( ... ❤ كان لي عندك حكايه ❤ ... )

[رايق البال]

قصيدة : انته السبب

http://archive.omaniaa.co/showthread.php?t=443277

يسعد صباحكم / مساكم
لكل الأحبه اهدي آخر ماكتبت ...

انته السبب ...
(ف) فراقنا .. انته السبب
ياما نصحتك راعني
ولدربْ وصلكْ دلّني
ولا جنّ ليلي ياهواي
خلّك حبيبي لي دفا
و(ف) جور ايامي وفا
وسراج ليلي ودنيّتي
لا نور احلامي طفا
بس انته مشكلّتك عنيد
ماتسمع إلا صوتك انتْ
وهذي النتيجه ياهواي
يابلسمي كان وشفاي
احنا افترقنا للأسف
ياللعجب .. ياللعجب ..!!!؟
انته السبب ...
يامن بعمري له شريت
واخلصت له وياما وفيت
كنت اتمنى بس تحسّ
وعينك تناظرني بأمان
وقلبك عليّ يغدقْ حنان
بس كل هذا ماحصلْ
حطمّت أشّرعة الأملْ
وماعاد شي يهمّني
إنْظلّ .. ولا نغتربْ
انته السبب .. !!!

اخوكم / رايق البال

~~~~~~~~~~~

قصيدة : لنا الله

http://archive.omaniaa.co/showthread.php?t=495253

يسعد صباحكم / مساكم

من جديد نلتقي ونص ع السريع كان واتمنى ينال رضاكم ...


لنا الله ..
والأماني اللي غزلناها
تلاشتْ والأسى خيّم بجلبابه

لنا الله ..
والخفوق اللّي شرى حبّك
تعبت اقْنعْه هجْرانكْ واسبابه

لنا الله ..
والعيون اللّي تناديلك
احبك موت يامن صكّ ابوابه

لنا الله ..
والليالي اللّي سهرناها
تسائلني ضناكْ الشوقْ واحبابه؟

لنا الله ..
والدروبْ الليّ مشيناها
تناديني وهجْرك عضّني نابه

لنا الله ..
وياعسى حبل الوصل يرجع
تبيني اموت .. ولا فيكْ احيابه ؟

اخوكم / رايق البال


~~~~~~~~~

قصيدة: عطني من وقتك دقايق

http://archive.omaniaa.co/showthread.php?t=452658

يسعد صباحكم / مساكم
دندنه ع السريع من الرايق اتمنى بوح قلمي ينال رضاكم ...

عطْني من وقتك دقايقْ
فيها لك احكي حقايقْ
واهمس بأذنك احبك
وانته تتبسّم ورايقْ

فيها يجتاحك جنوني
وابتساماتي وشجوني
وانته مثلي ياحبيبي
توقد ابْقلّبكْ حرايقْ

ياغرام (ن) فيك شفته
هاااك خفّاق(ن) ملكته
لاغبتْ عني دقيقهْ
بي وسيع الكون ضايقْ

انته غير الكلّ والله
انته للخفّاااق خلّه
ولك انا قلبي هديته
دون عن كل الخلايقْ

اخوكم / رايق البال

~~~~~~~~~

قصيدة : قوم خلنا

http://archive.omaniaa.co/showthread.php?t=433165

يسعد مساكم / صباحكم
دندنه ع السريع من الرايق وآخرماكتبت ...

قوم خلّنا ...
رغم الجوى
نشرب نخب
نرقص صخب
نسرح ونمرح بالحياه
ونعيش كل احلامنا .. قوم خلّنا ..!!!
قوم خلّنا ...
نعبر رصيف الأمنيات
تكتب احبك ياهواي
واكتب احبك يالحياة
وننقش على غيم الزمن
ان الهوى انته وانا
قد ضمّنا .. قوم خلّنا ....!!!
قوم خلّنا ...
رغم الظروف المتعبه
نسرح نجووول
( ف) دروب تاخذنا
لمرتع حبّنا
وبصوت واحد ياغلاي
نهتف سوى
لافرّق الله شملنا...
لافرّق الله شملنا...
لافرّق الله شملنا... قوم خلّنا ...!!!!

اخوكم / رايق البال

[رايق البال]

قصيدة : اهداء خاص الى أعز الناس (2)

http://archive.omaniaa.co/showthread.php?t=210179

بسم الله الرحمن الرحيم

( يا ايتها النفس المطمئنه ارجعي الى ربك راضية مرضيه

فأدخلي في عبادي وادخلي جنتي ) صدق الله العظيم ...

بعد فقدي لوالدتي منذ فتره ليست بالقصيره هاهو القدر يفقدني

والدي الذي انتقل الى رحمة الله صباح الخميس الماضي .. إنا لله وإنا

اليه راجعون .

بوح بسط لقلبي وقلمي مع اعترافي بأني مهما كتبت لن اوفيهما

حقهما من التبجيل والحقوق التي علي ...


ضاق الفضا ضاق واختلّت موازيني

ودهر(ن) صفالي بدا يظهر مدى حقده

ومن بعد الأفراااح ياكثر الحزن فيني

وياطوووول ماساااحة الأتراااح ممتدّه

لااا آخ لااا أب لااا أم (ن) تراعييني

دنيااااااي ظلمه وكفّ الهم منشدّه

والهمّ نوّخ ركااابه واظلمت عييني

من بعد فرقااااك ياسيف العطا وغمده

يابوووي ياللّي على الطيبه مربييني

والمرجله والوفاااا والصبر (ع) الشده

علمتني الحب واشري قلوب تشريني

وان الكرم والعزم مااااينفرط عقده

ومن فيض جودك شربت سنين وسنيني

ياتاج الأخلاق يا وعد الوفا وعهده

ياتاج راااسي ومن بالخير كاسيييني

فرقاك صعبه ومافيني غدت شدّه



اخوكم / رايق البال

~~~~~~~

قصيدة :اهداء خاص للغالي (بو سند)

http://archive.omaniaa.co/showthread.php?t=194180

يسعد مساكم / صباحكم

اهدي ماخطه قلمي لأخي الغالي بوسند متمنيا ان يمن الله عليه

بالشفاء العاجل من العمليه الجراحيه التي سيخضع لها عما قريب

وان ينعم الله عليه بالصحه والعافيه من الوعكه الصحيه التي يمر

بها حاليا .. والإهداء موصول لكل الأحبه اكيد ...


