نبض الإحساس .. سجّل احساسك في هذه اللحظه

[الشيخه الفلانيه]

يا ذكيٍ ] .. في جُروحك ما يفيدك هـالذكــاء
إنتَ شاطر! بس قلبي يُعْتَبَر فلته خطير


شاعرٍ ما ضاق صدري إلا في وقت { الرثــاء
يعني ( حُبك ) ما يهمني لأن فيــه غيرك كثير


جيتني مِشتَك / وقّــف ثُم إخِـذ خطوَه لـِوراء
لا تجي جنبي ،، وتزلِقْ في خفوقي يا صغير


اللي بك ماهو > شطارهـ < اللي بك هذا بلاء
من غروركـ تحســــبْ إنهـ القمـــــر منّك يغير


ما تشابهني بشيٍء وبيننا خــط إستواء
أنا أمشي في رزانـــه ..} وإنتَ بخبــآلٍ تطير


( قلبي ) متعلّق في بابه لوحةٍ فيها رجاء
[ يمنع دخول الحبـــايب اللي ما فيهم ضمير ]


وإنت ما عندك ضمير .. وحتى ما عندك ولاء
واللي مثلك والله يمكن في جهنم له مصير


بـــارعٍ أتقنت دورك .. يُوم مثَّلت ..{ الوفـــــاء
وللخيانه لو طلــــــــع موطن أكيد إنت الأمير


من خطا واجب يُحاسَب .. ومن عدل ياخذ جزاء
وإنت مخطي بحق نفسك وجداً حسابك عسير


كنت لي شمسي , وقلبي إشتاق لنجوم المساء
يعني مشهد - في حياتي وإنتهى الفصل الأخير ..!

[الشيخه الفلانيه]

عنك أبتعد ..
وتردني ذكرياتي .. !
اليا متى والذاكرة
تحتفظ فيك ..!؟


ناصر حطاب الدهمشي

[الشيخه الفلانيه]

وقتك معي أصبح رهينة ظروفك ,
الله يسامح لي غيابك : كسرني !

شفني على حد الأماني أشوفك ,
مقْدر أطولك بس أبيك | اتْعذرني !

كل شي عندي سهل إلّا : أعوفك !
ياللي مُجرد وصلِ منّك جبرني ,

[ضحكـ وداع ــة]

كل شي في يدّي ولكن كل شيٍ ما اكتمل
مادامني في موطني لازلت نقطة للخلاف

أبغى أسافر لآخر حدود المتاهه والثمل
يمكن تلاقي طفلة أحلامي لواقعها اختلاف.!

[ضحكـ وداع ــة]

ليه غابوا ؟
ما دروا إنّا تعبنا ؟
ما دروا أن الدموع اللي تبكينا بكتنا ،
و السوالف و الحكايا كلها راحت جفتنا ،
يحسبوُن البُعد راحة ؟
لا وربي ما استرحنا ~

[الشيخه الفلانيه]

الدمع والذكرى ، ورجوى المقابيل
............... ونفس الرصيف / الي يلملم كياني .. !


اخذت لـ احلام الاماني معاميل
............... وقندت عبث الملهمه ، بالاغانـي


احاول انسى مامضى لكن الليل
............... ينده جبين الذكريات / وعصاني


نفحة تعب ، هدت مع حملي الحيل
............... ودروب شوك / ولا لقيت المكاني


ارخيت لـ خطام اللقا ، والمواصيل
............... وغرتني الايام ، ثم جيت عاني


قالوا مفارق / قلت فرقا الهوى ويل
............... قالوا تحب ، وقلت هـ الحب ثاني


انا عسفت الذاهبه ، لكن الميل
............... كتف يديني دون ماعرف وكاني


اجمع بقايا أنسان / في بعثرة سيل
............... واحاول اوقف غصب لوي اعاني


الحظ / والدنيا / وسود الغرابيل
............... صارت جماعه وجاد معها زماني


يالملهمه / شوفي يديني محابيل
............... وهذه الشوائب دون كل الاماني


اعاتب ايام الرخا ، والمراسيل
............... واعاتب اللي كان وسط المحاني


ماكنت غير انسان حلمه بتقبيل
............... فم الفرح ، واثر الفرح ماغشاني


رجعت وعيون الموادع هماليل
............... يم الرصيف الي حظنت وعطاني

[الشيخه الفلانيه]

مل صدر الكتابه / والقلم . والشعور
............... وضاق حلم الوسيع / وزاد حمل الجمل .. !


وطال ليل / المواجع / والغثا والدبور
............... ومال غصن اليباس ، ومات ورد الحقل



ياقديم العطايا / وش بقى بالصدور
............... وكل عرقً سكنته / بالحشا اضحمل



يالمعزب ترانا ، في حساب النفور
............... جيت طرقي مشاعر / رحت راعي محل


شدو البدو / لكن فالمرابع جذور
............... ولو تموت الخواطر / شامخه كالنخل


ليت حمل الليالي حملها مايجور
............... وش بقى للعزايم / فوق ظهر الفحل


طارت اسراب / حلمي واستحشت الطيور
............... ليت بعض النوارس للمواني تفل


نعرة الطيب فيني / وانت فيك القصور
............... لين شرهة عتابي / سار فيها الزمل


