' زاوية غيمــة â‌¤||

[غيمة ،]

صباح الخير

هذي الأيام أجواء العصر جميلة ..
غالبا تكون السماء مليانه غيوم ،
فالخيار الأول لما نحتاج تغيير جو هو (المزرعة حاليا) ،

جالسة أتأمل الطبيعة الجميلة و المكان هادئ ، و إلا أولاد اخواني و أولاد أختي كلهم معي !
جود الجميلة ، جراح ، سلمان ، محمد و يزن ...
المكان مرتفع شوي و يطل على منظر الغروب ، و كل واحد منهم عموه خالوه صوريني ....
_لما يكبروا بيشكروني على الصور الحلوات_ ، بديت أفكر اني أسوي بزنس إلي يبغا صوره يدفع هههه ، يالها من فكرة عظيمة بصير مليونيره !


هنا طردنا سلمان لأن ايده صغيره بزياده
و كييييف تحمسوا لما شافوا شكل نجمة في الصورة


الفكرة اقتراح جراح ، و ما شاء الله حبيت النتيجة بعد ما عدناها للمرة الثالثة




أنا و جود الجميلة ، شارحه لها الفكرة من فترة و طبقناها بالأمس


بعدين لعبنا ، و خذينا جولة سريعة مع أمي في المزرعة ، خرفولنا الأبطال الصغار جراح و يزن بعضا من الرطب ، و أنتهى اليوم بعودتنا للمنزل ^_^

[غيمة ،]

صباااح التجهيزات الأخيرة 💚

[غيمة ،]

باااك

قوس البالونات أخذ منا ساااعه كامله !!
الأهم صار مثل ما أبغا للجميل راشد ..

[غيمة ،]

[غيمة ،]

اللهم اجعله عام سعادة على قلبه و اجعل له الخير في أيامه القادمة ،

[غيمة ،]

مساء الخير

كلام اليوم بيكون شوي مختلف عن مود المدونة
تعالوا بخبركم شي

لما قسم الخواطر سووا لكتاباتي أرشفة في موضوع واحد شفت أشياء قديييمة من 2017
شوفوا ، ركزوا معي
غيمة شخص مختلف تماما عن 2017
يعني ما أقدر أعبر عن كمية الإختلاف !!

طيب


لو تعرف الإحساس إلي وسط قلبي كبت

مرحوم من قال الكلام و ما أذكر إنه طبقه

كلي على بعضي هموم و كل شي انثبت

ما عاش من باع الحنان و كل شي أنكره

غلطةٍ راحت و فاتت باقية للي عطت

قلبٍ حنون ٍ صادقٍ ٍ لله دره مكبره

تدرون وش يعني ليا إنخانت وفت

بنت الأصول الي تقول كان العزيز و تعذره

لا لاح طاري العز قامت و باسم أبوها اعتزت

ما عاش بالدنيا ذليل و ربي الله اشكره

استغفر الله بس ههههه ، ما أحب مود النكد هذا !!
2017 سنة ما أعرف هل أقول سيئة أو جيدة

سالفة القصيدة المتواضعة هذي كالتالي _باختصار_


بنت كانت صديقتي بس ،،،،، ما صارت صديقتي من يومها
الموقف إلي صار حاجة قوية جدا ، أثرت على غيمة بشكل كبير
اذكر كيف كنت مكتئبة بشكل .... حالة يرثى لها !
حرفيا كنت شخص مختلف ، الحمد لله على كل كل كل شيء وصلني لغيمة اليوم
يعني ، كانت إنسانة عظيمة جدا فنظري ، فهمتوا كيف !
لكن ، أِشكر الله على كل قرار صحيح اتخذته في حياتي الممتدة لسنوات لا يستهان بهاا _بالنسبة لي_!

من نتاجات الموقف هذاك
ما صار عندي صديقات !!
عندي تحفظ كبير على كلمة (صديقتي) ، اوكي فلانة صديقتي بس ما عندها مقومات الصداقة الفعلية !
رغم ان كثير بنات أنا صديقتهم بس أنا ما عندي صديقات
well في الواقع على الأقل !

الشيء الآخر و الأهم ،
كان في شعور دائم بأنه في حاجة ناقصة و كآبة من الداخل !
نهاية 2019 بداية 2020 جلست مع نفسي و قلت خلاص لااازم أرسم حد للموضوع هذا
حاليا انا مسامحة الإنسانة هذي ، come on الناس تتغير و محد ما يخطأ
بس نتعلم من الخطأ و نحفظ الدرس !
كذا نكون حلوين هههه

و بس والله ،
حبيت أقولكم سامحوا ، شعور جميل مريح رهيب خطير ، بس سامحوا و لا تنسوا تعلموا يعني
الإنسانة هذي لو شفتها أحين أنا بقولها آسفة بصراحة ، أحس ظلم إنك ما تسامح شخص على خطأ من سنين !
البشر يتغيروا

#نعيش_و_نتعلم

[غيمة ،]

خبر جميييييل

بيكون عندنا حفلة ثانية بعد أسبوعين تقريبا
و غيمة مطلوبة للترتيب من الــ أ إلى الـــ ي

بصراحة كنت حابة يكون الثيم فلامنجو
و حزنت جدا لما قالت لي زوجة أخوي انه الثيم إلي تبغاه يونيكورن ، ليش ؟ | لأنه مستهلك بزيادة --_-- !!
(إلي عنده أفكار لا تبخل علينا ، و شكرا)

لكن حبيت الأفكار إلي عطتني إياها ، و أتمنى أقدر أطلع بشيء حلو مرتب !
رتبت الأفكار فبالي كتبت الألوان و الأغراض إلي أبغاها عشان تشتريها ،،

و من بكرا ببدأ أشتغل فيهم ،، حماس الحفلات يااااخي !

_ من زمان ما كتبت باللون هذا ^_^ _

[غيمة ،]

صباح الخير 🙃❤

[غيمة ،]

غيمه يا غيمه
عندي لك كذا افكار
بس افضى برتبهم لك واسدحهن ..

بتخفي عني شيء واللهي ��â‌¤ ،

شووكرا جزيلا حافية

[غيمة ،]

مساء الورد

رفاق |

أمس بنت أخوي الصغيرة نامت معي في الغرفة
تخيلوا اليوم الظهر نزلت من غرفتهم و معاها ملابسها فكيسة ، أوين عموه أبغا أنام معش ههههه
مصدقة على عمرها الحلوة ، على بالها كل يوم !!
قلت لها استأذنتي من ماماتش ؟
و طبعا ما كانت مستأذنة قلت لها يلا روحي و نادي أختش هي بتنام معي ، بالليل إستأذني و تعالي !
لو تشوفوا وجهها _تكسر القلب_ بس المهم عرفت انه الي سوته خطأ
أمها تقولي كبتها خببببصصة هههههه ،
توني أستوعب ليش كنت مصرة انه سريري يكون كبير ، !!

ياخي بفتقدهم من يطلعوا من البيت !!!
خاصة هالثنتين جود و شواخه النسخة المكررة المصغرة من غيمة ،
كذا أحس صاروا جزء من يومي ..