يسعد مساك
على وداع الشمس... روحي تمسيك **** يسعد مسا روحك ...يااغلى الحبايب
يسعد مساك ..ويسعد إللي يمسيك **** ويسعد مسا خفاق ..بالحب ذايب
ليتك تعر ف الغلا من كثر ما اغليك **** وتمد لي كفك انا في النوايب
وتمد لي حبل الوصل قبل اناديك **** وتبري جروحن مالهن من طبايب
وكود الزمن لادار يرجع ويلفيك **** بالصاحب اللي بعوزتك صار غايب
وجرحك اذا ماطاب يرجع يبكيك **** او هو ابتلاء اثبات لمن كان تايب
وياخافقي ان كان لك ثار برويك **** من عهد من كان الأمل فيه خايب
والا عفا الله عن اللي قد غدر فيك **** تبدي له الايام من كان صايب
ومر الزمن ماعدت انااذكر طراويك **** من صد عن دربي انا عنه سايب
ماهو بذنب لاحن قلبي لاراضايك **** أثر الوفا والحظ ما هن قرايب
الذنب لا من صد قلبك واناديك **** حاضر جسد والروح تبغي الطبايب
عذبتني وتصد واتبعك واجيك **** الذنب ذنب الذي بالجرح طايب
وان صد قلبك يوم انا في رجاويك **** ما اريد قربك لو لحافي الترايب
هذي انا ياغلا لو خاب الرجا فيك **** وبدعيه ربي يصبح الظن خايب
نور(ن) علي حاضرك نور(ن) لماضيك **** ونور(ن) يعم اكرامها والأطايب
ولا قلت لك بالمسا يسعد تماسيك **** قل لي مساك أسعد يا اغلى الحبايب
شعر : فاطمة بنت حميد " إغتراب "
ملاحظة أحبتي :لاتبخلوا علي بملاحظاتكم الهادفة في النص
رد مع اقتباس