(( حِلُمَ يًرُتًجًيً أِلّتِحِقُقِ)) هَنَأٌڳِ نِلِتٌقٌيَ حّيٌثّ أَلَنٌجّوِمً

[حلم يرتجي التحقق]

مسيت بالخير والتقدير والحشمه
يالي معاك الغلا رفع شانه

ايه اصطفاك الغلا غصبن على خشمه
وان ما اصطفاك الغلا ما للغلا خانه

[حلم يرتجي التحقق]

اليوم هو يوم أليم بالنسبة لي مع انني مسروره

كيف ذلك ؟؟

أنا أقول كيف
اولا : مسروره لان المدرسه بتبدي وانا كثييير متحمسه لها

ثانيا : لاني اليوم آخر يوم اتواجد بالسبله رح افارقها لمدة سنه أو ثمان شهور
المهم
رح اشتاااق السبله كثير
لاني بنخرط في موجة المذاكرة وكذا
وأريد اصب كل اهتمامي في دراستي
لذلك أرجو ثم أرجو ثم أرجو
من كل شخص زعلان أو ماخذ ع خاطرة
او حصل تتش بسيط بدون ما ادري
أتمنى أنه يسامحني
وانا والله اني أحب السبلة واااجد
وقيمتها كبيرة عندي
صحيح قبل كنت انقطع عنها بس والله لظروف معينه
وكل ما ارجع لها من بعد غياب احس بفرح كبير
هنا مولد أحلامي في السبله
هنا الكثير من قام بتعليكي أسس كتابه الشعر وتعلمت كتابه الخواطر
وتتطورت موهبتي
ووالله لولا الله ثم السبلة العمانيه
لما كنت اجيد ولو القليل في فن نظم الشعر
أحب أشكر كل شخص أسعدني بالسبلة ولو بكلمة ولو بحرف واحد
واتمنى بعد أني كنت عضوة مسلية ما ممله هههع
وادعوا لي بالتوفيق ولجميع طلاب الدبلوم لهذي السنة


وانا ادعو الله أن يوفقك كل من يقرأ رسالتي ويدعوا لي ولإخواني بالتوفيق والنجاح والتفوق

سأعود بعد إكمال مسيرتي
إلى ذلك اللحين
أستودعكم الله
الذي لا تضيع ودائعه


حلم يرتجي التحقق

[حلم يرتجي التحقق]

أأأبا احكي قصة الدوااام الي مجنن بالطلاب

أولا لازم كل يوم نقوم الصباح ونتجهز
ونروح ننتظر الحافلة

الموهيم
نروح المدعسه
لااازم يوقفونا فهذاك الطابور السريف
وغصصب نسمع الاذاعه
لكن تعرفوا متى يكون الطابور حلو والاذاعة ممتعة وكل شي فالطابور قمييل
لما استاذه الرياضيات تاخذنا نختبر فالططابوور
انزين وبعدين نرووح الصف
نتعلم خخ

المهم ننتظر الفسحة بفااارغ الصبر
والعلة اذا الاستاذه ما طلعتنا الفسحة بسرعه وجلست تشرح شي
المهم اذاك الي تشرحة في وقتت الفسحة ترى متبخر اصلا ما يدخل المخ من اساس
انزين ولما تجي حصه احتياط
الله الله هناك الفله ع اصول
ينقلب الصف سامري وجلسات وناسة


انزين
وبعدين نرجع البيت واونه عاد نذاكر

المهم
وكذا يستمر الروتين
ويعني كان هذا روتين السنوات الفايته
يعني لعب وهبال وكذا
لكن اللحين بدا الجد

ويلا عسى خييير يارب

دعوااتكم

يلااا نلتقي على خير يا مدونتي
والناس الطيبة الي تزور مدونتي
لكم خالص احترامي وتقديري
وهذي ورده حالكم

[حلم يرتجي التحقق]

اهلا بالمدونه الجميلة

[حلم يرتجي التحقق]

https://youtu.be/94NC__pDT8w

[حلم يرتجي التحقق]

https://youtu.be/-ygvB6S9hu0

[حلم يرتجي التحقق]

[حلم يرتجي التحقق]

♥اٍّلَّزَهّْرًّاٍّء♥

[حلم يرتجي التحقق]

كان زمان واللحين
خسرت شي لا يمكن تطوله

[حلم يرتجي التحقق]

مشاركة استاذ رايق البال في سبلة الشعر والخواطر المنقولة
قصيدة رائعة بجد ع الجرح والله


ما طاح دمع الحنين الاّ على الدفتر
ياغلطة الحبر ياكثري على أحزاني
ضاقت بي الأرض وش باقي بعد أكثر
الاّ يضيق الكلام اللي على لساني
قدام عيني اشوف الحلم يتكسر
والخوف طير(ن) يغرد من على اغصاني
من طال ليل الرحيل وغربة المهجر
أيقنت ان الحزن لون(ن) من الواني
ياسكّة الفرح مرّيتي تعبت أنطر
كل شي أحبّه اشوفه راح ماجاني
ماكل درب (ن) مشيته كنت به مبصر
لو تبصر العين مافرحي تعداني
علمني الحزن كم ياخذ ولا يشكر
وعلمته شلون لامن ضاق يلقاني
من وقف العمر دون الضحك مستنكر
ومن علّق الهم صوره فوق جدراني
لو استر الجرح من نزفه بدا يضهر
واجرحك اللي كسرني قبل عدواني
مو رافض تغيب بس عطني وعد واصبر
انك اذا غبت ماياخذك نسياني
محتاج ( كسرة وصل ) والوقت مستكثر
شفت احتياجي لقلبك وين وداني؟!!
متى تحن الليال وترعد وتمطر
طولت ماسالت من الشوق ودياني
في كل دقيقه احس ان العمر يقصر
انا كبرت بغيابك كثر ماعاني
خذني على قد قلبي وانت ماتخسر
والمس جروحي ولو من باب حرماني
ارجع ابسألك عن حاجه اذا تقدر
ماشفت لك قلب(ن) هنيّا وخلاني.!
مازلت ساكت عشان استوعب المنظر
مو كنت ويّاي؟ ليه اليوم وحداني.!؟
بالأمس تجلس معي ونسولف ونسهر
واليوم حتى الحكي حسره على اذاني.!
يوم السوالف تزين بلكنتك اشعر
ان كلمه الحب مخلوقه على شاني.!!
سلمتني للغياب المر مستبشر
انّي مع الوقت انسى صدرك الحاني
من غبت هب الجفا والقلب متبعثر
كنّك فتحت «السما» وآآخذت جنحاني.!!
حاجه ابي منك والمحتاج مايعذر.؟!
انا بحاجه عمر / عندك عمر ثاني؟!