سججل حضوركـ بـ " بيتـ شعري " على ذوقكـ :/

[يَاسَمِين]

‏كم فقدت أصحاب كانوا لي غذا
وكم فقدت احباب كانوا اكسجين

حتـى أنا وانتــه ... بنلحقهـم لذا
لا تواساني - أنا ماني حزين

حمود بن وهقه

[يَاسَمِين]

‏شف لك وطن غيره
قلبي ، وطن منهار !

خلف المــدى ديـره
وبعد العجاج أمطار

ما قلت لك - خيره
لمّا .. تركــت الدار ؟

حمود بن وهقه

[يَاسَمِين]

‏يا راسي المُثقل بكثر همومي
بعض الليالي ما اتهنّى فيها !

والذكريات اللي تأرق نــومي
ودّي أدشّ بمخّي وأمحيها !

حمود بن وهقه

[يَاسَمِين]

‏جيتني والقلب ما حوله أحد
روح لا تبقى لحدّ الصبح ، روح

انت قدرك جرح ما يبرى أبد
مستحيـل تكون ضمّادة جروح !

حمود بن وهقه

[يَاسَمِين]

‏لا تتركيني ....... قالها من فواده
قالـت وهي تبكي : تنسّيك الأيام !

هذي النهاية ولا شْعروا بالسعادة
لنّ النهايات السعيدة في الأفلام !

حمود بن وهقه

[يَاسَمِين]

‏أنا الوحيد
اللي فهم ليلك
من غير ما
تعزف مواويلك
محدٍ قدر
يستوعب نجومك
ولاحدٍ قدر
يستمطر غيومك
الا أنا
أنا الوحيد
اللي قرا ليلك !

[يَاسَمِين]

‏أعتذر جدّا ، إذا خيّبـت ظنّك
قلــت لك / فيــني أبــد لا تبتلي !

كل يوم يمرّ عندك أذكر إنّك :
انت عندي صحّ لكن مـ انت لي !

[يَاسَمِين]

‏كان ليلك / دليلك للمواجـــع وكنت
تستفزّ الجــروح بكرسي الانتظار

القطارات تمضي فـ المحطّة وإنت
لا تركت المحطّة ولا ركبت القطار !

[يَاسَمِين]

‏تشعر بضيق في صدرك وعندك أرق ؟
تلتفت .. كنّ فيه انســان يزقــــر عليك ؟

دمعك يسيل مثل الحبــر فوق الورق ؟
انت عاشق عسى الله يصلحك ويْهديك !

[يَاسَمِين]

‏بين مدح اللي عزومه ما تخيب /
وبين ذم اللي فعوله تفضحه ،

كان لك صاحب وبه نخوه وطيب /
ذمه بوجهه والى غاب امدحه

حمد البريدي