^-^ شعورٌ يلامس نبضي °~° ®

[Raba]

رائع، الأسلوب الهادي هو أفضل الأساليب لحل المشكلات وغيرها

لا الفوضى والعصبية في وجوهم تحسسهم ان لهم قيمة أكثر مما هم عليه ،،، وأحيانا الهدوء احتراما للأيام الحلوة ونبيل الأفعال الي حضرت في كذا موقف سابق لا غير

[Raba]

شاركونا في موضوعنا الجديد :
شحنات إيجابية وضعت لإجلك

جميل ان تعطي نفسك فرصة تنهي عندها كل احزانك وتبدأ بها حياة
جديدة ومشوار جديد يملئة تفاؤل ،،،
" تفائلوا بالخير تجدوه "

[Raba]

امس قلت بحلل الاجازة بعد ما سلمت الواجب للمعلمة قالت لازم تسلمي شيء اخر قلت بس تمام بسلمك اياه عبر الايميل
المهم طلعت ع النهر ورحت اكل من نــــااااانـــــــدوووز عشقي الي ما احد يعرف عنه لان في الاشهر مرة منه المهم كنت لحالي
ثم رحت البحر ملبورن بورت بعدين رجعت الستي كلمت البنات قلت لهم بجي عندكم اليوم ورحت عندهم طبعا صارت سنة ما مريتهم هالبنات متخيلين
بعدين اتصل علي ريز قال اريد القاك قلت انا في الستي ما في الجامعة قال عادي نلتقي في الستي اذا انتي عند شوشو يكون اسهل نلتقي قلت له شوشو
ما عندها خبر انا في الستي لاني مع بنات ثانيات قال بس تم بخبرها ونلتقي بك عند الستيشن قلت تم ،، طبعا ابدا ما ازعجوني تقهويت وطلعت قلت لهم
ترا ما مخططين نطلع مليتكم صدعتوني فشلتوني عند البنات قالوا ما قصدنا ترا ما مخططين طبعا شوشو اول كلمة يا الحيوانه ليه ما خبرتيني انك في الستي
قلت لها كيفي ما ابي اشوفك طفرانه من صوتك ما ابي اشوف صورتك ههههه ردت على ياخي انتي دبه ما تجاملي لبر هههه ضحكتني المهم رجعنا لريز
بعد السوالف للعلم ريز اصلا ما عربي ولا يفهم عربي سالني اهلك بخير قلت الحمدلله قال تحبيهم قلت له لا قال ليه قلت له عيل هذا سؤال ينطرح المهم
ضحكنا قال عبالي مزعلينك قلت له بالعماني نوبه قال شو يعني ههههه قلت له ما احد يزعل من اهله قال صح كلامك طبعا شوشو فاضحتني تضحك هههه
قال ياخي زمان ما ترسلي ولا شيء قلت له ما احب ارسل اول لازم ترسلوا وانا ارد عليكم بعدين يمكن تكون مشغول الحين فترت مد سمستر قال لا فعلا
الحين المواد غير وهو بس عنده 3 مواد ويتنعتر ساكته عنه ،، ردت عليه شوشو تقوله ترا الحين ضيون عندها حديقة حيوانات للحيوانات والبشر~ هذي
الانسانه تدورحج نفسها كلمة هههه طبعا هنا كانت تقصد بنات سكنوا عندي فترة معينة لظروف معينة وهن شوي علاقتهن مع الاخرين ما اوكيه وشوشو
منقهره ليه انا اساعدهن ( بصراحة حسيت ان ما زين ما اساعدهن والايام دوال يوم لك ويوم عليك) وشوشو البقبوقه تتنعتر المهم اكلنا مندي تيك اوي
ورحنا مطعم باكستاني ناكل المندي هناك وطلبوا حلومي هههه نعم انهم فضايح قايله ما اجي معهم مكان هههه المهم نعم عليهم سوالف رحنا البحر ام ريز
كانت مريضة راح يكلمها ونحن جلسنا نسولف واتصلنا بسحر السعودية صديقة شوشو ومسوين سبيكر وطبعا سحور ما عندها خبر وهم يسلفوا سحر عليها
كلام ماسخ احيانا وشوشو تغطي اذني على كل مرة اسمع شيء ما اوكية قلت لها هذي ربعك ها دبة وحده وضحكني تقول سحر ياخي تكلمي زين خليك
عاقله وانا اضحك اقولها بعد شو كشفتكن قالت سحر لشوشو تعالي عندنا قالت ما اجي معي ضي فضيحة تجي بيتكم ههههه قالت سحر ياخي انتي حيوانه
وسحر ما تحسب انا اسمع قالت عفية جيبيها نسهر مع بعض قالت لا ضي تمشي البيت قالت لها مو على كيفك المهم قالت هاله وحده سعودية بعد من هذي
ضي قالت سحر هذي عمانية مصرية تشبه رقاصة مصرية كان اطالع شوشو ذيك النظرة الي وراها شووووو؟؟؟؟؟ ،، هههه مسكينة شوشو قالت بتوتر لا
لا ضي لا مو مصرية تشبه رقاصة لا وانا كذا اشوفها اقولها اشبه رقاصة اخرتها وشوشو تضحك علي قالت بنجي عندكم خلاص قلت لها كيفك هو قالت
غيبي عني عادي قلت اوكيه يا ما عندي تعليق بعدين قولي حج سحر ذاك زمان الحين تغير شكلي سنتين ما شفتها وافتكرت اني اشبه رقاصة مالت بس ع
الرفقة يا شوشو المهم جلسنا عندهم للفجر ورجعنا بيت شوشو ونمت عندها نحن نمنا الصبح عاد انا نمت 6:30 وشفت كتاب حلو عندها ونسيت اخذه بس باخذه
وبكرة نروح الرحلة وسجلت سحر وهاله معنا للعلم هاله عندها ولد وساهره معنا ههههه هذي المخلوقه فله بزياده انا عبالي ما متزوجه صدمتني من قالت انا
عندي تميم قلت لها ساعة 4 ترا الحين الفجر قالت عادي مع ابوه نايمين ضحكتني ههههه بصراحة عندنا الرجال يسهر مو الحرمةة ع العموم ربي يسعدهم
انبسطت بمعرفتهم ،،،

