جزاك الله خير على هذا الكلام الرائع...المشاركة الأصلية كتبت بواسطة حمد نجد
أشكرك ورد على الاستضافة. واشكر الاخوات جميعا وصراحة فكرة رائعة جدا تطلعك من جو الرسميات الى جو المرح والفرفشة والللي انا احبها واستمتع فيها فاعذروني جميعا ان كان صدر مني كلمة عوجاء او مزحة ثقيلة واستروا ما واجهتو من قصور في القول
في الختام اود ان اقدم هذه النصائح لاخواتي شباب وبنات
انتم ايها الشباب ترى مهو عيب ان الرجل يدخل المطبخ ويغسل المواعين ترى ما تنقص من رجولته وهيبته اذا كان واثق من نفسه .متى تنقص من رجولته ؟ اذا كانت المراة هي اللي فارضة عليه انه يدخل المطبخ .ساعد زوجتك ساعد امك .. انا اروح زيارة لاهلي واخواني من ابوي سبعة وماكان عندهم شغالة وكانت خالتي زوجة ابوي هي اللي تشتغل وتكرف بالبيت احيانا تكون مرهقة وتنام بدون ماتغسل المواعين والله اني ادخل المطبخ وهي نايمة واغسل المواعين وانشفها واذا صحت لقت كل شي نظيف وتزعل تقول كلفت عليك وليش تسوي كذا قلت ياخالة انا كذا مرتاح .ليش لاني ارحمها .هل نقص هذا من قدري ابداوالله رفع قدري وخالتي تحبني اكثر من عيالها لانها تشوفني ارحمها. كذلك زوجتك اذا كانت طيبة وتستاهل وتقدرك ليش ما تساعدها ترى هي بشر تتعب مثلك والحياة الزوجية مشاركة في كل شي وترى ما فيه احد اولى بالرحمة والاحسان من زوجتك .وانتن يالبنات خلن عنكن الرجيم وكولن ما يعجبكن ترى الرجيم القاسي اللي صار موضة بين البنات هالايام والله انه ضار