انت ادرى بالذي صار وجرى

انت ادرى بالذي باع وشرى

انت ادرى والذي كمّل خصالك

مارخصنا فيييك هامك بالذرى

مارخصنا فييك والموقف يجسّد

صادق الإحساس وعيونك ترى

مارخصنا فييك والموقف يبرهن

يوم كل(ن) باع لك قلبي اشترى

لا حشى والله مابعناااااه ودّك

في شراييني جرى حبك جرى

عيشها دنياك والدنيا تواصل

والصبر مطلوب لوعفت الكرى



اخوكم / رايق البال

~~~~~~~~~~

قصيدة: وينك

http://archive.omaniaa.co/showthread.php?t=515979

يسعد مساكم / صباحكم
من جديد نلتقي ونص ع السريع كان ...


وينك ..؟
تعبت انّطرْ
تعبت اسأل
تعبت القى عناوينك .. !
وينك ..؟
تخلّيني كذا وتروح
وماتسأل
ولا تشتاق
ولا قلبك عليّ يوله
وانا والشوق
نتقهوى
بقايا عشرة سنينك ..!
وينك ..؟
ألا يالهاجر الناسي
لأحبابك
ورب الكون احلفلك
احبك موووووت
وانته
آآآآآه يا انته
متى بس بي تحس انته
وعيني تلتقي عينك ..!
وينك ..؟
تصدق
من غبت عني
وانا كل ليله اتخيّل
بأي لحظه علي اتطّل
وتنثر لي ازاهيرك
واحكيلك مدى همّي
ويمسح دمعتك كمّي
وأهنى بطلّة جبينك ..!
وينك ..؟

اخوكم / رايق البال

~~~~~~~~

قصيدة: سلام يامن تعلى بالقدر والشآن

http://archive.omaniaa.co/showthread.php?t=465367

يسعد صباحكم / مساكم
من جديد نلتقي وبعض قديمي اللي نشر وكان اهداء لإحدى الشخصات الخليجيه وللأسف ما اتذكرها بشكل كامل ...

من ديرة المجد من دار المحبه عمان
يممّت دار(ن) سكن فيها رشيق العود
دار الأصاله ومنبع آخر الأديااان
دار(ن) حماها إلهي من زمن وعقود
سلااام يامن تعلّى بالقدر والشان
سيد العذارى مليك الناعسات الخود
سبحان من كملّك ياصويحبي سبحان
يابيرق الحب ياتاج الوفا والجود
جيتك اسلّم وارضي الخاطر الزعلان
جيتك وحرفي له سطوة برق ورعود
جيتك وحرفي يهلّ ابمدمعه هتّان
ومن التحايا اقدم نرجس(ن) وورود
لا هان قدرك ياسيد المها لا هان
فوق الثريا مقامك والجبال السود
اخوكم / رايق البال

[رايق البال]

قصيدة: المتصابي

http://archive.omaniaa.co/showthread.php?t=239966

يسعد مساكم / صباحكم

في البدايه كل احترامي وتقديري وإجلالي لكبار السن الذين منهم

والدي ( رحمه الله) فاللسن احترامه بالتأكيد .

ولكن هناك نوع من هالكبار للأسف لم يحترم كهولته وانه في

ارذل العمر ويتصرف بطريقه طائشه وكأنه مراهق !!!!

هالنوع كثييير شفته في سفراتي خارج السلطنه سواء بدول

عربيه او غير عربيه بكل امانه .

ربما قصيدتي هذه ينطبق عليها مايقال عنه الكوميديا السوداء

او المضحك المبكي في آن واحد ان جاز لي هذا التعبير ...

لكل الأحبه اهدي ماخطه قلمي مع كل تقديري واحترامي لكل من

احترم كهولته ...

كحل عينه وصبغ شعره بلون(ن) اسود(ن) فاحم

توقّع ذا السواد ايعيد شبابه بعدما شابا

يوااعد قلبه بسهرة (سوارييييه ) وبهنى قادم

مع الدشداشة السوداء يبشّر روح تتصابى

اخذ مع (بيجره) (نقالّ) وساعة (تايتن) وخاتم

مع( التانجو) رقص و(الفالس) وغنى مرمسي طابا

تعطر من عطر ( شانيل ) سبح به فعالم(ن) حالم

توكأ (ع) العصا ورجله تحّث الخطو تتغابى

تتغااابى عمر ولىّ وحياة (ن) تطلب الراحم

تناسى (دنجوان العصر ) سنين(ن) نورها غابا

غدا له بالعمر (سبعين) ولكن للأسف واهم

رمى رمشه وهو واثق فتح له بالهوى بابا

يناظر في وجوه الغيييد ويغمز طرفه الساهم

ولكن للأسف سهم(ن) رمى الصياد ماصابا

رجع من رحلته مهزوووم ولكن للأسى كاتم

يعّض من الأسى إيده حفر من عظّته نابا

ضحكت من الأسى وااانا اراقب ذلك الظالم

لنفسه والزمن والناس وللأعراف ماهاباِ


اخوكم / رايق البال

~~~~~~~~~

قصيدة: باقي ودادك

http://archive.omaniaa.co/showthread.php?t=187883

يسعد مساكم / صباحكم

هالقصيده كتبتها من فتره طويله شوي

لكل الأحبه اهدي ماخطه قلمي ....


ماشفنا منك غير هم وتكاليف

وشوق(ن) ضنا روحي ولوعه ووسواس

والعين من زود العنا بالمذاريف

تتبع خفوق(ن) دق له الشوق اجراس

وياما حملنا ياجميل التواصيف

عنّك ثقيل الهم ونقووول لاباااااس

وبك اكتفينا ياعقيد الخراشيف

وبك ارتضينا عن هوى كل ميّاااس

بس مالقينا منك يازين تنصيف

وين العداله ووين فهمك والاحساس

صدقّت فينا قول ناس(ن) مخافيف

وانت الذي خلناااااك للحق نبراس

وخلناك مثلي تصفق الكفّ تحسيف

وانك بدرب الشوق شرواي رماّس

بالهون ياراعي اللحاظ المراهيف

راعي الذي يهواك من دون مقياس

ومثلك فهيم(ن) مايبي اي تعريف

ولك نظرة(ن) فيها رزانه وكرياس

باقي ودادك في حشايه مراضيف

ولك منزل(ن) يرقى مديم(ن) على الناس


اخوكم / رايق البال


~~~~~~~~~

قصيدة : ليلة حب

http://archive.omaniaa.co/showthread.php?t=226801

يسعد مساكم / صباحكم

لكل الأحبه اهدي ماخطه قلمي ...