[Raba]

صح امس كنت اقص قصة لشوشو حتى تشوف ابداعي الفكري وطبعا هي اصلا اكثر من قصة انا سويتها في قصة واندمجت وعاد انا مثل العجايز من اروي قصة يندمج الناس معي المهم لما خلصت اشوفها فرحانها تقول سبحان الله جميلة متى تألفي كتاب قلت لها لما تفضي تطبعيه لان انا اقولها كذا قصص من خيالي وبس ما كلهن اكتبهن وليدات لحظة لكن هالقصة كنت جالسة اكتبها وامتسح الموضوع وعصبت وما قدرت اعيدها بس جد هي راح تكون القصة المقربة الى قلبي بعد ما اكتبها لان للحين تأثرت بقصتين وحده كتبتها اسمها يا رصاصه يا غداره وهي حقيقية والثانية هذي الي ألتغت قبل لا اعتمدها وشكلي بحاول اكتبها مره ودي انشر هالثقافة على المجتمع واوضح هالقصة من كل ابعادها النفسية والاجتماعية والصحية ،،

[Raba]

السلام عليكم ورحمة اللّه وبركاته ،،،
كيفكم جماعة أمس كان مره جميل ما شاء اللّه استانست مع غرفتي الي أصبحت شهيرة آلان أتوقع كل احد صار يعرفني بعد الرحلة ذي ههههه وكله من الشله الفاسدة طيحوا شوقي وبرائتي وصرت آخرتها راعية عصابة أصلا عادي المهم وناستنا ،، بس بصراحة اول مرة يجيني طيش زي أمس يعني طيشي مع نفسي كان او في البيت مو زي أمس ما بقينا شيء ،،، المهم بتجيكم السالفة بعدين ،،

هذي منحوتات كانت في الحديقة ،، وصورتهم ،،

[Raba]

هلا جميعا كيفكم عساكم طيبين ،،
مممم شفت كم تعليق حتى معظمهم ما اذكرهم من كاتبين عن الصراحة وان بدل ما صار
الحوار يكون صريح صار وقح ،، ولكن من وجهة نظري إذا أردت أن تفعل شيء لازم تكون
مسؤول عن فعلك وتتقبل كل النقد والانتقاد برحابه لان في النهاية انت عارف نفسك من تكون
وشو شخصيتك وهنا مجرد تعارف إلكتروني لا يمد للواقع صلة فليه مهتمين كل هذا الإهتمام
ان الناس تمدح فيكم فقط ،، اشغلوا أنفسكم بالشيء المفيد من كل شيء لا تجعلوا من المحيطين
شأن في تدمير معنوياتكم وخلي الحساد يموتون ،،، وانتهت السالفة مع إحترامي لكل من عطى
الموضوع أهمية ،،،

تحياتي

[Raba]

السلام عليكم ورحمة الله وبركاته

صباح الخير

اوه جميل صراحة يعطيكم العافية بس كنت ما متابع.
المنحوتات تعود شكليتها للشعب الأسترالي الأصل.

وعليكم السلام ورحمة الله وبركاته ،،
صباح النور والسرور ،،
ربي يعافيك ،، فعلا منحوتات من الثقافة الأسترالية
والبيئة الأسترالية المتنوعه ،،،
تسلم عزيزي

[Raba]

...
أود لو بإمكاني تفسير ما يحدث من حولي وفيّ
أود حقا لو أجعل كل الأمور مثل ما اريد ولكن الله يفعل ما يريد
ع الأقل اريد ان أبكي بقوة ولكنني لا استطيع هناك ما يمنع دموعي
من الهطول ولا اعرف ما هو ولكن أعلم تماماً ان حبس الدموع مؤلم
أحياناً يضيق بي صدري وأبتسم لأني أثق بأن هناك مخرج سيلوح في
الأفق آجلا ً ام عاجلاْ سأرى مبتغاي وسأتصالح مع الأوضاع الحالية

