سججل حضوركـ بـ " بيتـ شعري " على ذوقكـ :/

[أميرة الروح]

العـز بالله .. و سيـف الـعـز .. ما ينكسـر
والبيـّرق اللـي على قمة جبل مايطيح
لا فـي بـداية شهـر ولاّ نـهـاية شهــر
أبقى ويبقى على القمة كلام ٍ صحيح

الشعر ماهو عطا من زيد و إلاّ عمر
إليا بغيت أنطق الكلمة لساني فصيح
لو شفت ناس ٍ على دربي تحط الحجر
وترمي عليّ الحجر وتصيح قدام اصيح

[آسية]

لا تلتفت للناس وتقول قالوا
عليك في نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس

[آسية]

لاا تصدق اللي عباد الله يقولونه
اسمع من هنا ومنا طلع احكاهم

كم واحداً أكثر اصحابه يذمونه
واذا بخسته طلع اطلق من لحاهم

[آسية]

يالله ياللـي تغــفـر الذنب والزلّه
حببـني لسكة التقوى وممشاها
،
من كثرة ذنوبي أونس فالحشا علّه
طالبـك يـارب تغـــفــرها وتمحـاهـا

[آسية]

المرجله بالفعل ماهي بالأشكال
من شي صاير لي عرفت وتيقنت

لقـيـت بـنـتٍ بالمـواقـيـف رجـال
ونفس المواقيف إكشفت كمْ رجل ( بــنـت )

[آسية]

لرجل في صمته مكانه وهيبه
وان كثرت أهروجه تقل المكانه

أحفظ السانك لا يجي منه غيبه
الصمت لرجال يحفظ مكانه

[آسية]

الجاهل اللي بنقل الحكي متكلف
نفسه على العز لو حديتها عيّت

والهرج من يتبعه غادي ومتخلف
الناس من شرهم مايسلم الميت

[آسية]

يالادمي لاعشت بتشوف ثنتين
اللي يبي يمدحك واللي يذمك

لكن ليا كملت مايطلب الدين
باق الامور الثانيه لاتهمك

[آسية]

الرزق مكتوب والأقدار مكتوبة
لا تشغل البال بالدنيا وما فيها

احرص على طاعة المعبود والتوبة
وباقي أمورك ترى ربك يسهلها

[أميرة الروح]

عايش على قدي وراضي وممنون
جربت حظي من جميـع النواحي

العب طرب حتى يقولون مجنون
واكتب ذهب حتى يقولون صاحي