الحب عندي ليلة(ن) مالها شمس

فيها اتلاقى ارواح ولهى عشيقه

ليله بها يحلى التناجي مع الهمس

والظامي الولهاااااان يبتلّ ريقه

في ليلة(ن) نقطع بها الشك واللبس

فيها نعيش الحب علم وحقيقه

فيها نكااااايد عالم الجن والأنس

ومن كأسها الرقراق ننهل رحيقه

فيها نعوّض كل مافاتنا امس

ماهمّنا كلمة حسود(ن) وضيقه

انتي وانا والليل والخمس بالخمس

وكل منناّ حددّ معااااالم طريقه

انتي وانا والليل واشواقنا وبسّ

من فرحنا نعزف مشاعر رقيقه


اخوكم / رايق البال


~~~~~~~~~~

قصيدة: زهور المحبه

http://archive.omaniaa.co/showthread.php?t=218068

يسعد مساكم / صباحكم

لكل الأحبه اهدي ماخطه قلمي ...


سنين مرت وانا ارقب طلّة اعوامي

عليّ الاقي بعام(ن) مقبل(ن) حلمي

سنين مرت وانا اتمنااااااك الهامي

تحلّ بأرض المحبة وتنتشل همّييي

هذا الخفوق المعنّى يسبق اقدامي

وهذي العيون العطاشا تنتظر يميّ

تنطر بواااادر مطر تهطل بأيااااامي

وتروي زهور المحبة المورقة بدميّ

إنت الهنا والوفااااا عمري واحلامي

وانته ليالي الأرق يا حربي وسلمي

عطني دقايق لقا يروي بها الظامي

طول الجفا صاحبي للمنتظر يعمي

نورك بعامي حبيبي يرتقي هامي

وترياق جرح السنين المبحرة (ب)همي



اخوكم / رايق البال

[رايق البال]

قصيدة: اطلق سسرااحي

http://archive.omaniaa.co/showthread.php?t=183580

يسعد صباحكم / مساكم

لكل الأحبه اهدي ماخطه قلمي ...

كلمه اخيره شوفلك حل (ف) ظروفك

تهت (ف) وعودك وتاهت بي عناويني

دامك متقدر ويغلب لهفتك خووووفك

لا تعطني وعووود منها شابت سنيني

أما تجيني واهنى بهمسك وشوفك

او خلّ غييييرك يواسيني ويراعيييني

ترجم شعورك لوصل(ن) تكتبه حروفك

واسجع بصوووتك ولحّني وغنيني

خلني اتنااافض بشوق(ن) يعتصر جوفك

واذوووب في عالم الأموااات واحييني

يامن هويتك واثخن جرحي سيووووفك

اطلق سراحي اذا صعبه تناااااااااديني

خلنا انتفاااااااارق وهذا جمّ معروفك

ومسموووح ياللّي بليلي كم تبكّيني

يكفيك قلب(ن) صبر ياما على ظروفك

ويكفيك دم(ن) سفحته من شراييني



اخوكم / رايق البال

~~~~~~~~~~

قصيدة : الله علييييك

http://archive.omaniaa.co/showthread.php?t=168016


الله عليييييك
يسعد صباحكم / مساكم

لكل الأحبه اهدي ماخطه قلمي ...


الله عليييك انت مبعد وانت طرّاق

كلّك وفا كلّك عطا يحتويني

الله علييييك وانت بالشوق سبّاق

كلّك صفا كلّك دفا يعتريني

يامن هويتك والمعاشيق اذواق

يابلسمي ودواي يانووورعيني

انت الحبيب اللّي ترّبع بالاعماق

وانت الذي لا هلّ تمطر سنيني

وانت الذي لك دايم الدوم توّاق

وكلّي امل القاك وانك تجييني

اوااه ياللّي شاقني منك ماشاق

الله عليييك الله وانته قرييني

خذني وخلني ارتوي منك الاشواق

علّ وعسى ياصاااح يهدا حنيني

واللّي خلق هالكون مشتاق مشتاق

كلّي وله يازاارع الشوق فيني


اخوكم / رايق البال

~~~~~~~~~

قصيدة: وبعد تعتب

http://archive.omaniaa.co/showthread.php?t=200270

يسعد صباحكم / مساكم

لكل الأحبه اهدي ماخطه قلمي ...

ملحوظه : تم نشرها بإحدى الصحف العمانيه من فتره طويله وليست

وليدة اللحظه ..

( وبعد تعتب !!!؟ )


ومثلك مالقيت انسان

كثير الظلم له عنوان

سقاني من الأسى الوان

ولا همّه ضنا حالي

وبعد تعتب !!!؟


وانته القاضي الجلاّد

وانته الموت والميلاد

تقاربنا وظللّنا بعاااد

وخابت فيك آمالي

وبعد تعتب !!!؟

لقيتك جرح داويتك

وضمّدتك وراعيتك

وبالأشواق ناجيتك

وضنيتك سعد فالي

وبعد تعتب !!!؟

تعبت اشكي معاذيرك

واخلاصي وتقصيرك

وقلب(ن) ماهوى غيرك

وانته للأسف سالي

وبعد تعتب !!!؟

تذّكر كل شي له حدّ

اذا طوّل جفاك ومدّ

بدالك الف فرد وفرد

يضحّوا لجل امثالي

فلااااا تعتب


اخوكم / رايق البال

~~~~~~~~~

قصيدة: ليالي الارق

http://archive.omaniaa.co/showthread.php?t=257588

يسعد صباحكم / مساكم

لكل الأحبه اهدي ماخطه قلمي ....


جيتك بحسن نيه وجيتني بالعذاب

والتقينا وكل(ن) بالنوايا فرق !!

التقينا وقلبي كم تمنى وذااااب

تنشله من همومه .. من ليالي الأرق

المحبه بضميري شرّعت الف باب

والمشاعر تسامت وحنّ قلبي ورّق

احتويك بحناني واعذرك للغياااب

وكم خفوقي لأجلك الف باب(ن) طرق

فرق بيني وبينك يالوعود السراااب

توعديني بجنوبك.. وانتي سكنى شرق !!!

يالظلم المكابر .. ماكفاك اغتراب

مايكفيك عمر(ن) (م) الوجود انسرق!!

لانويت التواصل فزّ قلبي وطاااب

لك يزغرد شعوره في سطور الورق

ولا نويت التباعد والعنا والعذاب

لا تظنّه يعوّد لك خفوق(ن) غرق



اخوكم / رايق البال

[رايق البال]

قصيدة: منى دنياي

http://archive.omaniaa.co/showthread.php?t=230729

يسعد مساكم / صباحكم

اهداء خاص ...

