مُدّونةْ هاجْر

[هـاجْر.]

من اليأس و الارق و الاكتئاب اللي جالسة اعيشه، صايحة قبل شوية عشان الزورة مال النخلة🤌🏿🥲، مسوية ازعاج بقوة لانه البلاد اليوم واجد هواء و ريح و هي جالسة تتحرك ع دريشة غرفتي و تسوي صوت مزعج💔💔💔😭. سويت لي توتر حسبي الله بس تنتظر باكر اذام قلعت النخلة بكبرها🥲🤌🏿.<< داي الشجاع اوكك.


و من غير كذا من 11 و انا تعبانة و عاد بادية انام؛ و عاقة كل شيء وراي و مغمضة و بادية يعني خلاااص تقريباً عت واصلة مرحلة كأني هنا و كأني ما هنا!! فجأة اسمع صوت صفارات الشرطة!!!!!! ي ربي ي حبيبي شكلي احلم و سفهتها اول دقيقة لانه حقيقي وش ذاالخيال الاوفر.


دقايق احس الموضوع حقيقي بدأ يكبر و احس الصوت ف بيتنا ف الحوش🤌🏿🥲، و اسمع صوت اهلي مرتبشين!! قمت من النوم و انا انتفض يعني كانت بس ناقصة الشرطة😳🤌🏿😹.


داخلة غرفة امي و كلهم ع الدرايش، اقول لهم حقيقي ذا الصوت ولا انا من التعب اتوهم بس🤌🏿🥲😹!! بس طلع حقيقي في عرس ف الحارة اللي جنبنا، واتوقع جالسة تنظم السير بس تصرفهم غلط صفارات مرة وحدة مشغلين و نص الليل!!!!! م رحمت غير بو حارتنا و الحارات الغيرهن اتوقع كلهم انفجعوا، خصوصاً انه ع ساعة 11:30 و فوق يعني وقت نص الناس نيام🤌🏿🥲.


و ذا الصوت م عمري سمعته صوبنا الا وقت الحظر مال ساعة سبع ايام قبل العيد الكبير؛ ولا عمرهم مرة شغلوه، وتو عشان عرس و منهضين الحارة كلها، و مطيرين لنا بقلوبنا🤌🏿🥲.


و لا زالت ف مرحلة كأني هنا و كأني م هنا في النوم، ابا علاج يعيد هيكلة حياتي و يوقف الريح ولا تنقلع الزورة اللي مسوية ذي الربشة💔💔💔💔💔💔💔💔!

[هـاجْر.]

الايام الماضية جدول نومي كان بعد صلاة الفجر و كنت مقضتنه كله على مسلسلات🥲🤌🏿، اشوف اللي فايتني الايام الماضية<< امي انتي م معطية فرصة شيء يفوتش اصلاً😹🤌🏿.

بس حقيقي في افلام و مسلسلات يمدحوهن و تستوي عليهن ضجة و لما اتابعهن ابغى اتفل ع اللي مادحنهن🥲🥲💔.

بريدجرتون شديت حيلي و خلصته ف يوم و كله انتقد بس؛ لانه ع الضجة اللي استويت عليه تقييمي حاله صفر من عشرة، لا قصة ولا شيء كذا مصخ ع الفاضي بس🥲🤌🏿.

و كملت مسلسلي اللي من سنين بادية اشوفه when calls the heart، اموت فيه ذا المسلسل بادية اتابعه بعد ما خلصت Anne with an E بس مسلسل رايق و 6 مواسم و عادي يعني م تتابعه ب انتظام لانه مال روقان و كذا لازم تشرب معه قهوة و ساعة تبغى تشوفه، حقيقي جداً طولت الين اخلصه لانه معاملتنه معاملة المُنقذ و المُرّوق وقت ما احصل شيء اتابعه اروح اكمل ذا المسلسل، و حلوة قصته اللي يحب نظام الكلاسك و الدراما الهادية💕🤏🏿.

و تابعت شارلوك🤌🏿😹، ع الرغم م مودي ذي المسلسلات لانه خلاص مودي فيهن وقت تابعت بلاك لست🥲🤌🏿😹.

و تابعت على احدهم ان يموت💔🥲، ز* نفس بريدجرتون🤌🏿🥲.

و الافلام الكيوت اللي تابعتهم ذي الفترة و احس تنفع عائلية jungle و فتاة الكارغيل، ذلا ممتعات🤏🏿.

و الحين اريد ابدي ف النخبة بعد احد مادح لي اياه و احس بسحب عليه من تو🤌🏿😹.<< ماشي غصب حبيبتي هاجر😘🤌🏿.

[هـاجْر.]

و ما انسى مسلسلاتي التركية اللي اتبعهن اللي الحلقة 15 و اكنسلهن🤌🏿😹.

الحين راجعة ح مسلسل ابنة السفير جالسة اكمله و مرة سحبت عليه🌚🤏🏿.<< محد يأمن فيني😹🥲.

و الحين اتابع مسلسل جانبي الايسر بعد باقي حلقتين و اسحب عليه ان شاء الله، و بديت ف طيف اسطنبول و سحبته عليه.<< و ازعل ليش علاقتي ف الناس تنتهي بالمرة، و الله من سحباتي المفاجأة😹😹😹😭.

