^-^ شعورٌ يلامس نبضي °~° ®

[Raba]

على كثر الهموم الي تكدر خاطري كل يوم ابضحك لك لانك غالي يا الغالي

[Raba]

لا أعلم كيف تقضي الشتاء مغلفًا بالثلج
ولكن اعلم انك تبذل قصارى جهدك
في النسيان .....

[Raba]

الجدال مع إمراة يشبه قراءة اتفاقية ترخيص برمجيات ففي النهاية تتجاهل كل"المضمون"
وتوافق على جميع البنود!


-ستيف جوبز

[Raba]

اليوم سمعت خبريه وترتني وسبحان الله زميل وصديق الغربة فاروق استرالي الجنسية اصله أفغاني أتصل علي يسأل عن احوالي وكيف الدراسة والاستعداد للمرحلة الاخيرة من منهاج الدراسة وهكذا سولفنا بعد ذلك قلت له خائفه من أخبار معينه وان بسافر بعد بكرة عاد هو جاء عندي قابلني مع صحباتي في كراسي مطاعم الجامعة السفلية مسكين وجلس يفهمني وعطاني لسته تنبيهات وقال لو صار اي شيء خبرني حتى برسالة بخلي أصدقائي يجون لك .. طيبين الافغانين والمسلمين بالفعل نواياهم طيبة وتعاملهم جميل

[Raba]

امممم بعض البشر ما أدري كيف يفكر تفكيره مش من صالحه وغلط بس هو يفكر انه صح ،،، كل إنسان لازم يحط لنفسه حدود ما يتعداها لان بالفعل الكل يملك قلب ومشاعر والكل عنده لسان ويتكلم ،،، أكره أنصح أحد واقوله أهتم بنفسك وبسمعتك ويرد إلي يبي يقولوه الناس يقولوه ما هامني أحد بس عذرا منك ليه نعطي الناس فرصه تتكلم علينا ليه ما نسكتهم أصلا بأخلاقنا وانجازاتنا ،،، جميل في تعاملنا مع الغير نفكر في سمعتنا وفي أهالينا اللي وثقوا كل الثقة فينا والأجمل نفكر في مستقبلنا ونهتم فيه أكثر من تفاهات الحياة إلي ما تنفعنا ويضيع علينا الوقت في التراهات لان نحن محاسبين على وقتنا أمام الله

[Raba]

صارلي موقف جميل امس بتوقيتنا ... طلعت ع الترام ماشيه ع الستي وطبعا أحب أجلس قريب الباب ع الكراسي العرضية مو الطوليه ف الكراسي الي جنبي طوليه كل كرسين متقابلين وكانت هناك بنت صغيرة جالس مقابل صديقة أمها ولما شافت الناس تصعد راحت اخذت اغراضها وجلست بجانب صديقة امها عشان تحطي سبيس للي يبي يقعد وما لاقي مكان ،،، بس ما أحد جلس ،،، المهم ابتسم لها في بادي الأمر لان تصرفها مؤدب وملتزمه بقوانين الترام ،، المهم كايل تقول حج البنت بون جور وتريد تخبرها المعنى بس ما عارفه فالبنت الصغيره تقول معناها هلا فترد عليها لا كايل ان مش معناها كذا والبنت الصغيرة مصره ع المعنى قالت لها كايل ترا انا فرنسية أعرف لغتي هههه معناها شي اخر ألتفت لهم قلت لها معناها جود مورننج بالانجلش شافت علي كايل مصدومة تقولي شو عدت لهل قالت تتكلمي فرنسي قلت بس كلمات حافظه فجلسنا نسولف مع بعض وسالتني من وين وشو لغتي خبرتها اني عربية طلعت حتى هي تعرف عربي ( حبيبي ، حبوبه ، ما شاء الله،إن شاء الله، أختي، صباح الخير) طلع خطيب ام البنوته عربي وكايل عندها أصدقاء عرب في فرنسا وطلعت تتكلم 4 لغات ( داش ، المانية، فرنسية ، انجليزية) وطلبت حجي الفيس بوك وكان حلو اتعرف عليها تناقشنا كثير حبيتها طيبة صارلها في ملبورن 4 اشهر بس وودها لو تدرس هنا عشان تجلس أكثر

[Raba]