حياك صوت(ن) بعد غيبه يناديني

حياك يا بلسم جروحي ومدميها

هلا بروح(ن) بكل حرقه تناجيني

ما قد تناست على الاطلاق غاليها

ضجيج شوقك تغلغل في شراييني

أحيا بهمسه مشاعر كنت ناسيها

لنه ّ وجووودك مؤكد سر تكويني

أهواااك يا من اليك الروح اهديها

ان غبت عني يضيق الكون في عيني

وان عدت عادت الى نفسي أمانيها
صحيح بعدك يعذبني ويشقيييني

ونار التياااعي عليك يزيد لاضيها

واشتاق ليل(ن) وهمس(ن) به تنسيني

هموم الأيام واشواق(ن) أعانيها
واشتاق قلب(ن) بكل الاحوال يشريني

وحب(ن) يعرّبد بأوصالي ويضنيها

واشتاق همسه على ما بي تواسيني

ونجوى مشاعر تطفي نار مشقيها
لكن مهما عظيببم الهم يكويني

تظلّ انته حياتي بكل ماااا فيها

يا حلمي اللي نطرته سنين وسنيني

ورووحي و منايه بأولها وتاليهاااا

اسعد عيوني بلحظات(ن) وهنيني

ضمّد جروح(ن) تصيح بحال مضنيها


اخوكم / رايق البال


~~~~~~~~~~~

قصيدة: دنيا عجيبه

http://archive.omaniaa.co/showthread.php?t=219715

يسعد مساكم / صباحكم

لكل الأحبه اهدي ماخطه قلمي ...


دنيا عجيبه كل(ن) بالدنا لاهي

الكل ّ يلهث ورا اللّي يسعده وحده

الكل ّ يلهث ورا الأموال والجاهي

واللّي تظنه حليفك ماحفظ عهده

والنذل ياحيف.. صار الآمر الناهي

والحرّ اصبح يشوف بدنيته شدّه

وخل(ن) صفالك وجوّ(ن) كان لك باهي

فجأه تغيّر ولك اظهر مدى حقده

ياهيييه ياللّي بملبوس الحسن زاهي

يامن تماديت في الإجحاف والصدّه

وظنّك اجيلك وانا عن قسوتك ساهي

واشري وصالك وكفّ الوصل آمده

الموت افضل اذا مسّ الخطأ جاهي

لا صدّ قلبي وربكّ مااااا إله ردّه

في نااايف العزّ اظلّ الشامخ الراهي

وفي مضمر الصبر صبري طوّفه حدهّ

دنيا دعتني ارددّ صرخة الآهي

اللّي بقلبيييي تعرّبد تطلب النجده


اخوكم / رايق البال


~~~~~~~~~~~
قصيدة: انقذيني

http://archive.omaniaa.co/showthread.php?t=162484

يسعد صباحكم / مساكم

لكل الاحبه اهدي نزف قلمي المتواضع ......

انقذيني من بحار الذكريات

واضيئ لي ليال ٍ مظلمات

واتركيني غافيا ً في مقلتيك ِ

واسمعيني من رقيق الهمسات

طائش ٌ كنت انا حتى عرفتك

فاغفري لي سيئاتي الماضيات

انتي من غيّر لي مجرى حياتي

بل ولي اصبحتي اغلى الأمنيات

كلما حاولت اشرح مابقلبي

من عذاب ٍ لا اجدها الكلمات

هل عرفتي الآن كم اني احبك

هل عرفتي سر تلك الهمسات


اخوكم / رايق البال

~~~~~~~~~~~
قصيدة: اوااااه من غيبتك

http://archive.omaniaa.co/showthread.php?t=164167

يسعد مساكم / صباحكم

لكل من استوقفته احرفي اهدي هالقصيده المتواضعه
مع شكري وتقديري التام له مسبقا .....


بعثرّني الشوووووق ياللي هدني غيابك

اما تجيني ولا اجيك انا كلّي

اما تجيني واموووووت (ف) رفّة اهدابك

ولا اجيلك وشووووقي بالحمّم يغلي

واصهرك بيها لعّل تحّس باحباااابك

وادخّلك عااااالم الآآآهات ياخلّي

واعلّمك كيييييف اذووووق المّر باسبابك

علّك تعيش وتحّس بواقعي مثلي

علّك تراااااعي خفوق(ن) دوم غنّابك

في تالي الليل وكل(ن) هاني ومسلي

اوااااااه من غيبتك اوااااااااااااه لغيابك

ياللي اشوفك بصدّك ناوي(ن) قتلي

خذني لحضنك تعبت اوقف على بابك

ولا انت يرضيك ناري بالجوى تصلي ؟



اخوكم / رايق البال

[رايق البال]

قصيدة: قالت تعال

http://archive.omaniaa.co/showthread.php?t=313993

يسعد مساكم / صباحكم
لكل الأحبه اهدي ماخطه قلمي ...

قالت تعااااال .. ماهمّها كيد العذول
قالت تعال وكلّها شوووق وعذاااب

قالت تعال تروي عطش جدب السنين
لي خافق(ن) من فرقتك عيّا وذاب

قالت تعااااال وخذ ماتبيه من العمر
يفداك عمر(ن) قد غدا دونك سراب

وجيتهاااا اطوي مسااافات السفر
في ليلة(ن) عنهاااا القمر ولىّ وغاب

جيت ومشااااعر جمّ فيني ترتعش
مابين شوق وخوف مع رجوى وعتاب

إتبسّمت لما التقيناااا واصْرخت
للموووت احبك .. بس يكفيك اغتراب

وقامت توضّح لي معاناة الخفووق
وبالدمع تثبت حالة القلب المصااااب

قالت وقالت (م) الحكي شي(ن) كثير
ولي وضّحت معنى وخفايا الإكتئاب

وتسائلت : هل ياترى حبّك اكيد؟
وبصوتهاااا حسيّييت نغمة ارتياب !!؟

لا والذي ارجع ليعقوب(ن) ضناه
وبقدرته رد البصر له والصوااااب

لك للإبد مهما تزاااايد كيييدهم
لك للأبد لو علّقت فيها رقاااااب

اخوكم / رايق البال

~~~~~~~~~~~

قصيدة: مع رقة الاحساس لك بالهوى نظره

http://archive.omaniaa.co/showthread.php?t=157866

يسعد صباحكم / مساكم

من جديد نلتقي وعسى يعجبكم ماباح به قلمي المتواضع ....

