أنـثــى الــمــطــر الســاهــريــة ..

[حافيه القدمين]

مساء الورد

تذكرت موقف صار لي زمان
ايام تلفونات الارضي
المهم اخوي كان صف ثالث ثانوي اخر سنه له
وكان يذاكر بالمجلس
انا كنت بصف تاسع يعني ثالث اعدادي
المهم سمعت التلفون يرن ورحت اقوله ليش ما ترد قالي ما فاضي
وطبعا انا ركض ما صدقت
اول ما رديت جاني صوت مألوف ما غريب
بعد السلام وغيره الرجال بدأ يسولف ويأخذ العلوم وانا كل شي جبته
بعدها سألني انتي عارفه من انا
قلت له وبثقه يس انت سليمان
قالي من سليمان حسيته يستعبط
قلت له ولد خالي
وسليمان يكون ولد خال امي بس نحن نسمي خال امي خالي ف متعارف انه ولد خالي هههههه
المهم قالي لا انا ما سليمان
هنا انا انصدمت واشوف ع اخوي
واسكر التلفون
اول ما سكرت اخوي قالي قبل شوي راد عليه وفكرته سليمان بس طلع ما هو
قلت له نفس صوته مستحيل ما هو
قالي هذا فاضي لا تردي عليه
المهم سليمان انا متعوده من طفولتي معه
تقريبا هو من سن خوالي بس كنت كل ما اروح بيتهم من عند الباب يلاقيني
واطلع ادور معه هههههه
ما يخلي شي بخاطري وكل مكان يشلني
ف كذي كنت عادي اسولف ع اساس انه هو
المهم الرجال تم كم يوم يتصل
ولما اي حد يرد يسكره
لما ارد انا ولا اخوي يتكلم
اهتلكنا منه
ف الاخير اخوي حط كاشف وخذ الرقم
وللاسف طلع ربيع اخوي الكبير
ولما اتصل فيه اخوي قاله شفتهم صغار قلت اضحك عليهم شوي .!
ع العموم اخوي ما قصر فيه غسل شراعه
يقوله حد يتصل بناس بعد س 12 ويزعجهم

[حافيه القدمين]

وبكره الاحد الجميل

[حافيه القدمين]

تصبحون على خير ..

[حافيه القدمين]

احيانا الواحد يحس بالضياع
ما يعرف يرتب أولوياته
وهالشي طبعا يأثر سلبا عليه
يمكن بسبب هالشي يخسر ناس تحبه
ع شي ما مستاهل ..
تخسر قلب حبك عشان ترضي شي بداخلك ..


تصبحون على خير ..

[حافيه القدمين]

صباحكم سكر ..

[حافيه القدمين]

..

[حافيه القدمين]

مليكة القلب
زميلة دراسة قبل لا تكون عضوه ف السبله
ما افترقنا ف صفوف الدراسه من الخامس الابتدائي لحد الصف 12
علاقتي فيها صارت اقوى من وصلنا صف 12
طبعا انا كنت ف النص ع يميني صديقتي الوحيدة وعلى يساري مليكة
كنا نجلس نظام مجموعات
دوم نتناقر مع بعض
ف كانت لما تزعل مني تغير مكانها وتجلس مقابلي
وطبعا زعلانيين من بعض بس لازم نتناقر ههههههههههه
كنا كلنا ف الجروب ابليس
كل وحده العن من الثانيه
الوحيده الفقيره اللي بينا خالتها مليكة
كانت معنا بنفس الصف ونفس الجروب
ف احسها مظلومه كانت بينا

شلتنا معروفه ع مستوى المدرسه
خاصه لما كنا بالمدرسة الاعدادية
لما يصير اي شي نحن بالخدمه
هذيك الفتره كانت منتشره سالفه المخدرات والايدز
ف كانو كل ما يحتاجو حد لمسرحيه الشلة جاهزه

واتذكر استاذة العلوم انتقلنا معنا لمدرسة الثانويه
كانت تدرس فيزياء
فيه مره طلبو مسرحية قالت الشلة الفاسدة موجودة هههههه
طبعا المسرحيه كانت عبارة عن شلة شباب
قالت لنا كل وحدة تلبس دشداشة
انا طلبت اخوي دشداشة ورفض
لكن صراحه الصباح سرقت كم دشداشة من كبته مع كم كمه ورحت
لما وصلنا المدرسة قالو المسرحيه راح تكون بقاعة الاجتماعات مش ف الساحه وبعد الفسحه
ورحنا ونحن ولا داريين بشي
دخلنا وننصدم الحضور اغلبه رجال
ايش كمية الاحراج
وحده منا طلعت قالت مستحيل ادخل
حاولت الاستاذه تقنعها
نقولها كيف ندخل ع رجال ونحن لابسين كذا

هههههه موقف لا نحسد عليه
لكن صحيح نحن كنا خلاص كبار كيف المدرسه ما حسبت حساب هالشي وقتها !

[حافيه القدمين]

احيانا كثيره تحتاج لنصف ثاني يكملك
لانك دائما تحس انك ناقص لوحدك
ومثل ما يقولو اليد الوحده ما تصفق
وكل منا يكمل الثاني

تحتاج لاحد يوقف معك يسعدك
يسندك
المرأه بدون الرجل ناقصه
والرجل بدونها ناقص
هذي هي الحياة وصعب ننكر هالشي

شكرا لكل رجل يوقف بجانب امرأه تحتاج له ..

[حافيه القدمين]

شفاء
ربي يحفظك ويسعدك ويعطيك الصحه والعافيه

تقولي استاذة هذي رسمتها لك امس بالليل
كلها قلوب شكلها تحبني ههههههههههه
لكن من صاحبه النظاره اللي ف الصوره

[حافيه القدمين]

أتوقع الناس الي كانت تلاحظ مروري في السبلة قليل جدًا
لاني كنت بعيدة كليًا عن المحادثات القريبة فقط أشارك
واكتب يومياتي في المدونة واقرا المدونات والخواطر
ملاحظة شخص مثلي قد تبدو صعبة ولكن ليست
مستحيلة الا اذا كان متابع بصمت للمدونة او لتفاعلي
عموما انا جدًا ممنونه لكل السعداء من اجلي
وأتمنى كل إنسان يعيش فرحة النجاح في اي شيء
يسويه حتى لو كان إنسان مش دارس النجاح وحده
درس من الحياة ما يحتاج له شهادة إثبات

من رجعت السبله
يمكن اكثر وحده زارت ملفك انا
لانك بالنسبه لي مجهوله
وبقسم الفنون
وكنتي هذيك الفتره مختفيه
وبخاطري اقول من تكون
بعدها شفت ف توقعيك حاطه ضي الشمس
اذا ما خاب ظني هالمعرف مر علي سابقا

ع العموم ياعزيزتي
الله يوفقك ويسعدك
وترجعي البلاد بالسلامة