سججل حضوركـ بـ " بيتـ شعري " على ذوقكـ :/

[غيمة ،]

يا صدمتي في اكثرالنااس. ويا خيبة ظنوني
يا ضيق صدري لا ذكرت اني عليهم ما كذبت

يا طعنة خلتني انسى من سبايبها طعوني
يا جرح ماله طب حتى لو اقول: اليوم طبت

[غيمة ،]

البارحه والله يكون بعون احاسيسي وعوني
احاول اهرب من عمايلهم ولكن ما هربت

ما كنت احس اني انا انا وهذا الكون كوني
امر في حالة ضياع وشبه غيبوبه وكبت

[غيمة ،]

احباب! اي احباب ذول اللي على جروحي خذوني
الظاهر اني شبت ياعالم واناما بعد شبت

سالت نفسي هم يبوني صدق؟ ولا مايبوني
اجبت نفسي وليتني على سؤالي ما اجبت

[غيمة ،]

اللي لهم مده وهم في داخلي واستغفلوني
ياما استغلوا طيبتي معهم وكل اللي وهبت

وهبتهم قلبي. وشعري. وكلما حولي ودوني
تعبت معهم بس ما كني رغم هذا. تعبت

[غيمة ،]

شعرت فعلا بالعذاب. وغصة الدمع بعيوني
قربتهم مني وانا اللي كنت احسبني قربت

عشانهم قررت ابيع اللي من العالم شروني
عشانهم بطلت لعب وليتني والله لعبت

[غيمة ،]

مادامهم ما قدروا صدقي ومعهم جرجروني
لو ادري اخرها كذا من اول الدرب انسحبت

احبابهم واجد ولا ادري ليه بالذات اخدعوني؟
مع ان عمري ما خدعت انسان او حتى قلبت

[غيمة ،]

يا قوها صدمه وانا لون الغدرماهو بلوني
وربي ما انلام لو بعد الذي سووه غبت

ماكنت ناقص صدمه اخرى في حياتي واصدموني
مصدوم خلقه لين مات الخير فيني وانعطبت

[غيمة ،]

الحين مدري كيف اعاملهم وهم ما قدروني
ما استوعبوا للي كتبت من الجروح وما كتبت

الله يجازيهم على استنزافي وحرقة جفوني
ما كنت حاسبهم يبيعون الغلا يومي حسبت

[غيمة ،]

اثر الغلط مني لاني كنت اسلمهم جنوني
لكني اعلنها صريحه "تبت والله ثم تبت"

ما عاد لي رغبه اجدد في علاقتهم طعوني
خسرت في هذا الطريق اضعاف ضعف اللي كسبت

[غيمة ،]

احسن لي ابعد واشتري نفسي ولا خيبة ظنوني
ان طبت من جرحي والا جعلني ما يوم طبت