مع رقة الاحساس لك بالهوى نظره

تسبي بها عشاق تشكي مظاليمك

ياما سبيت عيون منك تبي جبره

وكم صاح ياويلاه قلبي بتواهيمك

لك نظرة(ن) والشوق ينثر بها عطره

ويكبر سؤال الصّب ايش هي مفاهيمك

هل رجعتك زواّر لقلوب منكسره

احساس ذنب(ن) كان من زود تحطيمك

ام هزّتك اشواااق للوصل منتظره

ولا على الآلام تعزف تقاسيمك

احتار فيك الناس كل(ن) شكى امره

تاهو ورب الكون داخل طلاسيمك

يامتعب العشاق ايش تالي الهجره

اطلق سراح قلوووب تشكي مظاليمك

اخوكم / رايق البال

~~~~~~~~~~

قصيدة: بح صوتي

http://archive.omaniaa.co/showthread.php?t=192787

يسعد مساكم / صباحكم

لكل الأحبه اهدي ماخطه قلمي ...


امتشق سيف هجره وامتثل للبعاد

في عيونه تساوى الحزن والنعيم

فكّ قيده وحلّق في سماه بعناد

تاركنّي بليالي موحشات(ن) اهيم

ماذكر كيف كانت له دموعي مداد

ومن ضلوعي عصاته في دروب العتيم

ولا ذكر كيف جرّح من فراقه الفؤاد

بحّ صوتي انااااااادي بين صحرا وغيم

كم هديته ورودي وانتظرت الحصاد

واعتقدته سنادي في سنين الجحيم

كل هذا عطيته وتاليتها رمااااااااد

في عيوني يذرّه ياسوااااااد الأديم

غاب نوري وتاهت خطوتي (ف) السواد

آآآآه من طول ليل (ن) مالقى له نديم



اخوكم / رايق البال


~~~~~~~~~~

قصيدة:ذكرى محبه

http://archive.omaniaa.co/showthread.php?t=250634

يسعد صباحكم / مساكم

لكل الأحبه اهدي بوح قلبي وقلمي ...


كلمه و.......... كلّ اللّي بقى منّك

وذكرى محبه صداها يلهب ظنوني

(م) ادري قدرنا نعيش ابعاد او إنّك

فيني تجرب دلالك .. توقد جنوني

تعبت اصبّر خفوق(ن) ماسلا عنّك

وان هو تصبّر بداله هاجت شجوني

سبحان رب(ن) قساوة قلب عاطنك

وللّه قلب(ن) على الإخلاص يدعوني

عمري هديتك عسااااه يكون كافّنك

وان تبغي العين خذها واسكن جفوني

بس انته آمر وفيني حسّنه ظنّك

ياللّي (ف) بعدك عظيم الشوق يغزوني

اهواك يامن بحال ومال شارنّك

فرقاك صعبه .. تعال ارتااااااح بعيوني




اخوكم / رايق البال

[رايق البال]

قصيدة: تعال اهنأ وهنيني

http://archive.omaniaa.co/showthread.php?t=290795

يسعد مساكم / صباحكم
غنائيه بسيطه كتبتها هي اشبه بحوار بين عاشق ومعشوقته اتمنى
ينال رضاكم هالدويتو ...

هو :-
يقولوا لي تناسيتي
محبتنا وتقاسيتي !!!
وياما وكم قاسيتي
ولجل هذا نسيتيني !!!؟
هي : -
سألتك بالذي سواك
لاتسمع قول هذا وذاك
انا سرّك انانجواك
وانته لي هوى سنيني
هو :-
هلا والله وغلا والله
يا اجمل ماخلق اللّه
احبك والعليم الله
بحب(ن) كم يضنيني
هي :-
هلا بك ياهوى بالي
يا اول حب والتالي
تدلّل قوول يالغالي
اقدم لك ضيا عيني
هو :-
انا محتاج لك انتي
حبيبه مثلما كنتي
عسى انك تفهمّتي
غرام(ن)بان (ع) جبيني
هي:-
تطمّن ياهوى عمري
انا سلّمت لك امري
ومثلك فاض بي صبري
تعااال اهنأ وهنيّني

اخوكم / رايق البال

~~~~~~~~~

مسبع زهيريات

http://archive.omaniaa.co/showthread.php?t=184121

يسعد مساكم / صباحكم

بصراحه صار لي فتره ابي انزل هالموضوع بس ألغي الفكره في آخر

لحظه .. شعر المسبّع او الزهيريات كما يطلق عليه احيانا بدول

الخليج يتكون من 7 ابيات فقط وكل 3 ابيات على قافيه وحده والبيت

السابع ترجع قافيته للبيت الأول .. هالفن مشتهر بالسلطنه اكثر شي

حسب توقعي بالشرقيه والباطنه وبدول الخليج بالكويت والبحرين

وبعض دول الخليج بس اقل عما ذكرت .. كما ان هالفن معروف

بالدول العربيه ويسمى مواّال اعتقد ..

فن المسبع او الزهيريات يعتمد على التلاعب اللفظي بالكلمه مثل

(سمًي ) سمي : قول بسم الله الرحمن الرحيم


سمّي : انطق اسم الشخص .. وهكذا كما ستلاحظون ادناه

في النصين اللي راح اقدمهن واتمنى ينالن رضاكم ...

النص الأول :

اوصل لداره ونادي بوصفه وسمّي

وصلّي على المصطفى ان شفته وسمّي

واحذر شراب العسل مخلوط به سمّي

قوله المولّع حشى ماكان لك سالي

وكيف يسلاك واسمك ياهوى سالي

ولا مرّ يوم(ن) وعنك القلب ما سالي

واسمع ردوده وقبل اتوادعه سمّي

للتوضيح :
سمي بأول بيت : قول اسم الشخص
سمي بثاني بيت : قول بسم الله الرحمن الرحيم
سمي بثالث بيت : السّم الزعاف

سالي بأول بيت : لم ينسى ويسلو

سالي بثاني بيت: اسم الشخص ( طبعا مجرد اسم لايعني لي بأي

شي لمزيد من التوضيح لا تقولوا بعد هذا هو اسم البنت اللي الرايق

يحبها ههههههههههه)

سالي بثالث بيت : لم يسأل ويبحث عنك الخ

النص الثاني :

يزداد شوقي اذا مالليل هلّ وجنّ

واقطع دروب(ن) خشاها كل انس وجنّ

ولجله تحملّت من قال المولّع جن

للحب ناسه وللميدان خيّاله

واللّي يحبه خفوقي دوم بخياله

ويحّن قلبي اذا ما لاح بخياله

ويزداد شوقي اذا مالليل هلّ وجّن

للتوضيح :
جن بأول بيت : حان قدوم الليل

جن بثاني بيت : مخلوقات الجن

جن بثالث بيت : مجنون

خيّاله بأول بيت : اصحابه او فرسانه الخ

بخياله بثاني بيت : طيفه وصورته الخ

بخياله بثالث بيت : شخصه وشكله على الطبيعه



اخوكم / رايق البال

~~~~~~~~~~

قصيدة: هلا باللي أنا احبه

http://archive.omaniaa.co/showthread.php?t=378931

يسعد صباحكم / مساكم
قصيده ع الطاير من الرايق اتمنى تنال رضاكم
لكل الأحبه اهدي ماخطه قلمي ....