والله اني عطيتك يابعيد الشبور
............... قلب ابيض دفنته في يدين الجهل


ياكريم الخناجر / استبحت النحور
............... والله انك صعيب وكنت احسبك سهل


جيت كلي مشاعر / صدق قلبي غيور
............... اعتريت العدامه / فوق راس الجبل


ماذخرتك طريقً ينتهيبي فتور
............... لكن الجوع منك ماترك لي عمل


ياطريق التمني / وش بقى للسفور
............... وش بقى للخواطر والغلا والامل


ليتك الي رحلت ولا جمعت الكسور
............... وليتك الي عزفت / ولا جمعت الشمل

اقتحمت الاجابه في عيون الصبور
............... لين بحت الكنينه / ومابقى لك تحل


كل لغزً دفنته في طروش العبور
............... وكل خاطر كسرته ياقوي الحمل


لكن الوقت داير والليالي تدور
............... وكل انسان يعرف وش خسر وش حصل


تزهر يدين حلمي / والنوايا زهور
............... رغم نفحة شتاتك / رغم كل الزعل


وكل حلقً غلبه الصمت ماهو جهور
............... لازم يفج صوته بالصحيح ويـدل


كل شمسً تغُيب لازم يطل نور
............... يفضح الغيم لامن قد كساها عذل


وخل هرج العواذل ينفعك بالظهور
............... لاتسمر وجودك بين ظلم وجدل

[الشيخه الفلانيه]

تجيــن ..
ويرجف الماء .. ينسكب بوكيه ورد .!
وتشهقين ..
واتبلل بـِ ارتباكك ..
مدري خوفك ..
مدري إستحياء متخبي فـ شوفك ..
لا تلمين الندى تبـرد كفوفك ..
اترُكـي ..
كل شي مثل ما هو عليه ..
ما حصل الا الحنين .!
وكلها
[ بوكيـه ماء ] ..!
انسكب ./ شفتـه على ثوبي تشكل ياسمين ..

اجلسي ..
خليني اطلب لك شوية أوكسجين ..
وكاس ماء ..
طمنـي كلك ./ وخوفك ، ما حصل إلا الحنين ..

إلا قولـي :
قبل مـ انسى ./ كل هذا الليل في رقة جفونك ..
وش بغيتـي تشربين ؟!
( قهوة مثل اللـي فـ عيونك )
والا نتقهوى عيونك فـ الحديث اللي بـِ يجي ..

اجلسـي ..
هـ الكرسي من اول حزين ./ وحيل فارغ .!

- سيدي النادل ..
هات لـي بعض الهدوء .. وكيك / تين
- كيكتين ؟!
- لا يا عمـي كيك / تين .!

و ارجع اتأمل سكونك ..
وكنتِ انتِ تضحكين ..
آآآآهـ ./ يا حلوك عليها ..
قلتـي : وش هـي ؟!
قلت لك :
هـ الضحكة اللـي كنتِ فيها ./ تورقين

اذكر ان الليل ./ هيل
والتثاؤب ..
كان يدبي في ملامح نادل المقهى الكئيب ..
وكنا حنا اغلب الاكثر نناظر ./ ساكتين ..

و ما سمعتك .. قلتـي ويش ؟!
قلتي : بمشـي .!
قلت : ليش ؟
قلتي :
صرنا بعد ليل ولازم احكي .. لـ اجمل احلامي عليك .!
طب و رمشـي .!
خلـي فـي كونه ./ عيونك ..
قلتي : بس .!
الله يخليـك لـ عيوني ..
ورحتـي تمشي ..
ورحتـي تمشي ..
ورحتي تمشي ..
ورحتي تمشي ..
لين ما غبتـي فـ عيوني ..
وما سألتك نلتقـي بعدين ./ وين ؟!

,

[ضحكـ وداع ــة]

عندما تعتادُ على محادثةِ شخصٍ كل يوم .. سيكون من المؤلم ان يتركك يوما ما ..

سيجتاحُ صدرك فراغٌ كبير ..








فراغٌ مؤلم جدا !

[الشيخه الفلانيه]

تباطيت الأمل .. والياس فيني من بطاه .. عروق ..
.............. تشِتتْ كل ..( نقطة نور ) .. تسري في شراييني


نزحت أبكي على أطلال الوصال .. وحلمي المسروق ..
.............. وبكتني ذكريات القرب .. والضحكات وسنيني


رجعت بجعبتي هم ودموع .. ولوعة ٍ .. وحروق ..
.............. وحظ ٍ منكسر .. من كثر ماقد طاح ف إيديني


شبيه الشمس .. دام إنّ الزمن ياغايتي .. ملحوق ..
.............. أبصبر .. والعزا طيف ٍ.. مقرّه في وسط عيني


يمين الله .. ما زاحم مكانك بالحشا .. مخلوق ..
.............. لحالك .. مستبيح القلب .. تذبحني وتحييني


تسلطـنـتْ بحنايا الروح .. وشرّعت الخضـوع طروق ..
.............. رغم طول المسافة .. كـنـّك بجنبي .. تباريني


وفيتْ لحبك الطاهر .. ولاّ خالفت فيه حقوق ..
.............. كأني في ( يراعك ) .. حرف .. تكتبني وتمحيني


تطـمّـن يانظر عيني ..معك .. لين الزمان يروق ..
.............. مسير العشق .. يجتاح الفراق وغصب .. يدنِـيني


أنا لكْ .. رغم كل آهات بعدي .. والعنا والعوق ..
.............. ومدامك داخل ضلوع الغلا - من جد- تكفيني