سججل حضوركـ بـ " بيتـ شعري " على ذوقكـ :/

[زهرة الأحلام]

.
.



الا انــــت خلك معي ولاتجافينــــــي
وغيرك يروح وياعله ما يجي ثانـــــــــي
لاصرت مني قريب وما تخليني
ما همني من هجر قلبي وخلاني
فدوه عيونك عيون الناس وسنيني
وش لي بعمـــــــــــري اذا قلبـ ـ ـ ــــــك تعدانـــــــــــــــي .....

[الدمعة الحائرة]

الله خلقنا ألوان وأوزان وأشكال
مثل المعادن لكن نفوس وعقول


اللي يشيل بعينه الناس ينشال
واللي عيونه تجهـل الناس مجهـول"

[حسينية]

باعيش وأموت وظروفي مدبرها
وأروح وأجي وحزني في سراجيفي

لابد ما اودع الدنيا وأغادرها
وأغلى المحبين ينسى من سواليفي

[حمد نجد]

يقولون العرب ان الذي سافر لزوم يعود
وانا سافرت بعيونك ولا ادري متى راجع

[يَاسَمِين]

فرصه ..

وكانت للأسف مو سعيده ،

فرصه ..

وإلين اليوم باقي أسفها !

لو الزمن : يرجع وعمري أعيده ، بعض البشر ياليتني .. ماعرفها !"

[يَاسَمِين]

•
•
•
اللي يحاول بس يكسر جناحك
لا ترده له بالمثل بتكون شينه
.
تدري شلون بتقهره ؟ في نجاحك
انجح .. عشان تشوف ذلهّ بعينه
•
•
حمد البريدي

[يَاسَمِين]

•
•
•
وقفت .. اناظر فـ الوفا واتحراه
ويقول لي : لا يخيب بالوقت ظنّك
.
من غاب عنّك .. لا تحاول ترجاه
لو كان يحبك صدق .. ما غاب عنّك
•
•
حمد البريدي

[يَاسَمِين]

•
•
•
خليت دنيا الخلق لـ الخلق وايقنت
انك ( وطن ) واني من الوقت لاجي
.
ترى ما احب احتاج للناس بس انت
لي الشرف انك تكون احتياجي
•
•
حمد البريدي

[يَاسَمِين]

•
•
•
ابتسمت بوجهك وقلت الوداع
وقتها ما كنت ضآمَن رجعتي
.
صح انـا قدامك القلب الشجاع
بس لا صديت طاحت دمعتي
•
•
حمد البريدي

[يَاسَمِين]

مهوب محزني .. على حاجةٍ فيك
إلا إن قلبي شايف ٍ بك غناته
.
كن الطيوف تقول وشحال غاليك
وآقول راح .. وما بقى الا غلاته

حمد البريدي