مُدّونةْ هاجْر

[هـاجْر.]

احد سعيد للجميع، و اسبوع حافل انجازات باذن الله 🫂💕. <<< انجازات و هي ممردغة ب اسايمنتات و كوزاتâک؛😹.

بس حقيقي ذا الاسبوع عندي واجد اشياء مهمة بتستوي باذن الله، و اهم شيء مال يوم الخميس؛ و احس هو بيحدد كيف بتكون اجازتي سيئة ولا سعيدة 💔🙂😹.<< دعواتكم بالسعادة حبايبيâک؛🫂.

[هـاجْر.]

احدى نتائج بداية الاسبوع السعيدة🫂💕.



امتحاننن عليمممم و ورقي و هاجر جايبة 9.5، اخخخخخ ذكر الله بس🫂😹.<< اعرف ناس بتشوف ع النص اللي ناقصتنها م اتشوف ع تسعة و نص، المهم اختفيوا من حياتي معذورين 🫂.

و لا ابشركم الوقت 15 دقيقة بس و 13 سؤال و كلهن بروجرامات و فل بلانكس يعني جالسة احل بدون فهم للسؤال بس كذا باية احل اكبر كمية من الاسئلة🤡🫂. ف لانه كان ماشي وقت ف اقرأ السؤال مرة وحدة و اول اجابة تجي ف رأسي اكتبها 🤡😹.

المهممم من اخلص الكلية اعطيكم الخلطة كيف جبت الدرجة ذي ف امتحان عليممم 😹🤡. << من درجة اول كويز واضح كيف يمردغنا🤡💔.

و بس خلصن اعمالي ذا الاسبوع الحمدلله، فقط انتظر الخميس 💔💔💔💔💔💔💔.<< كل م اتذكر الخميس بطني يعورني🙂😹.

اسأل الله التوفيق و النجاح و سداد لليميع💕.

[هـاجْر.]

الحمدلله الحين صحصحت زين 😆😹.

نايمة 12 ليل و مسوية المنبهه ع اساس 8:30 اتجهز للدوام بما انه محاضرتي 10!!

بس شفت الموضوع مختلف و الجو بارد و م شبعانة نومم، فكملت النومة بما انه بس محاضرة مادة البزنس عندي🫂. << ذي المادة صدقوني بتأدبني يوم من الايام ع استخفافي فيها🤡😹.

و بس اول سحبات هذا الفصل تكللت بنجاح الحمدلله🫂😆.



^^ للعلم تهديدها من فورديل بصفر ريال🤡.

[هـاجْر.]

الخميس باكر، و انا بادية اتوتر من اسبوع🙂🙂😑😹!!

ي رب سهل و يسر و الخ🫂.

بايتنها تواسيني🙂! بس جالسة تذكرني بماضيها😆😆🤌🏿.



ي رب باكر اجي هنا ابشركممممم ببشارة طيبة 🫂💕.

[هـاجْر.]

وييي ويش ذي الاجازة اللي خلص سريع كأنه رصيد مال حياك🤌🏿🙂.

كيفف انا قضيت ايازتي تتوقعوا!!! غلط ما في بدية 🤡😹.

لقد قضيت اجازتي في ربوع عُماننا الجميلة و تحديداً في ربوع محافظة الوسطى!

الجمعة جلسنا ف شاطى خلوف و خيمنا هونيك! و كان كلشيء بريفكت الا انهههه م فيههه خدماتتتت ابداً ابداً ابداً ابداً!!! حتى ماي تغسل يدك ماشي، مساجد مقفولات 🤡!! حقيقي المكان ممتاز بس الخدمات زيروâک؛🤌🏿.<< اللي يشتغلوا بصمت لو يشدوا حيلهم شوية، ع اقل ينظفوا المكان🫂.
حللن كل اوقات التصوير🤡، و م طلعت بنتيجة بس اهمم شيء حقيقي المكاننن روعة ف الواقع🫂.







سارونة اختي قررت تكتب اسامي العيلة!! الحمدلله اسمي موجودâک؛💅🏿



القمر طلع ساعة 12 ليل و صدمني!!!! حقيقي كان م موجد قبل لما قررتا ننام طلع🤡😹.<< ايوة انا كنت قمرهم هههاي، يسعد لي مساكم😘💅🏿.





و اخخخخ ع الشرررووووق، كان اقوى شيء<<< اللي بيروحوا اتمنى يجلسوا و يستمروا عشان هذه اللحظة 🫂.<< مصورة فيديوهات عليه نار و شرار 🔥🤡🤌🏿.



و بعدين رحنا هنا! فيلم🍿🫂.

المكان حلو بس نفس حركة المكان الاول âک؛🤡🤌🏿، كلشيء زيرو ف الخدمات و البنية، بس ستل استمتعنا الحمدلله🫂.







و بس والله كانن يومين حلوات جداً مع الاهل الحمدلله، ع رغم مردغة الخميس🫂🤍.

[هـاجْر.]

انا منزلة ستوري انستا ف امان الله؛ المتابعين🤡:]



معليش تهدي ي بيبي و تشرب لك فاتنا او بيبسي😆💅🏿!!!<< الانضغاط مش طبيعي ي ****😆😹.

و بس باااكر دواممم متخيلين و انا م نايمة.

ع طاري م نايمة؛ التخييم ف البحر ممتع اكثر من التخييم ف الجبل و شكراً🤡😹.

