يسعد صباحك / مساكم
هلا بالجميع ...
لقاء متجدد يجمعنا احبتي واتمنى ماراق لي يروق لكم ...
تعال اسكن وسط صدري وبدد وحشة الوجدان
واذا حسيت بالغربه تسلى رتب ضلوعي
تعال اسكن بصدر (ن) ماتمتع في دفاه إنسان
سوى اللي من عرفت وحبهم بالقلب مشروعي
اي والله اسكن بصدري وانتبه للقلب والشريان
ماهو خوف (ن) عليه الا غلاكم فيه مزروعي
ياورد (ن) طايفي ياجوري(ن) مايزرعه لبنان
ياهتّان الربيع المختلف بالكّم والنوعي
لفا طيفك ولجّ بمنزلك يالغالي التحنان
عسى طيفك بشوفك ياشفاة الروح متبوعي
على وزن اليتيم اللي كتبته مامعاه اخوان
نويت اكتب مشاعر خاطر(ن) بالحيل مليوعي
على شأن الوحيد اللي ذنوبه مالها غفران
ذكرته مانسيته لو ذنوبه فيني تروعي
رقيق احساس والألماس منه يغار بالأثمان
كريم (ن) في شعوره بأتجاهي ماقطع جوعي
بخيل (ن) بالوصل للي تجرع منةّ الحرمان
تقبلت الكرم بس البخل ماهو من طبوعي
قبل كانت مشاعر داخليه ضامها الكتمان
على صدفه تفجر في حشاي وتوقد شموعي
هلا ياوردة (ن) في خاطري ماضمها البستان
آسجّ احيان لكن لو ذكرتك ضاعت سنوعي
هلا يالؤلؤ المكنون في المحار يالمرجان
هلا ياسّر سجّات الخيال وسبة فزوعي
تعال اسكن وسط صدري وبدد وحشة الوجدان
واذا حسيت بالغربه تسلى رتب ضلوعي
اخوكم / رايق البال
رد مع اقتباس