هلا باللّي انااا احبه

هلا به ساكن(ن) قلبي

وربّي دنيتي غربه

بدوووونه غربه وربّي

(ف) بعده حالتي صعبه

ونار الشووق تلعب بي

خذاني شووقي لدربه

وشووقه جابه لدربي

تسامى حبي وحبّه

وحبّه لي مثل حبّي

وحلّق بالهوى سربه

وتخالط سربه وسربي

ووضّح كم إله رغبه

متى لاح الهوى غربي

وولّع باللقا وشبّه

بليله نارهااا اتشبّي


اخوكم / رايق البال


~~~~~~~~~~

قصيدة: نعم ساري على درب الهوى ساري

http://archive.omaniaa.co/showthread.php?t=330777

يسعد صباحكم / مساكم

اهداء خاص وبالتأكيد الإهداء موصول لكل الأحبه ...


نعم ساري على درب الهوى ساري

نعم ساري لجل من ودّهم شاري
لجل من ودّهم عندي غدا منوّه
بها احيا وتحيااا ذابل ازهاري

نعم ساري ونار الشوووق ماترحم

الى من له تحّث الخطوو مسياري

متى مالوقت آآآآلمني بسط يدّه

وعنّي كم يكااااابد لافح الناري

يصدّقني اذا (م) الكلّ لي انكر

وينصرني متى ماغاب انصاري

ولي واااااحه اذا ماقرّب اللافح

وينبوووعي متى ماجفّت انهاري

وكم اسراااار اعطيته وما بيّح

وكم اشجااان حملّته وهو يداري

ومهما فيه من احزااااان يكتمها

وكلّه شووق لا عني سمع طاري

لجل شوفه نعم ساري دجى ليلي

الى من هو بعتم الوقت انواااري

نعم ساري ونار الشوق بي تعصف

نعم ساري لجل من ودهّم شاري


اخوكم / رايق البال

[رايق البال]

قصيدة:لا تلاقينا منايه من جديد

http://archive.omaniaa.co/showthread.php?t=306783

يسعد مساكم / صباحكم
لكل الأحبه اهدي ماخطه قلمي ...

لا تلاقينا مناايه من جديد
والظروف اللّي تعاندنا رضتْ
والقلوب اللّي لها طبع(ن) عنيد
رقّتْ لحالي وحالك واعْطفتْ
والفرح اللّي رحل عناّ شريد
خيّم بسعده وعوّوودْ والّتْفتْ
والزمان اللّي ذبحنا ( م) الوريد
قدّم اعذاااره ولنا عينه بكتْ
ابتسم لي واسجع بحلو القصييييد
وامْسك بإيدي ونوّر (م) اعْتمتْ
ساعة اللقيا مناااايه يوم عيييد
خلّناااااا ننهْل ما دام انها لفتْ
للثمااااالهْ نشرب الكاس ونزيد
سكرة العشاااااق فينا إنْتشتْ
واشقى من عاش بالدنيا وحيد
يصفق كفوفه متى الناس اذْهلتْ
يرسم البسمهْ وبه نار(ن) تقيد
ويظهر القوَوةْ وأحواله اشْتكتْ
ولا ضوااااه الليل يسرح للبعيد
للوليف اللي له الروح اعْشقتْ
لااا سمع دقّه على باب(ن) بعيد
ولا سمع خطوةْ حِسب إنها إجتْ
فزْ من نوووومه وصيّح يا عضيد
ما لقى إلاّ صدى أيام(ن) خلتْ
إيتعلّقْ خافقه بصبح(ن) جديد
علها الأياااام ترجع ما خذتْ
ذي حياة العاشق اللّي مايفيد
فيه نصح وموعظه مهما قلتْ

اخوكم / رايق البال


~~~~~~~~~~

قصيدة: اسأل ولو مره

http://archive.omaniaa.co/showthread.php?t=301418

يسعد صباحكم / مساكم
لكل الأحبه اهدي ماخطه قلمي ...

خلني على بالك .. إسأل ولو مره
خلّك معي ارجوك .. لا تخيّبه ظني

إسال فدتك الروح.. واذكر صفا العشره
في غيبتك والله .. تاه الفكر منّي

ما اصعبه فرقاااك .. زاد الحشا جمره
منكّ ولو لحظات .. سيدي يكفّني

إسال وخلّي الحب .. ينثر شذا عطره
عيش الهوى عندي .. كنّ منيّ وعنّي

اهواك وانت ادرى .. بالخافي وجهره
اهواك ياحب (ن) .. منّه استقي فنّي

مشتااااااق لك والله .. وبخافقي حسره
رجلي مع الأشوااااق .. صوبك يودّني

خلني على بالك .. إسأل ولو مره
لك منتظر ياااحب .. لا تخيّبه ظني


اخوكم / رايق البال


~~~~~~~~

قصيدة : يامزون الخير هلي يامزون

http://archive.omaniaa.co/showthread.php?t=160055

يسعد مساكم / صباحكم
طبعا الكل عارف ان مزون اسم من اسماء عمان قديما .. لعمان الحب.. عمان الأمل .. عمان عشقي الأبدي اللي كلما سافرت عنها اعود وانا مفعم بالشووووووق لأحضانها .. لعمان التاريخ اهدي هذا البوووووح المتواضع لقلمي رغم اعترافي بأن كتاباتي لا ترقى ومستوى المهدى له بس تظل محاوله مني اتمنى تنال رضاكم ايها الاحبه .....

يامزون الخير هلّي يامزون

من سحاب الجود هليّها هتون

من سحاب الجود هليّها مخايل

خلّها تروي البوادي والعيوووون

وانثري فيها ازاهير المحبه

واصدحي فيها بشدوك يافتون

آآآه يادار(ن) لها فدوه عيوني

آآآآه يادار(ن) لها عمري يهون

لك ورب الكون في قلبي معابد

معبد(ن) للحب والعشقه فنون

ياعمان المجد اضناني غرامك

آآآه يااسم(ن) يحرك بي شجون

ياملاذ الكل ياارض الغبيراء

ياقلب ع الكل شفاق(ن) حنون

من قصدك بشرّ.. له كلنا سيوفك

للثماله يرتوي كاس المنون

ومن قصدك بخير نعطيه الموّده

طبع ناسك للموّده يشترون

بالوفا والجود معروفه خصالك

ياعمان الخير لك ربي يصون

قبلة التاريخ وامجاد الحضاره

يامنار العلم ياهام الحصون

لك مع التاريخ اشراقة شموسك

ترتقي به للسما فوق المتون

والجبال الشمّ اطهر من ضنوني

وشهرة(ن) تشهد بماضيها قرون

ياعروس الشرق تيهي في دلالك

من مثيلك من ياضّي العيون؟

قالها التاريخ قبلي يابلادي

قد صدق والله من سمى (مزون)



اخوكم / رايق البال