تو اروم انام باذن الله😆💅🏿.

[هـاجْر.]

مرحباً يجماعة.

احسني سايكوو شوية؛ جالسة اكتشف اني احب اسوق ف الشوارع اللي فيهن مطبات😍😹!

و احب السرعة!!!

ع طاري احب السرعة🙂🙂🙂، اتضايق لما احد يتجاوزنيييي!!!!!

امس واحد راعي بيكب يحسبني جالسة ارايسه🙂!!! يتجاوز و انا اتجاوز!! حبيبي خلينا نوصل البيت لا تتقدمني، م احب اشوف سيارة اكبر مني قدامي🤌🏿🤌🏿.<<< من كذا انا م اضرب خطوط😔😹.

بس حقيقي حقيقي سوى لي فعاليات كنت باية انام، و راجعة من الكلية متأخرة، و احسني متلعوزة و ذا هجل علي فالدرب جزاه الله خير🫂.

[هـاجْر.]

شبابببب انا وايد وايد وايد ندمانة💔💔💔💔.<< من لما قلتي وايد و احنا غاسلين يدينا🫂😹.

حقيقي الشغف و البارض عندي صفرررر!!!! حتى كل عمان ملاحظة💔💔.

شوفوا ويش سويت 😍😍💔:



رحت برجولي و بكامل قواي العقلية ادور حسابات يحلن اسايمنتات!!! متخيلين هاجر اللي باية تفتح حساب بزنس لحل الاسايمنتات و م يعجبها احد يحل لها اسايمنت؛ صارت تدور حسابات تحل اسايمنتات و تقضي امورها💔💔💔. << فعلاً الدنيا عيّيبة، يعني عجيبة و كذا🌝.

المشكلة اسايمنت لمادة البزنس يعني سهل و اوردي بادية فيه و مختارة كل شيء بس كذا فجأة دقني كروب، يعني بالحقيقي نفسيتي زيرو م قادرة اتقبل اني اسويه وحدي😢💔💔.<< عسى م توصلوا مرحلتي المتقدمة من انطفاء الشغف.

المهممم ندمانة ع ويش!!! زلّت لساني و ذكرت عند امي السالفة بالغلط و قلت لها انه معرف احله وحدي ف خليت احد يحله و ادفع لهم فلوس 💔💔😍.

و الحين منتشرة سالفتي ف كل الحارة و كل عماننن. فـ شايفيين كيفف ع اخر فصل تضيع سمعتي الدراسية 💔💔💔😢.

الحين كل العيلة اتحسب درجاتي المشرقة جايبتنهن من حسابات الاسايمنتات😔😹.

و بس ي رب اجيب درجة حلوة ع ذا الشيء 🥲💔.

[هـاجْر.]

معرف، احس حركة التصوير ذي تجي تلقائية😢😹!!!



بالحقيقي م قاصدة كذا يعني ضبطت و رسلتها.

المهم وراء ذي الصورة قصة حزينة<< امزحح م حزينة بس تنرفز شوية.

متجهزة بطلع مع بنات عمي متفقين نتلاقى ف الحديجة.

و انزين!! و انا راجعة الصباح معرف هين كنت طالعة بس شايفة اهلي= اخواني و السيارير كلهن موجوداتتت!! اوكك! اوكك

و نمت انا و نهضت العصر ع اساس اجهز بسبوستي عشان التجمع و كذا! و اسمع امي تقول من ايوديش انتي🤡! قلت لها حاجزة انا السيارة مال البيت؛ لانه بعدني بمر ع زنوبة من بيتهم🤡!! قالت م هنا السيارة شالنها ابوش المزرعة🤡🤡.

قلت دام كذا بقول ح محمد!! قالت محمد م هنا راح بدل عمش الدوام😳! فقلت اوكك! برسل ح زنوبة تشوف اذا احد من خواني الثانيين مويود و يشلنا!

قالت كلهم ف مسقط😳😳! و ابو عزوز اوردي من يومين ف دبي😳😳! و ابوي ف المزرعة.

امي و اخواني الصغار و كلهم راحوا بيت اختي العصر شلهم زوج اختي، و قالوا بيتعشيوا و بقيت وحدي ف البيت!! ادور منقذ يشلني الحديقة😳😹!

اتصل ذا صفوف و انا فرحتْ قلت الحمدلله جاء الفرج، يقول لي رحتي! قلت لاا! قال عجب الحمدلله صوري لنا ملكية السيارة💔💔💔😹😳.

شفتوا ويش فايدتي الحينن اني م رحت من وقت😔😹!!! عشان اصور لهم الملكية؛ يعني كانت تأخيرتي فيها خيرة!!!<< الحكمة اصغر من القصة نفس شرح مستر البزنس😍😹.

و بس ترى رحت ع ساعة 7:30 لما رجع محمد من الدوام اللي طلع فجأة، و استمتعت الحمدلله 💕😹.

[هـاجْر.]

و بكذا نقدر نقول الحمدلله؛ انا خلصت اخر كويز ف حياتي الجامعية التقنية🫂😋.



فخورة بدرجاتي ذا الفصل و اعتبره فصل الراحة 😌، ي رب بس هم ما يظلمونا كعادتهم 😕👍🏿.

+ متفرغة لاي علاقة حالياً، اللي يبا يرتبط يتفضل😋😹.<< امزححححح مختوبة💍🤡.