و لو على ذا المسلسلات و المصخ، مستقبله كم طلبية تطريز كان ابرك لي و الله🤌🏿🥲.<<و الباد مود ويش نسوي به💔.

هو عسى ارجع للتطويز لانه كم شخص طالب مني و باغي لوحات بس كنت اقول لهم دراسة و انا من الاساس خلاص مليت و ما فيني بارض🤌🏿🥲.<< ولا ترى ما حاشرتنها ف الدراسة.

للعلم قتلوني اذا كتبت هنا مشتاقة نرجع ندرس🙂🤏🏿.

الاونلاين معقدني خلاص، فوق ما متعقدة اول من التقنية تو زاد ب الاونلاين🤌🏿🥲.

و حسبي الله ي رب، ما قادرة استوعب فكرة انه مرة انعيد، نفس السيناريو💔💔💔💔💔.

[هـاجْر.]

+ حقيقي جداً منرفزتني ذي الحركة، خلاص احس لازم تنقرض خصوصاً للاشخاص البسيطين مثلنا، المشاهير عادي متعودين😔😹.

بس انا ك انسانة ف عندي فوق 200 رقم ف تلفوني و ع كل هدية من مجهول لازم اسوي ف حالة الواتس اللي اكرهها عشان اعرف من المحترم اللي هداني اياها🤌🏿😹!! هو المفروض دام مسوي ذي الخطة مال لازم نعرفه من؛ بس يدقك فضول.

و طبيعتنا لانه م مشاهير لازم نعرف و نرد هدية حتى لو الشخص ما يستاهل🤌🏿😹.<<< بموتتت، ويش باية تو انا😭😭💔!!

و بس اللي يبغى يهديني المرة الجاية يجيبها بيتنا بنفسه م اروح استلم من دكاكين و انا م عارفة من عند من🤌🏿🥲.<< اتوقع اخر هدية استلمها ف حياتي ع ذي الشحطة😭😭😹.

بس زودتوها مجهول و مجهول، هو حقيقي مجهول بس ف الصوب الثاني ينتظر شكر و ردة فعل، لاتسوي عمرك مجهول انزين🤌🏿😹.

[هـاجْر.]

2/2 يوم ميلادي اخاف ع ذا الكلام ولا هدية توصلني😔😹😹🤌🏿.

المهم مزكمة، اتوقع هو ثلاث ارباع عمان مزكمين🥲.

و علاجنا ف الزكمة برتقال و كيوي، حقيقي جربوه و اتصحوا بعد شهر😭😹.

امزح، بس حلو و تعودنا عليه و نحس نفسنا اوكك🥲👏🏿.

و لو انه استكاود البرتقال جداً، يعني احس لازم اصلي استخارة قبل لا اكله!! و السبب مجهول😳😹.<< احب الوضوح للاسف🤡.

+ تجيني حالات انه انسى انا ويش كنت اسوي في الايام الماضية🥲💔!! و وين كنت و من انا! خصوصاً ذي الفترة، هو كله نايمة بس ما الين ذي الدرجة عاد، باية استخدم عقلي بس ما فيني بارض🥲🤌🏿.<< ي ربي ويش ذي الحياة الصعبة اللي تعيشيها😹😭.

[هـاجْر.]

واضح انه مستكاودة اكله من التصوير، ولا احد يصور صحن برتقال🤌🏿😹😹😹😹!<< انا🤡.

[هـاجْر.]

فتح جروح قديمة🤌🏿🥲💔💔💔💔💔.

احسه من الملل و انه جالس ف البيت و م يطلع، جالس يدور مواضيع قديمة و من رأسه😹🤌🏿.

و احس اذا طول على ذي الجلسة بيوصل وزنه طنّ، رجله للمرة الثانية تنكسر و محد يتوب🤌🏿🥲.

و امي مدلعتنه شوية و ايذبحوا له شاه عمانية، ترى الا رجله منكسرة م مربية🤌🏿😹.

و بس مسوي لنا جو هو عكازه😹🥲.

[هـاجْر.]

الحياة كل ما شافتني بادية اتأقلم ع موضوع معين، تجيب لي مفاجأت جديدة🤌🏿🥲.

و التقنيات تو وعين ع الموضوع ف اخر لحظة🤌🏿🥲، ابوي اذا خايفين ع الوقت شلوا اجازتنا مال الصيف، حلال عليكم بس كذا لااااااا🥲🤌🏿🤌🏿🤌🏿🤌🏿.

خلال نص ساعة الف قرار ينزل😳🤌🏿😹!!




و ذا الوحش جاي يبشرني انه بتأخر فصل زيادة الين اتخرج😹🤌🏿، ي ربي ي حبيبي، قايمة اناممم، و يمكن عاد م انهض😘😹<< مالها اسير الاحزان😹🤌🏿!!

[هـاجْر.]

تم تفعيل الخدمة🤌🏿😹.

اخر مرة راسلتني ف اخر يوم امتحان لنا، و تو من قالوا نبدأ دراسة رسلت 😹😔💕.

حقيقي زملاء الدراسة كيوت و يضحكوا😹💕💕💕💕.

[هـاجْر.]

و النموذج الثاني من زملاء الدراسة اللي صدق صدق كيوت و ما ينسيوا العشرة الحلوة🥲💕💕.





صح معصبة من فكرة هدية مجهول هو م مجهول؛ بس ف النهاية واجب نمدح و نشكر😹💕💕🤝.