صوت بعشرين ريال

[ضياء القرآن]

توت توت .... توت توت .... توت توت

خلفان يرد على الاتصال / الوو,, من معي؟؟؟

سعيد / انا سعيد.. اخبارك وكيف علوومك خلفان؟

خلفان/ طيب الحمد لله ، انت وش اخبارك؟؟

سعيد/ طيب لله الحمد/ اقولك خلفان صاني جايبلك صفقه فيها كم بيسه.

خلفان/ واابوك.. هذا الكلام الزين يوه الغالي!!! ,, هات موه عندك؟؟

سعيد/ تعرفه فلان بن فلان الفلاني؟؟؟

خلفان/ نعم اعرفه .. ماله؟؟

سعيد/ هذا مترشح حال مجلس الشورى والحين نجمع له اصوت. والصوت بعشرين ريال كان باااغي.

خلفان/ يقولوا اوين حرام كذا ناخذ فلوس واحنا نعرف انه هالناس ما يعرفو شي ولا جايين يفيدو البلد بس باغين يفيدو انفسهم.

سعيد/ تو انته ما تفهم خلفان.. من هين انت معك مشاريع حال يفيدوك... بعدهن عشرين ريال زينات حال الصغيرين.

خلفان/ شورك يعني اخذهن العشرين وارشحه؟؟؟

سعيد/ نعم رشحه وخذ عشرين ريال احسن عن ترشح واحد بلاش وما تحصل منه شي.

خلفان/ زين وين انتلاقى عشان تجيب لي المبلغ؟؟




ستكثر مثل هذه الاتصالات وهذه التوسطات خلال الايام القادمة

رأيكم فيها

كنت واجد أسمع عن هذا الشيء
لكن تو كأنه مختفي..
عسى رجع الوعي..

المهم ما أرشح لا بلاش و لا بفلوس..

[أوراق ناعمة]

دخلنا هذا المجال ورشحنا كم مرة بس ما قالن يعطيني ولا نعطيه شي قال على ايش يطمح وايش يريد يحقق الصوت امانه وماحد ملزوم من يصوت يصوت اللي يشوفه كفوا واللى يمكن يحقق شي للبلد نعاملهم بظاهرهم اما البواطن ما نحكم عليها كل واحد الله حسيبه عاد
ناويه ارشح هذي السنه بعدني

[أسير أحزاني]

كثيرين من هالنوع وشيء منهم ب ٥ ريالات يشتروا أصواتهم.. للأسف مافيه حد يردعهم ويتحرى عنهم