فقر كرهنا بعضنا..والنبي منه استعاذ ..
وان ما لقى الطاير ملاذ .. العمر تاليه النفاذ
إلى اجدبت كفالعزيز ولا غشاها الا الرذاذ
قل له عليك ان طعتني بالباقيات الصالحات
فقر كرهنا بعضنا..والنبي منه استعاذ ..
وان ما لقى الطاير ملاذ .. العمر تاليه النفاذ
إلى اجدبت كفالعزيز ولا غشاها الا الرذاذ
قل له عليك ان طعتني بالباقيات الصالحات
(...أجمل الأيام واللحظات هي تلك التي عشناها ببراءة في طفولتنا ...)
ياكثر ما عبنا الزمن وأثر الزمن مافيه عيب ..
إن عشت ذيب .. ومت ذيب .. وكل فعلك فعل طيب
خذها نصيحه من مجرب قبل لا تسأل طبيب ..
اذا عيون الناس باتت عين ربك ما تبات
(...أجمل الأيام واللحظات هي تلك التي عشناها ببراءة في طفولتنا ...)
الله عطاك الموهبه والله كريم اليا وهب ..
لو حكيهم يشعل لهب .. وأقلامهم توزن ذهب
ماتبت يدين النبي تبت يدين أبو لهب ..
إلي جمع شتاتهم يقدر يرجعهم شتات
(...أجمل الأيام واللحظات هي تلك التي عشناها ببراءة في طفولتنا ...)
من هم بصعود الدرج .. لا يلتفت للي هرج
يصبر و لو حظه عرج .. والصبر مفتاح الفرج
وإن حس في صدره حرج .. والهم طول ما خرج
يجلس مع نفسه دقايق فوق سجادة صلاة
(...أجمل الأيام واللحظات هي تلك التي عشناها ببراءة في طفولتنا ...)
ان صابك من النايبات المعضله خطبٍ جلل ..
واجتاحتك موجة ملل .. وإغرورقت عينك بلل
يا عل كتف الصاحب إلي ما يشيلك للشلل ..
ولا بارك الله بالرفيق إلي يسوي هالسوات
(...أجمل الأيام واللحظات هي تلك التي عشناها ببراءة في طفولتنا ...)
حتى ولو تقدر تبوق الكحل من فوق الرموش ..
وتجري مثل جري الوحوش .. سواة رزقك ماتحوش
يعني بلا توفيق ربك لا تهوش ولا تنوش ..
يالادمي ما فات مات و كل ما هو آت آت
(...أجمل الأيام واللحظات هي تلك التي عشناها ببراءة في طفولتنا ...)
الله على قدر النصيحة فى القديم من الزمن ..
كلٍّ إلى قالوا تمن .. قال أشري وصاه بثمن
واليوم الآباء قبل الابنا’نصفهم ما ينضمن ..
وجدي على لقمان والا يا وجودي يا بْركات
(...أجمل الأيام واللحظات هي تلك التي عشناها ببراءة في طفولتنا ...)
تشكي مشاعرناالجفاف وكل صدرٍ فيه خوف ..
أزمة ثقه وأزمة ظروف .. الكل منها ما يشوف
من كثر ماقل العدل ما عاد يرجون الضعوف ..
من بيت مال المسلمين ايّ صدقه وايّة زكاة
(...أجمل الأيام واللحظات هي تلك التي عشناها ببراءة في طفولتنا ...)
من عزه الله في ذرانا ذي فراش وذي غطا ..
نعطي ولا نرجي العطا .. ولا يجي منا الخطا
نصبر على مر الليالي لو يطول بنا البطا ..
بعض الاوادم لو يموت من الفقر ما قال هات
(...أجمل الأيام واللحظات هي تلك التي عشناها ببراءة في طفولتنا ...)
ما يجتمع كفٍ جواد ومدةٍ متباهيه ..
خل الأوادم لاهيه .. واعط العطايا راهيه ..
ياتكرم الناس بشرفها .. يا تغور بداهيه
لو صدق لك نيه تجود .. تجود لكن من سكات
(...أجمل الأيام واللحظات هي تلك التي عشناها ببراءة في طفولتنا ...)
ضوابط المشاركة