[Raba]

مممم اكلمكم عن الرحلة الجميلة جد كانت متعة استانست
طبعا انا صار لي سنة وشيء ما اروح تجمعات الجمعية لذلك بعض الطالبات والطلبة ما أعرفهم فقررت انا وهاله وسحر السعوديات وصديقتي شوشو والي تسكن معها وبنات جامعتي 3 زميلات بصراحة يمروني جلسنا في نهاية الباص وسوالف وكذا مسوين فرقه ما شاء اللّه وطبعا منسوبه الفرقة لي طول الطريق الي ماسكين المايك قدام ينادوا ضي وفرقتها تعالوا عند المايك غنوا وانا ما اطيع ما استغنى عن فرقتي ههههه مع اني ما أغني معهن كثير بس اصفق واحمس الجو شوي ،، حتى ام حمد وام دانه انضموا إلينا قالوا فوقه حماس وتشجيع كان شيء ممتع ،،
المهم وصلنا حديقة المغامرات هههههه وكان اقول يلا ع المتاهة طبعا سحر ما شتمتني ابد ضعنا هههههه وانا اضحك اقول حج سحر اين التبيعه (الطبيعة) يا سحر هههههه وهي تدعي علي تقول لابو تبيعتكم (طبيعتكم ) ولا بو عينك ههههه انا منقتله عليها ضحك من طلعنا للحرية شفنا القفز بالحبل ترتيبي بعدين شفت تشكيلات حجت الأشجار عن الكولا والدببه كان اطيح بشوشو اقولها سلمي على اهلك قالت ذولا ربعك حيوانه ههههه قلت تصدقي ترا انتي من ربعي طلعتي هذي أنتي قالت أنتي صدق حيوانه هههههه كل مرة انكت على وحده ،،، بعدين رحنا لعبة الزحليقة من على منحنى بصراحة فله ورحنا بيت الزجاج وبيت 3 دي دار راسي فيه لان كله 3 دي ويسبب دوار بعدين رحنا التحدي نمشي على جسر متحرك قفز حواجر وتمر من على خشب متحرك وتسلق الشباك وآخر شيء مرينا على متاهة أسلاك الحديد كان ممتع بصراحة خلص الوقت رحنا الباص رحنا ناكل طبعا صرنا مشهورين نمشي ونضحك من كثر التنكيت والربشة رحنا أكلنا كل احد ماسك بطنه إلا انا المثقفة ما اريد احتك بأحد ماسكة آيباد جالسة اقرا كتب عشان ما أتعرف على احد ههههه الحمدلله تعرفت على ام عمر وام حمد وبس يعني ذولي ماستر وامورهن طيبة الحمدلله ،، بعدين رحنا التلفريك كان بصراحة حماااااااس طبعا انا وفرقتي كنا اخر ركاب وكانت وحدة من البنات لاعيه عطانا السكيورتي حلاوة وجلس يسولف معنا وعطى هالبنت حلاوات بيدها واجد يقولها كلي عشان تسكتي ما قدرت اسكت من الضحكة ههههه مسمينها فوفو أقولها لها الدرجة صدعتي المخلوق حمدي ربك نحن متحملينك ههههه قالت ياخي أنتي يوم ما تتكلمي ما تتكلمي ويوم تتكلمي تقصفي ههههه بس صراحة راضية عن الفرقه المهم من ركبنا التلفريك صار عرس وتصفيق وعايشين الجو وصهيل وأغاني ما اعرف من وين جابنهم اول ما وصلنا يقول الستاف شو سويتوا انتوا قلت له ولا شيء حيينا الي جاين وغنينا والمشكلة يعترفن ضحك الرجال قال لنا استمتعوا بيومكم قلت له ما مقصرات هن ،، المهم قبل لا انزل للباص كان تناديني بنت قالت ضي انتوا الي كنتوا تزغرطوا ضحكت قلت الله يلعن بليسكن من فرقة ضاع مستقبلي هههههه قلت لها للأسف الشديد كانت فرقتي مسويه عرس هههههه طبعا هذا التعليق لقيته أكثر من بنت بعدين عادي يوم وعدا ههههه بس لما رجعنا سوا مسابقات ونحن ملانين لحد قريب ما نوصل جلسنا نغني وما عطينا أحد فرصة يتكلم آخر شيء وحدة قالت من ضي قلت لها انا ضي قالت ياحليلها هالبنت هادية ليه كل مرة تقولوا عنها ربشة قلت لها عشان عندي فرقة يهاجموني ههههه ضحكت ،، بس احسهم ظالمينا مسوين لهم جو كنا ،،

[Raba]

مممم الي رسل بإسمي رسالة كأني عرفتك
فديتك حبيبتي الشرف لي معرفتك أعتز بيها
يعطيك العافية وربي يوفقك عزيزتي
ع فكرة وانا اقرا رسالتك البسمة ما فارقت
شفاي عسى ربي يسعدك ،،،