<<>> حدثونا عن طفولتكم <<>>

[قاتل ضفدع]

بصراحة وفيرة كنت هااادي جدا لا أهش ولا أنش لكن يوم أغضب عدت أغضب
الطفولة براءة

مشكور كثيرا

[بقداد]

ايام الطفولة كنت اجلس مع جدي رحمة الله عليه ويحكي لنا قصص عن ايام الأول ياه ايام حلوه جدا

[عمووري]

ما اذكر شي من طفولتي ��

ولا تذكري شئ سبحان الله

[عمووري]

عشتها بالطول والعرض من سكوتر وزلاجات وسيكل وكرات وبلاستيشن واتاري وفميلي وعرايس والعاب وتكسيرات واصابات واكشنات وتعويرة وعمليات وجت فترة صف ثاني تقريبا صرت مطوعة صغيرة البس نقاب وقفازات وحتى ابوي م اسلم عليه باليد وقتها نصحوني اعتدل وما منعوني اتحجب بالعكس اشترولي حجابات مو شيل علشان شكلي يكون ارتب والوانها مناسقة مع لبسي وعلموني االصح من الغلط وجت فترة كنت اوفر مع الكورة تخيلوا كانوا يسهروا معي علشان ما اجلس بروحي او امي تشوف النتيجة علشان تبشرني لم تقومني للمدرسة وابوي كل سنة يجدد الاشتراك تبع الجزيرة الرياضية سابقا مع العلم هو ما يتابع غير الدوري المحلي وجت فترة من مسابقة ثقافية ل2 يشركوني في المدرسة مثلا وع مستوى السلطنة وبرا فكانت امي تكافئني وتراجع معي المعلومات وابوي يشجعني بقوة ويرفع من قدراتي ويوفرولي الكتب وهيك اذا انقص درجة مصيبة وبسبب هالشيء مرة جبت درجة ما زينة في الرياضيات امي بكت من فوادها وشكل الاداريات والابلة لم تهزئني لان كنت مخرفة الاجابات سببلي عقدة يومها تمنيت تضربني بدل هيك انها تحس انها متفشلة قدامهن لدرجة من يومها اي اختبار ماث تجيني حمة من المحاتاة ودخلت الجامعة وهم لحقني الماث هههه ولعوزني يمكن هاذي من الامور السيئة بس بعد كل هالشيء وانهم يحاتوني وما حارمينا انا واخواتي لو ع حساب نفسهم طفولتي عشتها في ضغط رهيب وخوف من الفقد لان اشوف امي قدامي كل مرة تنتكس ومن عملية ل2 وسفرات لين ربي اخذ امانته بس احمد ربي الف مرة ان ربوني صح وما حرموني من شي ابدا ويبديونا عليهم وكونوا شخصيتي بطريقة تخلي كل احد يمتدح تربيتي وان شاء الله هم انا بربي اولادي ع الصح والغلط واحاول ما احرمهم لو ع حساب الضغط ع نفسي واعطيهم حرية اتخاذ القرار وما احرمهم من هوايات لو غريبة دام ما فيها شي غلط يدمرهم
الله يرحم امي ويحفظ لي ابوي..
واعرف لعيت وطولت

ما شاء الله عليك كل شيء تذكرينه وأيام جميله جدا رحمته الله على والدتك والله يعطيك الصحة والعافية

[عمووري]

للاسف ما اذكر شي ذاكرتي ضعيفة جدا

كثر من أكل اللوز مفيد جدا للذاكرة ان شاء الله تعالى

[عمووري]

