوم ..قعت ع كرسي المكتب وتمييت اشتغل واسلي عمري شووي ..سمعت صوت يااي من عند البااب : السلاااااااام عليكم ..
رديت عليه وبخااطري اشووف ردت فعله : وعليكم السلام ..
قعد ع واحد من الكراسي المقابله المكتب : الريم ..
ابتسمت : هييه الريم ..
سكت وماعلق ع الموضوووع .. واستأذن وسار المكتب اللي عدالنا ..عصبت وكاان بخااطري اسمع تعليقه ..افففففففف منه يقهر ..امممممممم بلاني ع الرياال شو اباااه ؟؟ ليش افكر فييه هالكثر ؟؟ اففففففففففففففف ماعندي سالفه اشغل بالي بهالكلاام خلنا ادق على موزاان ربيعتي اشووف علوومها .... تم تليفونها يمكن يرن اليييييييين ماسمعت صوتها المزعج يرن في اذني : الوووووووووو
: هلا والله هلا ...وينج يالقااطعه ..
:ههههههههههههه حرااام علييج والله مشغووله بالسفر ..
: انتي تتبضعيين ولا تتزهبيين ..
:ههههههههههههههههه تتطنزيين ويهالراااس ..الا ع طااري التزهييب هادف ولد خالتيه تقدم ولي وانا احم احم واافقت ..
: كذووووووووووووووووووب !! من ورااناا ..
: والله ماااكذب علييييج ..اااااااااه فديت روحه مابغى يخطب ..
: يالكلبه ليش ماقلتيلي ؟؟ ولا تخافيني احسدج ؟؟
: لا والله حشااا هب جي ...بس بغييت كل شي يستووي رسمي ..
: اهاااا زيين والله ... تستااهلييين الغااااااااااااااااااليه ..وبلييز ان يتج بنيه سميها الريم ..
: يالله هنااااااااااااااااااااااااك بعد لاحقتني وانا معرررسه .
: ههههههههههههههه حمدي ربج ان ظهررت تشابهني ؟؟
: هههههههههههههههههههه ترا العرس بيكوون شهرر 8
: الله يوفقج الغاليه .. خلاااص عيل بخليييج الحييين ..
: خلااص براايج بااي ..
: بااي .. من سكررت من موااز لقييت سعيييد واقف قداام المكتب .. بسم الله سكني بس ماشا الله عليييه يجنن و اول مرره اشوووفه بدوون نظااره .. عيووونه متوسطاات بس رموووشه كثيييفه ..ياوووويل حالي انا .. هالانساان بيذبحني قبل مااخلص التدرريب ..رفعت راااسي صوبه لقييته قااعد ع الكرسي يطالعني ..سمعته يقول : بطلي الدرج الاول بتلاقيين كرتوون شلي الورقه اللي تحت الكرتوون ..
بطلت الدرج وشلييت الورقه ..بصرااااااحه انصدمت ؟؟؟؟ شوهالانساان؟؟؟
معقوووله !! مااعرف شو اقولكم ؟؟ادريبكم تبون تعرفون اللي بالورقه ..تحيدوون يوم كنت ارسم سمايل فيس واشخبط بورقه وعقيت الورقه بالزباله ..الظاهر اني يوم رديت البيت شل الورقه ..لهاالدرجه ينتبه لحركااتي معقوووله هالانسان يحبني ؟؟معقوله كلام ساره صدق ؟؟ رفعت راسي له شفته يطالعني والابتساامه مرسوومه بويهه ... زقرني : الريم
رديت عليه بتررد : هـ ـ ــ هـلا
قالي بصوووت هاامس يعذب : ليش لبستي نقااب ..
