حكايااووصاايا♡

[سراب الورد]

جمييل جدا اسلووبك ف الطرح
هكذا المواضيع الي احبها..

سراب ^_~

تشكري ع الطرح ...

[،إستثنائي،]

طرح جميل ومتميز


كنت هنــــــــــــــــا

[ندى***]

أم انه موضوع شي صراحة و اسلوب رائع


بنتظرك حبووووه موزة/مواز

[مفتر رآسيَ !]

عورني حلجيْ يوم تميت اقرأ ><

[سراب سنين]

مشكوورين ولادي ع المرور

[سراب سنين]

السلام عليكم ,,مو علومكم عيالي؟


اليوم عاد بخبركم السالفة اللي استوت معي انا وشيبتي يوم رحنا البحر..


الله يعافيكم ذاك اليوم خلفان عوين فيه ضيق باغي يطلع ,,وعاد جمووع ما قصّر قال بشلنا معه البحر,,هو بيلعب مع ربعة كورة ونحن نتهجّل بالخراريف في ذاك الهوا الغاوي...


جهّزنا قهوتنا وفوالتنا وحصيرنا وقبضنا دربنا صوب السيب..


عااااد يوم وصلنا البحر هبت علينا ذيك الهبوبة الغاوية اللي تبرّد الفواد..


تراه جموع سار عنّا عند ربعة ونحن فرشنا حصيرنا وقهوتنا وجلسنا نتخرّف..شوية ما أسمعلكم غير الشايب جمعة يسمعني ذاك الميدان


((لا تخلط الهيل بالفلفل...راعي النظر يس..يس يس يس..ما احيدني قطعت بر بر بر..ولا حيدني زرعت بر بر بر..ما نرابي عليك بر بر بر..كانك تبى تيس يس يس يس..وكانت تبى فل فل فل ..))


أسميه الشيبه حافظ ميدان..المهم ما نشوفلكم غير ذيك البنية خاطفة قدامنا والشباب فاكين حلوقهم يتشوفوها تقولوا ما شايفين خير


يوم شافها الشيبه قالي يوووووموزووه شوفي البنية حليلها من ذا بو فالعنها فوق راسها؟!!


شوفي راسها كيف غادي ورماااان!!


عااااااااد انا عوقني فوادي عليها نهمتها قلتلها يووووووو بنتي تعالي هنا شوية باغتنش ف خرّوفة..البنية حليلها جات...قلتلها جلسي ماه حيتي قالتلي خير حبو مو باغية؟..قلتلها بنتي من فالعنش بطابوقة فوق راسج وحال مووه كذا عباتش متقطعة ومن بو قاصلش تنورتش ماه ووجهش حال موه غادي احمر انتي متضاربة مع حد بنتي؟؟ اعتبريني حسبة امش يوووحبتي


البنية ضحكت وقالتلي حبوووه هذي المووووووضه...قلتلها خبريني مكانها وانا اراويش فيها هذي اللي ما تستحي مسوتبش كذاك...قالتلي حبوه موضة يعني تطور..قلتلها اهمهم تطور اوين !!!تفصخن نوبة وقولن تطور


المهم الشايب خلفان هبت هبايبه يسبح طشونة فالبحر..عاد قال مايستوي يعق دشداشته فالحصير بتتكسف..راح الشيبة الخرفان وعلّقها فراس البنية...


وما نشوفلكم غير ذيك الشيلة المتعلقة تطيح..ويطلع تحتها بلاوي..البنية ما من شوية راسها وارم ابوي لافة ليسو في راسها ..ومعلقة فيه دجاجة منتزقة..


والشعر حياته ما يجي كبر الصبع..


البنت تضايقت لكن شوية وجاها تلفون..عاد تسمعوا ردها((هاااااااااي حياتووو..شووووووو..(عوين شوووو تو قبل شوية تقوليلي حبوه مو باغية اشوف الخرّوفة انقلبت!!!)..كيكه عمري اللحين جايه)) وطلعت من شنطتها قوطي مخلية فيه طحين لخّته في وجهها((ما من شويّة الطحين غالي من كان ب800 بيسة وصل ب2200))..وطلعت نوبة أظني فازلين مخلتنه فغرشة صغيرونة فركتبه ثمها وخطفت وجاها واحد راحتله تتميل يمين ويسار كنها سكران ما عارف دربة..وااااااااااغشي عليكن وااااغشي


عاااااااد انا الصراحة فزعت على شيبتي عن تجيه وحدة هالخايسات تشله عني ونوبة فزعت على ولدي نهمتهم قلتلهم خلى خلى ردينا بيتنا وانت يالشيبة الخرفان ماشي طلعة من الحارة كان باغي تفضحني


ورجعنا بيتنا وارتحنا..


((همسة:


بالذمة يابنات اريد اعرف ليش هالبرج اللي تحطنه ..ايش الهدف والله ان الشباب طايحين فيكن تمصخييييرة..أتمنى الشباب يعطونا رايهم في هالموضوع عشان البنات يعرفن وجهة نظركم الحقيقية..))


يالله عيالي انا تعبت الشيبة ينهمني باغي يتغدى

ترجيوني ان شاء الله المرة الجاية وسالفتي عن المهر..

[المحبه للخير]

هههههههههههههه عجبني الاسلووب والحكايه غااااوية
ما عرفهن حال موه يسوين ذاك البرج بعده ماا غاوي البر وشكلهن يطلع خطأ والله زين النورس تستأجرهن يركبو ارسال ولا مقوي على راسهن استغفرك ربي اللهم لا شماته واذا سالتيهن حال موه يقولن لك يثبت الشيله عن تطيح انزين سوين دبوس وما اتطيح الشيله صدقني ما نقول غير الله يهديهن ولا يبلينا

[عبير خآنوم]

مووووضوع عجبني بقوووة


أسلوبا وحورا وعرض النصيحة بطريقة كوميدية

يسلمو حبوه موزه ننتظرك

[سراب سنين]

كيف حالكم يا عيالي..من زمااااان ما سولفت معكم..بس عاد هالمرة ما بسولف معكم وحدي بتكون معي العجوز سليمة بخراريفها الغاوية بيكون تعرفوها ما يحتاج اخبركم عن سوالفها

المهم يا عيالي أنا والعجوز سليمة قررنا ننزل هالموضوع هنا عشان نخبركم عن كمين سالفة صارت معنا وطبعا السوالف كلها تخص هالجيل بو تو طالع وكل يوم مطلعين خروفة جديدة ..

عارفة اني دورتلكم براسكم لكن عاد الايام الجاية ان شاء الله سوالفنا بتعجبكم وبو ما تعجبه يخبرني عشان اراويه بشغله

وهالمرة الخراريف مرة بتكون علي وعشر مرات على العجوز سليمة

عااااد هال هالله ما اوصيكم ما ابا حد يزعل وياخذ على خاطره منا ترانا عجايز وكل شي عندنا جايز..وعاد هنا نريد رايكم الحماسيشن وخلو عنكم المجاملات ..

ولا حد ينشر صورنا أهااا عيب

وقبل لا انسى أول خروفة بتكون باذن الله عن هذا التلفون بو مجنن الأوادم اوين
اسميه مطفر بالاوادم قاموا يمشيوا ويخرفوا عمرهم

يالله اشوفكم مع خروفتنا القادمة

((مع العلم ترى الموضوع متجدد وكل فترة بنجيبلكم خروفة غاوية))

مع تحيات :

حبوتكم موزة
وحبوتكم سليمة..
منقول

[روح طٌفلهـ]

ما هذا ����
شوه الموضوع