طفولتي ما مخليه احد ما ضاربته واذكر ضربت خالي بالمقص فالظهر عشان جالس يطفربي وانا جالسه ارسم ههههه ....ومره ضربت بنت بالكرسي فالمدرسه واول ما جات المعلمه تدافع ضربتها بعد ...كنت واجد شقيه بس لول ما كبرتودخل عمري ١٨وتزوجن كلهن الي بالبيت صرت انا اشتغل فالبيت وصرت اطبخ بعد احسن عنهن والحمدلله الفضل يعود لي ماماه عي علمتني الطبخ والحين لو عصبت ادخل المطبخ واطبخ واستانس وانسا عصبيتي وتحجبت وانا صف ثلاث وصمت من صف ثالث وصليت من صف ثالث ....بس الحجاب بصراحه كان غصب عني هههههههههههه لانه ابوي مطوع هههههههههههه وانا صغيرونه الشيله اكبر مني احسها هههههههههههه ...وكنت واجد العب مع ولد خالتي وكنت كل ما ارجع لاعبه عنه لازم قبل اضربه كان صغيرون هو وانا اكبر منه ولما اضربه امي تضربني هههههههههههه عشان ضربت اصغر عني بس كانت تضربني ع ايدي عشان تقولي عيب احد يضرب اصغر منه وكنت اؤد عليها عيل انتي تضربيني الحين وانا اصغر منك هههههههههههه..... وبعد كنت اذا شفت جدي يصلح سيارته اجي من وراه وافزعه اول ما يفزع ينازعني يتم هههههههههههه...... وعاد كبرت وعقلت دخلت مرحلة الثانويه امي تقول رفعيلي راسي ودخلي مكان وكنت اقولها انتي مرفوع راسك بدون ما ادخل كليه او جامعه هههههههههههه اقنعها عشان انا ما احب دراسه كنت اول ما خلصت دخلت الجامعه وكله الفضل يعود لله ثم امي والله يقدرني ارجع لها كل الي سوته لي وعلنتني من الصح والخطأ وان شاء الله اولادي كذا بربيهم واللله يطول بعمر امي يا رب

ما شاء الله عليك شقيه كنتي أهم شي الايام الجميله كانت معك وليت الايام تعود لكن مستحيل الله يعطيك الصحة والعافية

[حامي الذمار]

كثر من أكل اللوز مفيد جدا للذاكرة ان شاء الله تعالى

تو عاد اكل لووز ههه

[حقوق الطبع]

طفولتنا لو عاشها ااطفال ليوم لقالوا عنها انها حياه قاسيه
ولكنها كانت ممتعه


اكثر شي اتذكره فطفولتي لما كنا نسوي مشاكل وكلهم يهربو واضرب انا وحدي مسكييننه هههههه

[عمووري]

ما شاء الله ..
الله يعطيكم الصحه والعافيه ..

[حنــان]

اذكر ان راعي الباص كان كل يوم يشتكي حال اهلي اني اتكلم واجد �� و امي تتنازع.
و اذكر مره كذبت ع صديقاتي أن بيتنا انسرق و مر ع السالفه يوم بس واليوم الثاني امي تقول حنان الناس يتحمدوا لنا بالسلامه عشان دخل حرامي بيتنا.. وانا منصعقه كيف وصلها الكلام و طبعا انضربت ضرررررب ما انساه ههههه وعاد من يومها ولين اليوم اكره الكذب والكذابين وما احب اكذب ..

أذكر صار موقف اني طحت و تعورت ف حاجبي و اخوي راح يخبر الجيران لأن اهلي فالدوام. . و اخذوني و كنت انزف كثير و خاطوا الجرح و لين الحين فيني علامه!
.
.
أذكر لما اهلي نسوا ياخذوني من المدرسه والباص راح عني و رجعت وحدي.. أمشي وانا صف الثالث..والبيت بعيد و طبعا طووول الطريق اصييييح بصراخ بعد هههههه ووقف رجال و قال تعالي بوصلك البيت وانا اقول ماريد انت بتختطفني. . و قام يتنازع وخفت و رحت والحمدلله وصلني لين باب البيت.. ويوم دخلت خبرت اهلي بس لما طلعوا ما حصلوه. . حتى ما قلتله شكرا. .

أذكر جدي كان يناديني عشان اقرأ قرآن و يصححلي النطق لأنه حافظ للقرآن. . الله يرحمه
.
.
كثير اشياء اذكرها. . ما بتكفي صفحه وحده