~~~~~~~~

قصيدة : نعمة النسيان

http://archive.omaniaa.co/showthread.php?t=296081


يسعد مساكم / صباحكم
من قديمي بعض الشي اهدي لكل الأحبه بوح قلبي وقلمي ..
قصيده كتبتها رد على احد الأخوه ونشرت في جريدة عمان منذ فتره طويله بعض الشي بإسمي الحقيقي طبعا .. اتمنى تنال رضاكم ...

هلا بالشاكي المتعب هلا من طال به سيره
بدرب(ن) موحشة قفرا خشاها انسنا والجان
هلا بالساهر الصااابر ومن حكمت مقاديره
يدوّر في فضا ليله على نجم(ن) طفا ما بااان
هلا بالليّ شكى هم(ن) وحظ(ن) زاد تقصيره
وخل(ن) جاهر بهجره وقدم للهجر برهاااان
هلا بك عد ما مزن(ن) تنثرّ (ع) البشر خيره
هلا ومليون بك مرحب عليك من الغلا تيجان
سلاااام الله يا قلب(ن) شكى هجرة غناديره
سلام لكل من يشكي فرااااااق الاغيد الفتّان
أيا من شنهّا لووووعه وهزتنّي تعاااااابيره
وصحّى شوووقي الكامن واشعل لوعة الولهان
على هونك.. على هونك قبل كسرك وتجبيره
علينا ننظر الحااااله نعالج بعدهااااا ما كان
سألتك بالذي سواّك وحق الجااااار والجيره
عظيم السر لاتعلن وخلّك للصبر عنوااااان
عظيم الشوووق يتلاشى اذا ماجدّد السيره
ألا سبحان من انعم علينا نعمة النسياااان
امانينا أيا شاااااكي قليلة حظ وعْسيييره
اذا ماسرّتك ليله.. جفتك بلاسبب ازمان !!!
تمسّك بالأمل تلقى وروود الحب وعْبييره
شذاها ينعش الخاطر وتسعد باللقا الوجدان
ويهدااا قلبك المتعب وتتبسّم اسااااريره
وتخلع ثوب احزانك وتحضن غالي الأثمااااان
ويصفى جوّك الغااايم وتتبّدد اعاااااصيره
تشّلْ الدان بالمغَنى تناطح بالفرح سمحان (1)
ختام القول يامحمد بتنبت لك ازاهيييره
ارض محتاجة(ن) للحب وانتَه المغرم الهيمااان

ملاحظه : سمحان جبل من اكبر جبال محافظة ظفار ( صلاله ) .

اخوكم / رايق البال

[رايق البال]

قصيدة: تواعدني ع بكره

http://archive.omaniaa.co/showthread.php?t=384333

يسعد مساكم / صباحكم
من بعض قديمي اللي نشر زمان بالصحف بإسمي الحقيقي ..
لكل الأحبه اهدي بوح قلمي ....

تواعدني على بكره ..

وياما انتظر بكره

ومرّت بعد ذاك اليوم

ياسيدي ألف بكره ..!!!

وانت هناك ماتذكر

عيون(ن) للقا تنطر

تناديلك أيا قاسي

تعال وردّ إحساسي

وتتسائل أيا ناسي

ترى إمتى تجي بكره ..!!!؟

احبك قلب .. يغريني

بأشواقه ويناديني

إلا يالمنتظر .. وينك ؟

تعال ابحث عن دروبي

تعال ان كنت محبوبي

وفتّش عن عناويني

وانا لك منتظر .. بكره

اخوكم / رايق البال


~~~~~~~~

مسبع زهيريات(3)

http://archive.omaniaa.co/showthread.php?t=367471

يسعد صباحكم / مساكم
من جديد نلتقي مع هالفن والموروث الجميل بعد لقائي الأول والثاني
بكم في النصوص اللي قدمتهم ..
من جديد اقدم لكم كالعاده نصين متمنيا ان ينال رضاكم بوح قلمي ...

النص الأول :

ومرّت سنه ياسيدي ومن بعدها إثنين

وكان اللقا ياهوى في ليلة الإثنين

يوم إلتقينا سوى انتي وانا الإثنين

والبحر يضحك لنا ونمشي على سيفه

وكل(ن) غمد بالهوى في صاحبه سيفه

ولا حد شكى مننا ضيم وتحاسيفه

وفجأه افترقنا وكانت ليلة الإثنين

النص الثاني :

قول لي ملاك(ن) انت ولا بشر

وهل جيتني بالخير ولا بشر

لجلك ضحك خافقي والله وبشر

مني تلاقي حنان(ن) فايض ورقّه

ذا دفتر القلب شوفه ورقة(ن) ورقه

تلقى وداده يغني لك كما ورقه

ومادام انا حي تدلّل صاحبي وابشر

اخوكم / رايق البال


~~~~~~~~
قصيدة: ضنأ المآساه

http://archive.omaniaa.co/showthread.php?t=352207

يسعد مساكم / صباحكم
من قديمي بعض الشي الذي نشر بإحدى الصحف بإسمي الحقيقي طبعا ...
اتمنى ان ينال رضاكم ايها الأحبه ....

لا متى الصبر يااا أمة رسول الله

لا متى الحال ..على ماهو عليه يبقى ..!!؟

لا متى نعيش نتجرّع ضنا المأساه

واللي ظلمنا على هامااااتنا يرقى ..!!؟

بعد العداااله تبدّل شرعه ومجرااااه

ومن فيض جوره ألا كم صاحبي نلقى ..!!