اممم امس وصلت من برزبن كانت رحلة جميلة اهم شيء رحنا اكبو حديقة كهربائية في استراليا في الجولد كوست ولعبت افضل لعبة عندي قطار الموت كان بايخ مره عبالي انه يخوف بس طلع يضحك ما شفت واجد الالعاب خطيرة بصراحة ما شيء ما جربته اخر شيء رحت امسك الكناغر وصورت معهم مره شيء جميل وكذلك مسكت النمر بس كان صغير كيوت ... صح كنا اخذنا سيكل عشان نداور فيه بالستي وعندنا وحده ما تعرف تسوق ونحن نعلم فيها والناس يجوا يعلموها فشلتنا بس متعه يقولوا لها يلا جيرلز يو كان دو ات اكسلنت ويصفقوا لها المهم اخر شيء بعدين طاحت واجت العالم علينا يساعدونا ... ومره جالسين جاء شخص يعتذر من معاملة للاسترالين لنا لانه هو يعرف ان بعض معاملاتهم لنا عنصرية ويعتذر نيابه عن افراد وطنه بس كان كيوت والحمدلله ما أحد اذانا بس هو مره جميل رحيم ربي يثبته ع الحق ويصير مسلم وخلاص انتهت رحلتي صح مرة مشينا 6 كيلو تقريبا وزيادة وركبنا الطراد بس ما قصرنا جينا ننام صحينا متكسرين ههههه

[Raba]

يحزنني حقا ان تكون مشاعري في للامباله ،، وإن تكون على وطئت الذل ،، صعب جدا ان تبتسم وقلبك يشحنه الحزن ،،حينها ابتسامتك الباهته تفضحك ،، او ربما تشمت بها اعدائك ،، الاغرب من ذلك والمؤلم فعلاً ان يكون مصدر الحزن هو قريب لك ،، تختنق مع كل ابتسامة باهته لانك تريده ولا تجده ،،تختنق حتى الموت الداخلي البطيء يصبح سريعا ليقتلك ويقتل مشاعرك ،، وتبقى مقيد بآمال لا وجود لنبضها وليست مثبتة ،، عندما ستكون على أرض مهزوزه تبني طموح الغد ستقع قبل ان تصل فالهزه تلو الهزه تضعفك تقتات من انفاسك توصلك إلى حيث الفناء المؤبد ،، حيث لا معنى لكل من حبك نبضك او مشاعرك ،،





ضي الشمس

[Raba]

بقولكم سالفة تضحك صارت لي هالأسبوعين وانا نازله ارمي الزبالة من شقتي في مقر رمي الزبالات في الدور الأرضي وطبعا لان المبنى طوابق فانا ونازله من الدرج سمعت احد جاي وكانه جالس يغني المهم الولد تحمس بزياده وما مركز فانا بنزل وهو يصعد جيت في وجه ومن الحماس الي في الاغنية جالس يقول احبك بصوت عالي والصدفة ما قالها الا في وجهي عاد مسحت جبهته الارض انا بضحك عاد من التصرف نزلت راسي المهم نزلت درجة كاني ما سمعت شيء واشوف الولد من الفشلة يركض وعاد واصل شقته ههههه رحمته لقى جبهته في شقته ههههه الحمدلله صارلي هالموقف هنا ولا فعمان ولا بتفشل عدل

[Raba]

27/2 من هالسنة كان يوم السبت هذا يوم مميز لأني انولدت بيه بس كان يوم محزن كنت اتصنع الإبتسامة وأقول يا أنا يا الدمع حاولت اتغلب على دموعي ما قدرت قررت أروح الحديقة أشوف الاطفال يلعبون يمكن ارتاح بشوفتهم بس هذا فعلا كان مريح وكان مدمع لا جديد طبعا ما رحت ولا سويت حاجه اتصلوا علي ان بنت تبي تروح العيادة فرحت اخذتها ثم بعدين اتصلت بنت تبيني اشرح لها مادة وعندها اختبار فجلست اذاكر لها لحد الليل استلم من بعض الناس هدايا بس كنت الي ابيه مجرد ظرف فيه كلمات لي وتهنئه لان جد ما فارقه معي الهدايا ،،، جد حزنت لان الأشياء ذي ما وجدتهم بس عادي في اخر لحظة امي اتصلت تباركلي وانغلق الخط ما تكلمنا حيل بليل بابا اتصل علي صارلي شهر ما سمعانه صوتك كان اتصال شيء كنت احتاجه فعلا كلمني صوته متغير جالسه انكت عليه اقوله اعترف من انت صوتك ما يشبه صوت ابوي ههههه قال حتى شكلي بيصدمك متغير ببند واتصل فيديو تأكدي عاد انا ابوك او لا بس صدق صاير شكله مصري تكلمت معه وارتحت وقبل لا يسكر جلس كالعادة يغنيلي ليوم ميلادي أغنية مال الصغيرين بس مقبولة ههههه ،،، بعد سأل أمي تبي تكلمين ضونتي قالت له بعدين اكلمها بينا موضوع ضحك قال بعد عندكن اسرار الام وبنتها اندمر العالم ههههه يحب يطفر بأمي الوالد الله يحفظه وجعلني له فخر يا رب وأمي