دمعة!!
ياغريبة!!
الفضاء زحمات والرحلة أكيدة!!
ياغريبة !!
لا شواطيء تقبلك
أو سفينة تحملك
أومدينة تحضنك
ياغريبة!!
من هو جالس يسهرك
وفي منامه يحلمك
وبحروفه يقصدك
وفي غيابك يذكرك
وإن حضرتِ يرتبك
ولخفوقه يحضنك
وحب صادق يكتبك
ياغريبة!!
سكري باب الدموع
وإرضي وكوني قنوع
هذا حالك وإنكتب
والقدر ماله عتب
وإن كان ماعندك صبر
كمليها بالقبر!!
شفني طريحة وقت وأستفرش أحزان
وألحّف عيوني سـهـد وأنتظرني
يا أنت أنا وأسدل من الشوق الأجفان
وأقول يا طيفك تكرّم وزرني
من كثر ما أتخيّلك في برد الأشجان
صرت أتلحّفني عبث وأحتضني
وأفلّ مجدول السهر فوق الأعيان
وأجرح شفاه الوجد ويفزّ جفني
طفلة كتبت بدفتري: ويش الأحضان ؟
جاوب عليّ جور الزمان وحضنّي
أشعلت شمعة حلمي بليل الأحزان
وذابت عليها وحدتي ودمعتني
يا للحزن!! قتال في بعض الأحيان
والشوق وصمة عار والبعد مضني
ملّت شبابيك الأمـل والأمل هان
لين الليالي بالهموم اعترتني
مدري أنا ألقاها من الأخ / حرمان
ولا أنا ألقاها من الأخ / حزني
تعبت أيمّم للفرح قلب ولسان
وألقى المشاعر بالحزن تنتظرني
يا أنت أنا ملّ الصبر صبري وحان
وقت اللّقاء ما دمت بالأمر معني
وصلك سجن حرية وهجرك أسجان
تعال حرر كل قيد اضطهدني
قبلك شربت الخوف وآآآكلت هجران
وبذرت حلمي والمزن ما روتني
أرجوك سكّن رجفتي بين الأحضان
خلّ الكفوف تلمّني و تحضنّي
يا ودّي أبكي لين ما غرّ الأمزان
تبكي معي وتعيشني وتغمرني
أبغى أتهنّدم منك أنا برد عريان
خذني من ايدين العرى وإلتحفني
بـ أزهر على صدرك من الشوق تحنان
وأقول يا سيد المخاليق : خذني
منديلها!!
غيمة تصبّ الغيث بأفواه عطشى
وأنا وكاسك والزقارة معاطيش
عجّل بغيثك واكسر حدود أخشى
هذا زمانك علّم إحساسنا الطّيش
ياقبلة جنوني لك أحتاج برشى
ما عاد فيني أحتمل زود تهميش
مجنونتك طفلة لها إحساس أوشى
اترك حناياها على أحضانك تعيش!!
لـ العذبه \ مريم الزعبي !
رد مع اقتباس