ولجل انّه يهنى لزوم(ن) نخرس الأفواه

ولجل انّه يرضى لزوم(ن) نطلب الرفقا

وبعد السياده غدينا نتبعه كالشااااه

والنفس للذل غدت ياصاحبي عشقى

والعز فارق دياره هاجر(ن) مرفاه

للدااار ودّع وربّك يطلب الفرقاااا

هذي الحقيقه وهذا الواقع وفحواه

واللي فهمني يرّد لخافق(ن) مشقى


اخوكم / رايق البال

~~~~~~~

قصيدة: اشتقتلك

http://archive.omaniaa.co/showthread.php?t=339754

يسعد صباحكم / مساكم
لكل الأحبه اهدي ماخطه قلمي ...


اشتقتلك واللّي خلقني اشتقتلك

وناديتلك ارقّص على دق الخفوق


ارقّص حبيبي وخلّني بك امتلك

دنيا الغرام اللّي لها دوومي شفووق

يامن ملك كل الغلا يامن ملك

غرّب خفوقي ولا تعب خلّه شرووق

انته وانا قلبّ( ن) تملّك وامتلك

انته وانااااا غيمة مطربعد البروووق

آآآنا البحر وانته على متني فلك

وانته الهوى وانا إلك دوومي طرووق

يافاااااتني كلّ الغلااا اهديتلك

انته وانا ياهيييه عاشق ومعشووق

ما اجملك يااااصاحبي ما اجملك

كلّك حلااااا وكلّي انا مغرم يتووووق

احيا بهمسك .. ولا بغيييت امووتلك

بس انته ترضى ..وكلها الدنياااا ترووق

اخوكم / رايق البال

[رايق البال]

قصيدة: وحشتك يالغلا والاخذتك دنيتك

http://archive.omaniaa.co/showthread.php?t=565476

يسعد مساكم / صباحكم
من جديد نلتقي ايها الأحبه ونص اتمنى ينال رضاكم ...


وحشتكْ يالغلا ولاّ

خذتّك دنيتك عني؟

وربّك ماقوى يسلا

خفوق(ن) سالبهْ مني

متى مامرّ به هلاّ

خيالك وانتشى يغنّي

هلا بوضحكة(ن) خجلى

هلا بشوق(ن) يمرمرني

هلا بونظرة(ن) تحلى

تلملمني .. وتنثرني

حبيبي لا حشى وكلاّ

لغيركْ خافقي ايحّني

احبك ياشذا الفلاّ

ياحب(ن) آآآآآآه ذوبّني

غرامك فالحشا حلاّ

ورووحي انته وفنيّ

احبك امنيّه وخلاّ

احبك منيّ وعنيّ

حبيبي ياعسى وعلا

تعوّد لي .. وتذكرني

بدونك دنيتي ثكلى

ووقت(ن) خاب به ظني

اخوكم / رايق البال

~~~~~~~~~

قصيدة: ماوحشتك

http://archive.omaniaa.co/showthread.php?t=547012

يسعد مساكم / صباحكم
من جديد نلتقي احبتي وبوح آخر لقلمي ع السريع كان ...


ماوحشتك ..!!؟
ادري اني ماوحشتك
وادري انك صرت قاسي
وللهوى والحب ناسي
وادري انك من رحلت
راحت احلامي معاك
وراحت اشواقي وراك
وانته لاهي ماسألت
وانا في عز اشتياقي
حتى كلمه مارسلت ..!!
ماوحشتنك ...!!؟

ياغلا قلب(ن) هويته
ودم شرياني سقيته
ماعلّموكْ اللي سبقونا ...؟
ان للعشقه حقوق
وان خفاّق المولّع
للوصل دومه يتوق
ولا ضناه الشوق ناظر
فيني ثم اطلق حنينه
بكلمه ياما لك قلتْها
ماوحشتك ..!!؟

انته مو انته زمان
قلب يملاه الحنان
وعين كم تشتاق قربي
وتصرخ بآهات حبي
وهالتغيير ياحبيبي
فرّق قلوب(ن) تسامت
كان جمّعها الزمان
ماوحشتك ...!!!؟

اخوكم / رايق البال


~~~~~~~~~
قصيدة: علشان العيون الناعسه والحب والترحال

http://archive.omaniaa.co/showthread.php?t=157584

يسعد صباحكم / مساكم

لكل الأحبه اهدي بوح قلبي ونزف قلمي المتواضع .. وعسى
تنال رضاكم محاولاتي المتواضعه هذي في كتابة الشعر ....

علشان العيون الناعسه والحب والترحال

فنيت سنين من عمري وانا من ديره لديره

غديت السندباد اللي حياته عاشها رحاّل

ومن مينا الى مينا الى مينا الى غيره

توشحّت السواد وهمت من ترحال لا ترحال

وتيار الهموم يزيد في جوفي اعاصيره

اداري بالفرح هم(ن) يناطح في مداه جبال

وعيني تنتظر حلم(ن) وتتأمل تباشيره

تعبت اطوي مسافاتي وزادت شيلة الاحمال

وهوجاس الفكريقدح بمن زانت تصاويره

تسربلت الغرام وصحت ألا يامهرتي خياّل

ينادي اتعبه حبك ودرب(ن) موحشه سيره

الا ياصاحبي تكفى ..تعال وناظر الاحوال

وكسر(ن) بالضلوع يزيد مد ايدك لتجبيره

عطيتك كل ماعندي تدلل ايش بقى لازال

تشوفه ماتحقق قووول بدد عني الحيره

كفايه تنزف جروحي وانت بنشوتك تختال

ترا درب العنا والشووووق هدتّني مشاويره

انا وانتي انا وانتي انا وانتي مع الآمال

مع الاحلاااام والفرحه نكمل باقي السيره

اخوكم / رايق البال


~~~~~~~~~

قصيدة: من علمك تقسى علي من علمك

http://archive.omaniaa.co/showthread.php?t=392499


يسعد مساكم/ صباحكم
من جديد نلتقي وآخر ماكتبت ...
لكل الأحبه اهدي بوح قلمي ....

من علّمك تقسى علي .. من علّمك ..!!!؟
ياصاحبي هذا الجفا .. من علّمك ..!!!؟
قرّب تعال
تكفى تعال
كلّي انتظار لشوفتك
خلّني ابعثر فيك ثم آلملمك ...
من علّمك تقسى علي .. من علّمك ..!!؟
انته وانا
يافاتني
حب ووفا
شوق ودفا
وقلب(ن) يصيّح فيك آآآآآآآآه
امووت انا
في ضحكتك .. في نظرتك .. في طلّتك
ياللّي على هذا الخفوق .. مااااا أظلمك ..!!!
من علّمك تقسى علي .. من علّمك ..!!!؟
اشتقتلك واللّي خلقني اشتقتلك
بسّك بعاد
كافي عناد
استحلفك باللّي له تصلّي وتطيع وصوّمك
من علمّك تقسى علي .. من علّمك ...!!!؟
ياصاحبي هذا الجفا .. من علّمك ..!!!؟

اخوكم / رايق البال